(2)Waqiaat-e-shukr

اردو کے ایک مرثیہ گو نے قدیم زمانے میں حضرت حسین اور ان کے خاندان کے لوگوں کے سفر کا نقشہ کھینچتے ہوئے کہا تھا کہ خدا نے فرشتوں کو حکم دیا کہ زمین کو مختصر کر کے ان کا راستہ آسان بنا دو، طنابیں کھینچ کر کم کر زمین کو، کہ "ہوئے راہ کم ان مہ جبیں کو"۔ آج اللہ تعالیٰ نے ہر آدمی کے لیے زمین کی طنابیں کھینچ کر سفر کو مختصر بنا دیا ہے، یعنی جدید وسائل کے ذریعے فاصلوں کو کم کر دیا ہے۔ مثلاً ہوائی جہاز کی سواری آج بہت زیادہ عام ہو چکی ہے، اس لیے لوگوں کو اس کے غیر معمولی پن کا احساس نہیں ہوتا۔ حقیقت یہ ہے کہ ہوائی جہاز اللہ تعالیٰ کی ایک عظیم نعمت ہے۔

ہوائی جہاز نے آج لمبے سفروں کو ہر آدمی کے لیے ممکن بنا دیا ہے، ورنہ قدیم زمانے میں بہت ہی کم افراد لمبے سفر کا حوصلہ کر سکتے تھے۔ مگر قرآن کے مطابق انسانوں میں سب سے کم وہ لوگ ہیں جو قابلِ شکر باتوں کو شدت کے ساتھ محسوس کریں اور شکر کے جذبات سے سرشار ہو جائیں۔ سورہ نمبر 34 آیت 13۔ تعمیر شخصیت مولانا وحید الدین خان، صفحہ نمبر 145۔