رسول اللہ صلی اللہ علیہ وسلم کے اصحاب سادہ لفظوں میں محض اصحاب نہ تھے بلکہ وہ خود تاریخ رسالت کا لازمی جزء تھے۔ اللہ نے ان کو اس لیےمنتخب کیا تھا کہ وہ اللہ کے رسول کےمعاون بنیں۔ وہ آپ کے شریک کا ر بن کر اس ربانی مشن کو تکمیل تک پہنچا ئیں جو آپ کے ذریعہ پورا کیا جانا مطلوب تھا۔ حضرت عبد اللہ بن مسعود رضی اللہ عنہ نے اصحاب رسول کے بارے میں فرمایا ان کواللہ نے اپنے رسول کی صحبت کے لیے اور اپنے دین کی اقامت کے لیے چن لیا تھا (اخْتَارَهُمُ اللهُ لِصُحْبَةِ نَبِيِّهِ، وَإِقَامَةِ دِينِهِ)مسند احمد، حدیث نمبر 12375۔
اصحاب رسول کو ان کی کن خصوصیات نے یہ تاریخی مقام دیا، اس سلسلے میں اس کے چند پہلو یہاں مختصراً درج کیے جاتے ہیں ۔
اللہ کی معرفت دین کی روح ہے۔ معرفت کے بغیر دین ایک بے جان صورت بن جاتا ہے۔