پیغمبر اور مستہزئین

واقعات بتاتے ہیں کہ جس طرح دوسرے نبیوں کا استہزاء کیا گیااسی طرح رسول اللہ صلی اللہ علیہ وسلم کا بھی استہزاء کیا گیا۔ اس سلسلہ میں بے شمار واقعات حدیث اور سیرت کی کتابوں میں موجود ہیں۔ اب ہمیں یہ دیکھنا ہے کہ رسول اللہ صلی اللہ علیہ وسلم کے زمانہ میں جب آپ کے ساتھ استہزاء اور اہانت کا معاملہ کیا گیا تو اس کےجواب میں آپ نے کیا کیا۔ تا کہ آپ کے بعد جب اس قسم کے واقعات پیش آئیں تو ہم اس معاملہ میںاسی اسوۂ نبوی کو اختیار کریں ۔ رسول اللہ صلی اللہ علیہ وسلم ہر اعتبار سے ہمارے لیے نمونہ ہیں۔ اور یقیناً اس معاملہ میں بھی ہمیں اسی نمونہ کو اختیار کرنا چاہیے جو رسول اللہ صلی اللہ علیہ وسلم نے اپنے ذاتی عمل سے ہمارے لیے چھوڑا ہے۔

حدیث اور سیرت کی کتابو ںمیں اس نوعیت کے جو واقعات ہیں ، ان کا گہرا مطالعہ کرنے کے بعد یہ حقیقت سا منے آتی ہے کہ آپ نے ان واقعات کو مسئلہ کی نظر سے دیکھا، نہ کہ سادہ طور پر محض گستاخی کی نظر سے۔ کسی واقعہ کو مسئلہ کی نظر سے دیکھا جائے تو اس سے حل تلاش کرنے کا ذہن پیدا ہو تا ہے۔اس کے بر عکس اگر اس کو گستاخی کی نظر سے دیکھیے تو صرف انتقام کا جذبہ ابھرے گا۔

1۔اس سلسلہ میں سب سے پہلی قابلِ ذکر بات یہ ہے کہ ’’ گستاخی‘‘ کے واقعات پر رسول اللہ صلی اللہ علیہ وسلم نے کبھی بھی وہ طریقہ اختیار نہیں کیا جو موجودہ زمانہ کے مسلمان مستقل اور مسلسل طور پر اختیار کیے ہو ئے ہیں۔ یعنی گستاخ آدمی کے خلاف شور وغل اور ایجی ٹیشن کرنا۔ رسول اللہ صلی اللہ علیہ وسلم کی زندگی میں بار بار گستاخی اور اذیت رسانی کے واقعات پیش آئے، مگر ایک بار بھی آپ نے ان کے خلاف عمومی احتجاج کا طریقہ اختیار نہیں کیا۔

اس کی وجہ بالکل واضح ہے۔ گستاخی کی بات کو عوامی ایجی ٹیشن کا موضوع بنانا خودگستاخ شخص کے ساتھ تعاون کرنے کے ہم معنی ہے۔ کیونکہ اس طرح اس کی بات مزید پھیلتی ہے، وہ مزید شہرت حاصل کرتی ہے۔ اس طرح کے معاملہ میں عوامی ایجی ٹیشن کا الٹا نتیجہ پیدا کرنے والا (counter productive) ہے ۔

'''Satanic Verses' has become the no. 1 book on The New York Times best-seller list of hard cover fiction.''

ٹائم میگزین نے اپنے شمارہ 27فروری1989میں رشدی کی کتاب کے بارے میں اپنی رپورٹ شائع کی تھی۔ اس کو پڑھ کر ٹائم کے دفتر میں 240خطوط آئے۔ ان میں سے ایک خط مارگریٹ ڈورٹیز (Margareta du Rietz)کا تھا ۔انھوں نے اپنے خط میں لکھا کہ بہت ہی کم لوگوں نے اس کتاب کی طرف تو جہ کی تھی۔ مگر خمینی کا بھلا ہو ، اب وہ ایک عالمی شہرت یافتہ کتاب ہے۔

''Very few took note of this novel. Now, thanks to Khomeini, it is world famous.''

سلمان رشدی نے اپنےبے ہودہ خیالات صرف اپنی کتاب میں لکھے تھے۔ مگر مسلمانوں کے شورو غل کا نتیجہ یہ ہوا اس کی باتیں تمام دنیا کے اخبارات ورسائل میں چھپیں۔ بے شمار لوگ غیر ضروری طور پر اس کی کتاب کو پڑھنے کے شائق ہو گئے۔ اب امریکا میں 20زبانوں میں اس کتاب کا ترجمہ شائع کیا جارہا ہے تا کہ جولوگ انگریزی نہیں جانتے وہ بھی اس ’’ شہرت یافتہ‘‘ کتاب کو پڑھ سکیں۔ مسلمانوں کے اس احمقانہ اقدام کا آخری احمقانہ نتیجہ یہ ہے کہ ’’سلمان رشدی کو قتل کرو‘‘ کے نام پر جو ہنگامہ کھڑا کیا گیا، اس میں خود مسلمان درجنوں کی تعداد میں قتل اور سیکڑوں کی تعداد میں زخمی ہو گئے۔ اور خود سلمان رشدی ادبی ہیرو بن کر برطانیہ کی شاہی حفاظت میں بیٹھا ہوا ہے۔

