سورج پر خاک

سلمان رشدی بمبئی میں 1947 میں پیدا ہوئے۔ اب وہ اپنی بر طانوی بیوی میریا نے وکنس (Marianne Wiggins)کے ساتھ لندن میں رہتے ہیں ۔ ان کی کئی انگریزی کتابیں (ناولیں) اس سے پہلے شائع ہو چکی ہیں۔ ان میں سے ایک مشہور کتاب آدھی رات کے بچے(Midnight's Children)ہے جو 1981میں شائع ہو ئی ہے۔ حال میں ان کی 547صفحات کی ایک کتاب ایک برطانوی پبلشر وائکنگ پریس(Viking Press)نے شائع کی ہے، جو لندن سے 26ستمبر1988کو ریلیز کی گئی ہے۔ اس کتاب کا نام ہے —’’ شیطانی کلام‘‘:

"The Satanic Verses"

مصنف نے کتاب کا نام(شیطانی کلام) بطور خود اس کے اساسی کردار ’’محاونڈ‘‘ (Mahound) کی نسبت سے استعمال کیا ہے جو کہ، نعوذباللہ، حضرت محمد صلی اللہ علیہ وسلم کے نام کی بگڑی ہو ئی شکل ہے۔ مگر حقیقت یہ ہے کہ کتاب کا یہ نام کتاب کے مفروضہ کردار کے بجائے خود کتاب کے مصنف کے اوپر زیادہ صحیح طور پر چسپا ں ہو تا ہے۔

"Its's an attempt to write about religion and revelation from the point of view of a secular person."

مگر زیادہ صحیح بات یہ ہو گی کہ یہ کہا جائے کہ وہ ایک سیٹانک پرسن(Satanic person) کے نقطۂ نظر بیان کر نے کی کوشش ہے۔ کیونکہ سیکولرزم، یا سیکولر انسان کا یہ مطلب کسی بھی سنجیدہ صاحب علم نے کبھی نہیں بتایا جس کا نمونہ سلمان رشدی نے اپنی مذکورہ کتاب میں پیش کیا ہے۔

یہ کتاب اسلام اور پیغمبر اسلام کے خلاف ایک انتہائی بیہودہ اور فحش قسم کا ناول ہے۔ جیساکہ خود اس کے نام سے ظاہر ہے۔ اس میں حمزہ رضی اللہ تعالیٰ عنہ اور عائشہ رضی اللہ تعالیٰ عنہ، وغیرہ کے نام تو بالکل اصل حالت میں درج کیے گئے ہیں ، البتہ پیغمبر کا نام محمد صلی اللہ علیہ وسلم کے بجائے محاونڈ (Mahound)لکھا گیا ہے۔ یورپ کے مسیحی علماء اور مستشرقین نے قدیم زمانہ میں اپنے جذبۂ عناد کی تسکین کے لیے آپ کے نام کو طرح طرح سے بگاڑا تھا (ملاحظہ ہو زیرِ نظر کتاب کا پہلا باب، اسلام مغربی لٹریچر میں)۔ انھیں میں سے ایک بگڑا ہوا نام وہ ہے جس کو سلمان رشدی نے انتہائی مجرمانہ طور پر اپنی کتاب میں استعمال کیا ہے۔

حضرت محمدصلی اللہ علیہ وسلم نسل انسانی کی بزرگ ترین شخصیت ہیں۔ آپ کی ذات گرامی بلاشبہ پوری انسانیت کے لیے فخر کی حیثیت رکھتی ہے۔ آپ کی عظمت اور آپ کا تقدس اتنا زیادہ مسلّم ہے کہ دنیا کے تمام سنجیدہ لوگوں نے متفقہ طور پر اس کا اقرار کیا ہے۔

آپ کا ایک خصوصی امتیاز یہ ہے کہ اللہ تعالیٰ نے آپ کو ابدی طور پر فتح و غلبہ کی نسبت عطا فرمائی ہے۔ چنانچہ قدیم عرب میں ہر قسم کی شدید ترین مخالفت کے باوجود آپ تمام قبائل کے اوپر مکمل طور پر غالب رہے۔ آپ کے زمانہ کی دو طاقت ور ترین سلطنتیں (روم اور ایران) آپ سے ٹکرائیں مگر وہ خود پاش پاش ہو کر رہ گئیں۔ آپ کے ظہور کے بعد یہودی اور عیسائی ساری دنیا میں آپ کے دشمن ہو گئے، مگر آپ کا کچھ بھی بگاڑ نہ سکے۔

"The Hero As Prophet Mahomet: Islam"

اس لکچر میںکارلائل نے یہ ثابت کیا کہ پیغمبر محمد ایک ہیرو پیغمبر (A Hero-Prophet)ہیں ۔کارلائل کا یہ لکچر اس کی مشہور کتاب میں شامل ہے، جس كانام یہ ہے

جو ہستی اتنی عظیم ہو اور جس کی بڑائی ایسا مسلّمہ واقعہ بن چکی ہو، اس کے خلاف کتاب لکھنا یا اس کی شان میں برے کلمات اپنی زبان سے نکالنا یقیناً ایسا ہی ہے جیسا سورج کے اوپر خاک ڈالنا۔ جو شخص سورج کے اوپر خاک ڈالنے کی کوشش کرے وہ خود اپنے منہ میں خاک ڈال رہا ہے، وہ خود اپنے آپ کو باطل ثابت کر رہا ہے۔

کتا اگر ہاتھی کے اوپر بھونکے تو ہاتھی کو اس کی ضرورت نہیں کہ وہ کتے کی بھونک کی تردید کرے۔ ہاتھی اپنے باعظمت وجود کے ساتھ اپنے آپ کو کتے کی بھونک کی تردید ہے ۔ پیغمبر اسلام کی عظمت اس سے زیادہ ہے کہ کسی کے قلم کی سیاہی اس کو داغدار کرسکے ۔ ساری تاریخ ، تمام انسانی علوم ، حتی کہ پوری کائنات ایسی ہر کوشش کی تردید ہے۔ جس ہستی کے ظہور نے خود انسانی تاریخ کو بدل ڈالاہو، کون ہے جو اس کی تصویر کو بدلے ، کون ہے جو اس کی تاریخ کو مٹا سکے۔