حضرت ابراہیم علیہ السلام

حضرت ابراہیم 1985 قبل مسیح میں عراق کے قدیم شہر اُر میں پیدا ہوئے۔ انہوں نے 175 سال سے زیادہ عمر پائی۔ اُر قدیم عراق کی راجدھانی تھا۔

مزید یہ کہ یہ علاقہ قدیم آباد دنیا، میسوپوٹیمیا، کا مرکز تھا۔ حضرت ابراہیم نے اپنی تمام اعلیٰ صلاحیتوں اور کامل درد مندی کے ساتھ اپنے معاصرین کو توحید کی طرف بلایا۔ اس وقت کے عراقی بادشاہ نمرود، یعنی نمرود، تک بھی اپنی دعوت پہنچائی، لیکن کوئی بھی شخص آپ کی دعوت کو قبول کرنے کے لیے تیار نہ ہوا۔ حتیٰ کہ آپ جب اتمام حجت کے بعد عراق سے نکلے تو آپ کے ساتھ صرف دو انسان تھے: آپ کے بھتیجے اور آپ کی اہلیہ۔

حضرت ابراہیم سے پہلے مختلف زمانوں اور مختلف علاقوں میں خدا کے پیغمبر آتے رہے، اور لوگوں کو توحید کی دعوت دیتے رہے۔ لیکن ان تمام پیغمبروں کے ساتھ یکساں طور پر یہ ہوا کہ لوگ ان کا انکار کرتے رہے۔ انہوں نے پیغمبروں کا استقبال استہزاء سے کیا، سورہ یاسین سورہ نمبر 36 آیت 30 کے ساتھ کیا۔ حضرت ابراہیم کے اوپر پیغمبر کی تاریخ کا ایک دور ختم ہو گیا۔

اب ضرورت تھی کہ دعوت الی اللہ کی نئی منصوبہ بندی کی جائے۔ اس منصوبہ اس منصوبے کے لیے اللہ تعالی نے حضرت ابراہیم کا انتخاب کیا۔ چنانچہ حضرت ابراہیم اپنی بیوی ہاجرہ اور چھوٹے بچے اسماعیل کے ساتھ عراق سے نکلے، اور مختلف شہروں سے گزرتے ہوئے آخر کار وہاں پہنچے جہاں آج مکہ آباد ہے۔ ایک روایت سے معلوم ہوتا ہے کہ آپ کا یہ سفر فرشتہ جبرائیل کی رہنمائی میں طے ہوا۔

تاریخ طبری، جلد ایک، صفحہ 254۔ ہاجرہ پیغمبر ابراہیم کی بیوی تھیں۔ ان سے ایک اولاد پیدا ہوئی جس کا نام اسماعیل رکھا گیا۔ ایک خدائی منصوبے کے تحت حضرت ابراہیم نے ہاجرہ اور ان کے چھوٹے بچے یعنی اسماعیل کو عرب میں مکے کے مقام پر لے جا کر بسا دیا، جو اس وقت بالکل غیر آباد تھا۔

اس واقعے کے بارے میں قرآن میں مختصر طور پر یہ حوالہ ملتا ہے: "اور جب ابراہیم نے کہا: اے میرے رب! اس شہر کو امن والا بنا، اور مجھ کو اور میری اولاد کو اس سے دور رکھ کہ ہم بتوں کی عبادت کریں۔ اے میرے رب! ان بتوں نے بہت لوگوں کو گمراہ کر دیا۔

پس جس نے میری پیروی کی وہ میرا ہے، اور جس نے میرا کہا نہ مانا تو تو بخشنے والا، مہربان ہے۔ " اے ہمارے رب! میں نے اپنی اولاد کو ایک بے کھیتی کی وادی میں تیرے محترم گھر کے پاس بسایا ہے۔ اے ہمارے رب!

