زکات

اسلام کا چوتھا رکن زکات ہے۔ زکات کا فارم یہ ہے کہ آدمی اپنی کمائی کے ایک حصے سے اپنی ضرورتوں کو پورا کرے، اور اپنی کمائی کا کچھ حصہ خدا کے حکم کے مطابق وہ دوسرے انسانوں پر خرچ کرے۔ یہ زکات کا فارم ہے۔

زکات کی سپرٹ انسان کی خیرخواہی ہے، یعنی تمام انسانوں کو اپنا سمجھنا۔ حقیقی معنوں میں انسان دوست رویہ، یعنی human friendly behavior، اختیار کرنا۔ صرف اپنے لیے جینے کے بجائے ساری انسانیت کے لیے جینا۔ آدمی اگر زکات کی رقم دے دے لیکن دل سے وہ انسانوں کا خیرخواہ نہ بنے، تو اس کی زکات ادھوری زکات مانی جائے گی۔

ایسے آدمی کی زکات پورے معنوں میں زکات نہیں ہوگی۔ البقرہ، سورہ نمبر 2، آیت 264۔