حضرت عمر کا قول

حضرت عمر كا قول

حضرت عمر فاروق رضی اللہ عنہ کا مذکورہ قول بہت بامعنی ہے۔ اس سے معلوم ہوتا ہے کہ ایک چیز بظاہر یقینی طور پر ’’ باطل‘‘ ہو، تب بھی یہ ضروری نہیں ہے کہ اس کے خلاف جنگ وقتال چھیڑدیا جائے، اور اس کو ہلاک کرنے کے نام پر ہنگامہ کیا جانے لگے۔ باطل کو باطل جانتے ہوئے بھی بعض اوقات ضروری ہوتا ہے کہ اس کی طرف سے خاموشی اختیار کرلی جائے۔

باطل کو باطل ثابت کرنا اس کے حق میں زیادہ بڑا قتل ہے۔ باطل کونظر انداز کرنے کا خاص فائدہ یہی ہے۔ یہ ایک حقیقت ہے کہ کبھی ہلاک نہ کرنے ہی کا نام ہلاک کرنا ہو تا ہے۔ کبھی نظر انداز کرنا زیادہ بڑی سزا دینے کے ہم معنی ہوتا ہے۔ مگر نادان لوگ اس راز کو نہیں جانتے۔ شور کی زبان کو سمجھنے والے چپ کی زبان کو نہیں سمجھتے۔

اس کا مطلب یہ ہے کہ اہانت اور ایذارسائی کا جواب صرف یہی نہیں ہے کہ مجرم کو سزا دی جائے۔ اس کا ایک کامیاب جواب یہ بھی ہے کہ اللہ پر توکل کرتے ہوئے اسے چھوڑ دیا جائے۔ اس کے معاملہ کو اپنے ہاتھ میںلینے کے بجائے اس کو قانون قدرت کے حوالہ کر دیا جائے۔