تاکہ وہ نماز قائم کریں۔ پس تو لوگوں کے دل ان کی طرف مائل کر دے، اور ان کو فروٹس کی روزی عطا فرما، تاکہ وہ شکر کریں۔ سورہ نمبر 14 آیت 35 تا 37۔ ہاجرہ کے بارے میں قرآن میں صرف مختصر اشارہ آیا ہے۔

تاہم حدیث کی مشہور کتاب صحیح البخاری میں ہاجرہ کے بارے میں تفصیلی روایت موجود ہے۔ یہ روایت یہاں نقل کی جاتی ہے۔ عبداللہ ابن عباس کہتے ہیں کہ عورتوں میں سب سے پہلے ہاجرہ نے کمر پٹا باندھا تاکہ سارہ کو ان کے بارے میں خبر نہ ہو سکے۔ پھر ابراہیم ہاجرہ اور ان کے بچے اسماعیل کو مکے میں لے آئے۔

اس وقت ہاجرہ اسماعیل کو دودھ پلاتی تھیں۔ ابراہیم نے ان دونوں کو مسجد کے اوپری حصے میں ایک بڑے درخت کے نیچے بٹھا دیا، جہاں زمزم ہے۔ اس وقت مکے میں ایک شخص بھی موجود نہ تھا، اور نہ ہی وہاں پانی تھا۔ ابراہیم نے کھجور کا ایک تھیلا اور پانی کی ایک مشک وہاں رکھ دیا، اور خود وہاں سے روانہ ہوئے۔

ہاجرہ ان کے پیچھے نکلیں اور کہا کہ اے ابراہیم! ہم کو اس وادی میں چھوڑ کر آپ کہاں جا رہے ہیں جہاں نہ کوئی انسان ہے اور نہ کوئی اور چیز؟ ہاجرہ نے اسماعیل علیہ السلام سے یہ بات کئی بار کہی، اور ابراہیم نے ہاجرہ کی بات پر کوئی دھیان نہیں دیا۔ ہاجرہ نے ابراہیم سے کہا کہ کیا اللہ نے آپ کو اس کا حکم دیا ہے؟

ابراہیم نے کہا کہ ہاں۔ ہاجرہ نے کہا: پھر تو اللہ ہم کو ضائع نہیں کرے گا۔ اذن لا یضیعنا۔ ہاجرہ لوٹ آئیں۔

ابراہیم جانے لگے، یہاں تک کہ جب وہ مقام ثنیہ پر پہنچے، جہاں سے وہ دکھائی نہیں دیتے تھے، تو انہوں نے اپنا رخ ادھر کیا جہاں اب کعبہ ہے، اور اپنے دونوں ہاتھ اٹھا کر یہ دعا کی کہ اے ہمارے رب! میں نے اپنی اولاد کو ایک ایسی وادی میں بسایا ہے جہاں کچھ نہیں اگتا۔ یہاں تک کہ آپ دعا کرتے ہوئے لفظ یشکرون تک پہنچے۔ ہاجرہ اسماعیل کو دودھ پلاتی اور مشک میں سے پانی پیتی، یہاں تک کہ جب مشک کا پانی ختم ہو گیا تو وہ پیاسی ہوئی، اور ان کے بیٹے کو بھی پیاس لگی۔

انہوں نے بیٹے کی طرف دیکھا تو وہ پیاس سے بے چین تھا۔ بیٹے کی اس حالت کو دیکھ کر وہ مجبور ہو کر نکلیں۔ انہوں نے سب سے قریب پہاڑ صفا کو پایا۔ چنانچہ وہ پہاڑ پر چڑھیں اور وادی کی طرف دیکھنے لگیں کہ کوئی شخص نظر آ جائے۔

وہ کسی کو نہ دیکھ سکیں۔ وہ صفا سے اتریں، یہاں تک کہ جب وہ وادی تک پہنچیں تو اپنے کرتے کا ایک حصہ اٹھایا۔ پھر وہ تھکاوٹ سے چور انسان کی طرح دوڑیں۔ وادی کو پار کر کے وہ مروہ پہاڑ پر آئیں۔