2۔اہانتِ رسول کے اس طرح کے واقعات پر مسلم رہنماؤںکی طرف سے جو بیانات دیے جاتے ہیں، ان میں عام طور پر یہ بات کہی جاتی ہے کہ اس سے کروروں مسلمانوں کے جذبات مجروح ہو ئے ہیں۔ یہ سراسر ایک غیر اسلامی جملہ ہے۔ رسول اللہ صلی اللہ علیہ وسلم نے ایسے مواقع پر کبھی یہ الفاظ استعمال نہیں کیے۔ مزید یہ کہ اسلام کے ’’کریمنل کوڈ‘‘ میں ایسی کو ئی دفعہ نہیں ہے جس میں مسلمانوں کے جذبات مجروح ہو نے کو فوجداری جرم قرار دیا گیا ہو اور اس پر موت کی سزا مقرر کی جائے۔ یہ بلاشبہ شریعتِ اسلامی میں ایک اضافہ ہے کہ مسلمانوں کے جذبات مجروح ہو نے کو ایک قابل دست اندازی پولیس جرم قرار دیا جائے۔ اس قسم کے بیانات دینا سب سے پہلے دینے والے کو مجرم ثابت کرتا ہے ، نہ کہ گستاخی کرنے والے کو۔

مسلم رہنماؤ ں کے یہ الفاظ سرکشی اور بغاوت کے ہم معنی ہیں۔ کیونکہ جہنم رسید کرنے کا اختیار صرف خدا کو ہے ، نہ کہ کسی انسان کو۔ رسول اللہ صلی اللہ علیہ وسلم کے زمانہ میں بہت سے کافروں اور مشرکوں اور منافقوں نے آپ کے خلاف بد ترین قسم کے جرائم کیے۔ مگر ایک بار بھی ایسا نہیں ہوا کہ رسول اللہ صلی اللہ علیہ وسلم یہ الفاظ بولیں کہ فلاں شخص کو قتل کر کے اس کو جہنم رسید کرو۔ ایسے الفاظ بولنا گو یا اپنے آپ کو خدا کی سیٹ پر بیٹھانا ہے۔ رشدی نے اگر پیغمبر کی ذات پر حملہ کیا ہے تو ایسے جملے خود خدا کی ذات پر حملہ کرنے کے ہم معنی ہے۔ اب ایسے لوگ خود سوچیں کہ دونوں میں سے کون سا جرم زیادہ بڑا ہے۔

4۔ جیسا کہ اوپر عرض کیا گیا، اس طرح کے معاملات میں پیغمبر کا طریقہ ’’ گستاخی‘‘ کے خلاف ایجی ٹیشن کرنے کا نہ تھا بلکہ مسئلہ کو حل کرنے کا تھا۔ چنانچہ حالات کے اعتبار سے آپ نے اس کے حل کے مختلف انداز اختیار کیے۔

5۔ایک طریقہ جو رسول اللہ صلی اللہ علیہ وسلم کی سنت میں ملتا ہے وہ یہ ہے کہ مخالفین کی باتوں کا جواب دلیل کی زبان میں دیا جائے۔ قدیم زمانہ میں شعر کو وہ مقام حاصل تھا جو موجودہ زمانہ میں صحافت کو حاصل ہے۔ صحافت موجودہ زمانہ میں کسی بات کو وسیع حلقہ میں پھیلانے کا ذریعہ ہے۔ یہی کام قدیم زمانہ میں اشعار سے لیا جاتا تھا۔

(سیرت ابن ہشام، جلد 1، صفحہ356)۔

یعنی محمد مذمّت کیے ہو ئے ہیں ہم ان کا انکار کرتے ہیں۔ ہم ان کے حکم کو نہیں مانتے۔ اور ہم کو ان کے دین سے بغض ہے۔

اس مثال سے معلوم ہو تا ہے کہ رسول اللہ صلی اللہ علیہ وسلم کی نظر میں اصل مسئلہ ہجو گو کو سزا دینے کا نہیں ہو تا تھا بلکہ اس کی زبان بند کرنا ہو تا تھا۔ حالات کے اعتبار سے آپ اس کے لیے کوئی ایک یا دوسری تدبیر اختیار فرماتے تھے۔ حتیٰ کہ اگر کسی شخص کے متعلق یہ نظر آتا تھا کہ وہ مال پاکر چپ ہو جائے گا تو آپ اس کو مال دے کر اس کی زبان بندی فرماتے تھے۔

رسول اللہ صلی اللہ علیہ وسلم کی معافی کے بعد ان دشمنوں کا اسلام قبول کرلینا بتاتا ہے کہ وہ کون سی خاص حکمت تھی جس کی بنا پر رسول اللہ صلی اللہ علیہ وسلم نے ان کے ساتھ ایسا فیّاضانہ سلوک کیا۔ وہ حکمت یہ تھی کہ بہترین موقع تھا جب کہ انہیں چھوڑ کر ان کو دوبارہ مسخر کر لیا جائے۔ جو لوگ ماضی میں اسلام کے دشمن تھے، ان کو مستقبل میں اسلام کا دوست اور حامی بنالیا جائے۔