(Page-68)

سوال: میں الرسالے کا قاری ہوں، فطرت کے تمام قوانین کو ایک جملے میں جاننا چاہتا ہوں تاکہ زندگی کے ہر معاملے میں اس جملے کو بنیادی نقطۂ نظر بنا سکوں۔ سید عبدالحفیظ جلگاؤں۔ جواب: فطرت کے قوانین کا خلاصہ ایک لفظ میں یہ ہے: حقیقت پسندی۔ عام طور پر لوگوں کی سوچ یہ ہوتی ہے کہ جو کچھ میرے موافق ہے وہ درست ہے، اور جو میرے خلاف ہے وہ نادرست۔

مگر صحیح بات یہ ہے کہ جو حقیقتِ واقعہ ہو، اس کو صحیح اور درست مانا جائے۔ اس دنیا میں جب بھی کوئی شخص ناکام ہوتا ہے تو وہ قوانینِ فطرت کی خلاف ورزی کرنے کی بنا پر ناکام ہوتا ہے، خواہ وہ بطور خود دوسروں کی سازش کو اس کا ذمہ دار بتاتا رہے۔ کتاب: سوال و جواب، جلد اول، مولانا وحید الدین خان، صفحہ نمبر 68۔