اس پر کھڑے ہو کر انہوں نے دیکھا تو کوئی انسان نظر نہ آیا۔ اس طرح انہوں نے صفا و مروہ کے درمیان سات چکر لگائے۔ عبداللہ ابن عباس کہتے ہیں کہ رسول اللہ صلی اللہ علیہ وسلم نے فرمایا کہ لوگ ان دونوں کے درمیان سعی کرتے ہیں۔ پھر وہ مروہ پر چڑھیں۔

انہوں نے ایک آواز سنی۔ وہ اپنے آپ سے کہنے لگی کہ چپ رہ۔ پھر سننا چاہا تو وہی آواز سنی۔ انہوں نے کہا کہ تو نے اپنی آواز مجھ کو سنا دی، تو اس وقت ہماری مدد کر سکتا ہے۔

تو اس وقت ہماری مدد کر سکتا ہے۔ دیکھا تو مقام زمزم کے پاس ایک فرشتہ ہے۔ فرشتے نے اپنی ایڑی یا پنکھ زمین پر مارا، پانی نکل آیا۔ ہاجرہ اس کو حوض کی طرح بنانے لگی، اور ہاتھ سے اس کے گرد مینڈ کھینچنے لگی۔

وہ پانی چلو سے لے کر اپنی مشک میں بھرتی۔ وہ جس قدر پانی بھرتی، چشمہ اتنا ہی زیادہ ابلتا۔ ابن عباس کہتے ہیں کہ رسول اللہ صلی اللہ علیہ وسلم نے فرمایا کہ اللہ ہاجرہ پر رحم کرے۔ اگر وہ زمزم کو اپنے حال پر چھوڑ دیتی، یا آپ نے یہ فرمایا کہ اگر وہ چلو بھر کر پانی نہ لیتی تو زمزم ایک بہتا چشمہ ہوتا۔

ہاجرہ نے پانی پیا اور اپنے بیٹے کو پلایا۔ فرشتے نے ہاجرہ سے کہا کہ تم ضائع ہونے کا اندیشہ نہ کرو۔ یہ اللہ کا گھر ہے۔ یہ بچہ اور اس کے باپ دونوں اس گھر کو بنائیں گے، اور اللہ اپنے گھر والوں کو ضائع نہیں کرتا۔

اس وقت گھر یعنی کعبہ ٹیلے کی طرح زمین سے اونچا تھا۔ سیلاب آتا اور وہ اس کے دائیں بائیں جانب سے نکل جاتا۔ کچھ دنوں تک ہاجرہ نے اسی طرح زندگی گزاری، یہاں تک کہ جرہم قبیلے کے کچھ لوگ یا جرہم کے گھر والے قدا کے راستے سے آ رہے تھے۔ وہ مکے کے نشیبی حصے میں اترے۔

انہوں نے وہاں ایک پرندے کو دیکھا جو گھوم رہا تھا۔ وہ کہنے لگے کہ یہ پرندہ تو پانی پر گھومتا ہے۔ ہم اس وادی میں رہے ہیں اور یہاں پانی نہ تھا۔ انہوں نے ایک یا دو آدمی کو خبر لینے کے لیے وہاں بھیجا۔

انہوں نے پانی دیکھا، وہ واپس لوٹ کر گئے اور لوگوں کو پانی کی خبر دی۔ وہ لوگ بھی آئے۔ رسول اللہ صلی اللہ علیہ وسلم نے فرمایا کہ ہاجرہ پانی کے پاس تھیں۔ انہوں نے ہاجرہ سے کہا کہ کیا تم ہم کو یہاں ٹھہرنے کی اجازت دیتی ہو؟

ہاجرہ نے کہا کہ ہاں، لیکن پانی پر تمہارا کوئی حق نہیں۔ انہوں نے کہا کہ ہاں۔ عبداللہ ابن عباس کہتے ہیں کہ رسول اللہ صلی اللہ علیہ وسلم نے فرمایا کہ ہاجرہ خود چاہتی تھی کہ یہاں انسان آباد ہوں۔ ان لوگوں نے یہاں پر قیام کیا اور اپنے گھر والوں کو بھی بلا بھیجا۔

