Hidayat ka intezaam.

ہدایت کا انتظام، یہی وہ مصلحت ہے جس کی بنا پر انسان کے لیے ہدایت کا خصوصی انتظام کیا گیا۔ انسانوں کی ہر نسل کے درمیان خدا نے اپنے پیغمبر بھیجے؛ ان پیغمبروں نے انسان کو بتایا کہ انسان کے لیے اس دنیا میں صحیح روش کیا ہے اور غلط روش کیا۔ پیغمبر نے بتایا کہ موت سے پہلے کی زندگی انسان کے لیے امتحان کی زندگی ہے۔ موت کے بعد انسان کی ابدی زندگی، یعنی ایٹرنل لائف، شروع ہوگی جہاں وہ اپنے عمل کے مطابق یا تو انعام پائے گا یا وہ سزا کا مستحق ٹھہرے گا۔

پیغمبروں کی آمد کا یہ سلسلہ ہزاروں سال تک جاری رہا، مگر عملاً صرف یہ ہوا کہ یہ تمام پیغمبر صرف انفرادی اعلان، یعنی اناؤنسمنٹ کے درجے میں، اپنا کام کر سکے۔ ان کا مشن اجتماعی انقلاب کے درجے تک نہیں پہنچا۔ کتابِ معرفت مولانا وحید الدین خان، صفحہ نمبر 140۔