Husn e zan

حسنِ زن حدیث میں آیا ہے کہ پیغمبرِ اسلام صلی اللہ علیہ وسلم نے فرمایا کہ لوگوں کے بارے میں اچھا گمان رکھنا اچھی عبادت کا ایک حصہ ہے۔ قال النصر عن رسول الله صلى الله عليه وسلم: قال: "حسنُ الظنِّ من حسنِ العبادة". سنن ابی داؤد، کتاب الادب، باب فی حسن الظن۔ عبادت کوئی رسم نہیں ہے؛ عبادت اپنی اصل حقیقت کے اعتبار سے ایک روحانی عمل ہے۔

یہی وجہ ہے کہ جب کسی آدمی کی زندگی میں عبادت اپنی روح کے ساتھ شامل ہوتی ہے تو اس کے اخلاقی سلوک میں بھی لازمی طور پر اس کے اثرات دکھائی دینے لگتے ہیں۔ انہی میں ایک اثر وہ ہے جس کا نام حسنِ زن ہے۔ حسنِ زن یہ ہے کہ آپ ہمیشہ دوسروں کے بارے میں اچھی رائے رکھیں۔ کسی کے ساتھ آپ کا ربط قائم ہو تو آپ اس کے بارے میں اپنی سوچ کا آغاز بدگمانی سے نہ کریں، بلکہ خوش گمانی کے ساتھ کریں۔

آپ اس کو اپنے ہی جیسا ایک شریف انسان سمجھیں، نہ کہ اپنے سے مختلف کوئی غریب، غیر شریف انسان۔ اخلاق کا یہ اصول صرف عام حالات کے لیے نہیں ہے، بلکہ وہ غیر معمولی حالات کے لیے بھی ہے۔ اس کا مطلب یہ ہے کہ اگر آپ کے سامنے کسی آدمی کی کوئی ایسی بات آئے جو بظاہر درست نہ ہو، تب بھی آپ اس کی بہتر تاویل کریں۔ انسان کے بارے میں اپنی خوش گمانی کو آپ اس وقت تک باقی رکھیں جب تک کھلی دلیلوں سے کوئی غلط بات ثابت نہ ہو جائے۔

جس سماج میں لوگ ایک دوسرے کے بارے میں حسنِ زن سے کام لیں، وہ سماج گویا پھولوں کا سماج ہوگا۔ اور جس سماج میں لوگ ایک دوسرے کے خلاف بدگمانی کرنے لگیں، وہ سماج گویا ایک ایسا سماج ہے جس میں ہر طرف کانٹے بکھیر دیے گئے ہوں۔ جو آدمی دوسرے کے خلاف بدگمانی کرے، وہ سب سے پہلے خود اپنے بارے میں بتاتا ہے کہ وہ صحیح مزاج کا انسان نہیں۔ اس کے اندر انسانی صفات موجود نہیں۔

حسنِ زن خود اپنی شخصیت کا اچھا تعارف ہے، اور بدگمانی خود اپنی شخصیت کا برا تعارف۔ اسلامک تعارف، مولانا وحید الدین خان، صفحہ نمبر 319۔