وہ بھی یہیں ٹھہرے۔ جب مکے میں کئی گھر بن گئے اور اسماعیل جوان ہو گئے، اور اسماعیل نے جرہم والوں سے عربی زبان سیکھ لی۔ جرہم کے لوگ ان سے محبت کرنے لگے، تو انہوں نے اپنی ایک لڑکی سے ان کا نکاح کر دیا۔ ہاجرہ کا انتقال ہو گیا۔

جب اسماعیل کا نکاح ہو چکا تو ابراہیم اپنی اولاد کو دیکھنے آئے۔ انہوں نے وہاں اسماعیل کو نہیں پایا۔ چنانچہ ان کی بیوی سے ان کے بارے میں پوچھا۔ اس نے کہا کہ وہ ہمارے لیے رزق کی تلاش میں نکلے۔

ابراہیم نے اس سے ان کے گزر بسر اور حالت کے بارے میں پوچھا۔ اس نے کہا کہ ہم تکلیف میں ہیں، ہم بہت زیادہ تنگی میں ہیں۔ اس نے ابراہیم سے شکایت کی۔ ابراہیم نے کہا کہ جب تمہارے شوہر آئیں تو تم ان کو میرا سلام کہنا، اور ان سے یہ بھی کہنا کہ وہ اپنے دروازے کی چوکھٹ کو بدل دیں۔

جب اسماعیل آئے، انہوں نے کچھ محسوس کر لیا تھا۔ انہوں نے کہا کہ کیا تمہارے پاس کوئی آیا تھا؟ اس نے کہا کہ ہاں، ایک بوڑھا شخص اس اس صورت کا آیا تھا۔ انہوں نے آپ کے بارے میں پوچھا۔

میں نے ان کو بتایا۔ انہوں نے مجھ سے پوچھا کہ ہماری گزر کیسے ہوتی ہے؟ میں نے کہا کہ بڑی تکلیف اور تنگی سے۔ اسماعیل نے کہا کہ کیا انہوں نے تم سے اور کچھ کہا؟

اس نے کہا کہ ہاں، انہوں نے مجھ سے آپ کو سلام کہا ہے، اور یہ بھی کہا ہے کہ اپنے دروازے کی چوکھٹ کو بدل دو۔ اسماعیل نے کہا کہ وہ میرے باپ تھے۔ انہوں نے مجھ کو حکم دیا ہے کہ میں تم کو چھوڑ دوں۔ تم اپنے گھر والوں میں چلی جاؤ۔

اسماعیل نے اس کو طلاق دے دی، اور جرہم کی ایک دوسری عورت سے انہوں نے نکاح کر لیا۔ ابراہیم اپنے ملک میں ٹھہرے رہے جس قدر اللہ نے چاہا۔ اس کے بعد ابراہیم اسماعیل کے یہاں آئے تو پھر ان کو نہیں پایا۔ وہ اسماعیل کی بیوی کے پاس آئے اور اس سے اسماعیل کے بارے میں پوچھا۔

اس نے کہا کہ وہ ہمارے لیے رزق کی تلاش میں نکلے۔ ابراہیم نے کہا کہ تم لوگ کیسے ہو؟ اس نے کہا کہ ہم لوگ خیریت سے ہیں اور کشادگی کی حالت میں ہیں۔ اس نے اللہ عزوجل کی تعریف کی۔

ابراہیم نے کہا کہ تمہارا کھانا کیا ہے؟ اس نے کہا کہ گوشت۔ ابراہیم نے کہا کہ تم کیا پیتے ہو؟ اس نے کہا کہ پانی۔

ابراہیم نے دعا کی کہ اے اللہ! تو ان کے گوشت اور پانی میں برکت دے۔ رسول اللہ صلی اللہ علیہ وسلم نے فرمایا کہ اس وقت مکے میں اناج نہ تھا، اور اگر وہاں اناج ہوتا تو ابراہیم اس میں بھی برکت کی دعا کرتے۔ مکے کے علاوہ کسی دوسرے ملک کے لوگ اگر گوشت اور پانی پر گزر کریں تو وہ ان کو موافق نہ آئے۔

