Bachche aaraam se rahein.

بچے، آرام سے رہیں۔ جولائی 1995 میں مراد آباد کا میرا ایک سفر ہوا، وہاں ایک صاحب نے بتایا کہ جو پیسے والے مسلمان ہیں، ان سے اگر پوچھا جائے کہ تم اتنا زیادہ پیسہ کس لیے اکٹھا کر رہے ہو، تو ان کا جواب یہ ہوتا ہے: اس لیے کہ بچے آرام سے رہیں۔ میں نے کہا کہ بچوں کے آرام کے لیے جو لوگ دولت اور جائیداد اکٹھا کریں، وہ خود اپنی اولاد کے لیے کوئی عقلمندی نہیں کر رہے ہیں۔ تجربہ یہ ہے کہ بے محنت کے ملی ہوئی دولت آدمی کے اخلاق کو بگاڑتی ہے۔

وہ اس کے اندر سطحیت، حتیٰ کہ آوارگی پیدا کر دیتی ہے۔ بچوں کے ساتھ سب سے پہلی خیرخواہی یہ ہے کہ ان کو اعلیٰ تعلیم دلائی جائے، اور اس کے بعد دوسری ضرورت یہ ہے کہ ان کو محنت کے راستے پر ڈالا جائے۔ کتاب "تربیت اولاد" مولانا وحید الدین خان، صفحہ نمبر 45۔