ابراہیم نے کہا کہ جب تمہارے شوہر آئیں تو تم ان کو میرا سلام کہنا، اور میری طرف سے ان کو یہ حکم دینا کہ وہ اپنے دروازے کی چوکھٹ کو باقی رکھیں۔ پس جب اسماعیل آئے تو انہوں نے کہا کہ کیا تمہارے پاس کوئی شخص آیا تھا؟ اس نے کہا کہ ہاں، ہمارے پاس ایک اچھی صورت کے بزرگ آئے تھے، اور اس نے آنے والے کی تعریف کی۔ انہوں نے مجھ سے آپ کے بارے میں پوچھا تو میں نے انہیں بتایا۔

انہوں نے مجھ سے دوبارہ ہمارے گزر بسر کے بارے میں پوچھا۔ میں نے انہیں بتایا کہ ہم خیریت سے ہیں۔ اسماعیل نے کہا کہ کیا انہوں نے تم سے کچھ اور بھی کہا ہے؟ اس نے کہا کہ ہاں، انہوں نے آپ کو سلام کہا ہے، اور آپ کو حکم دیا ہے کہ آپ اپنے دروازے کی چوکھٹ کو باقی رکھیں۔

اسماعیل نے کہا کہ وہ میرے باپ تھے، اور تم چوکھٹ ہو۔ انہوں نے مجھ کو حکم دیا ہے کہ میں تمہیں اپنے پاس باقی رکھوں۔ پھر ابراہیم اپنے ملک میں ٹھہرے رہے جب تک اللہ نے چاہا۔ اس کے بعد وہ آئے اور اسماعیل زمزم سے قریب ایک درخت کے نیچے بیٹھے ہوئے اپنے تیر درست کر رہے تھے۔

جب اسماعیل نے ابراہیم کو دیکھا تو وہ کھڑے ہو گئے۔ پس انہوں نے وہی کیا جو ایک باپ اپنے بیٹے سے اور ایک بیٹا اپنے باپ سے کرتا ہے۔ ابراہیم نے کہا کہ اے اسماعیل! اللہ نے مجھ کو ایک حکم دیا ہے۔

اسماعیل نے کہا کہ پھر جو آپ کے رب نے حکم دیا ہے اسے کر ڈالیے۔ ابراہیم نے کہا کہ کیا تم میری مدد کرو گے؟ اسماعیل نے کہا کہ میں آپ کی مدد کروں گا۔ ابراہیم نے کہا کہ اللہ نے مجھ کو یہ حکم دیا ہے کہ میں یہاں ایک گھر بناؤں۔

اور ابراہیم نے اس کے گرد ایک بلند ٹیلے کی طرف اشارہ کیا۔ اس وقت ان دونوں نے گھر کی بنیاد اٹھائی۔ اسماعیل پتھر لاتے تھے اور ابراہیم تعمیر کرتے تھے۔ یہاں تک کہ جب دیوار اونچی ہو گئی تو اسماعیل یہ پتھر یعنی حجر اسود لائے اور اس کو وہاں رکھ دیا۔

ابراہیم اس پتھر پر کھڑے ہو کر تعمیر کرتے تھے، اور اسماعیل ان کو پتھر دیتے تھے، اور وہ دونوں کہتے تھے: "اے ہمارے رب! تو ہماری طرف سے یہ قبول کر۔ بے شک تو بہت زیادہ سننے والا اور بہت زیادہ جاننے والا ہے۔ " پس وہ دونوں تعمیر کرتے، اور اس گھر کے ارد گرد یہ کہتے ہوئے چکر لگاتے کہ "اے ہمارے رب!

تو ہماری طرف سے یہ قبول کر۔ بے شک تو بہت زیادہ سننے والا اور بہت زیادہ جاننے والا ہے۔ " صحیح البخاری حدیث نمبر 3364۔