August 1990

یکم اگست 1990

عباس محمود العقاد (1889- 1964 ) ایک مصری ادیب اور صحافی ہیں ۔ سیرت پر ان کی ایک مشہور کتاب ہے جس کا نام 'عبقرية محمد' ہے۔ اس کتاب کا سبب تالیف انھوں نے کتاب کے مقدمہ میں لکھا ہے۔

رشدی فتنہ کا مقابلہ تلوار سے کرنا ، کشمیر میں تلوار کے ذریعہ اسلام نافذ کرنا، مصر میں تلوار کے زور پر انقلاب لانا ، یہ سب کیا ہے ، یہ دنیا کے سامنے گویایہ اعلان کرنا ہے کہ محمد کا مذہب تلوار کا تھا۔ کیسے عجیب ہیں وہ مسلمان جنھیں خود اپنے تضاد کی خبرنہیں۔

2 اگست 1990

28 جولائی کو میں سوویت یونین( ماسکو) گیا تھا۔ آج وہاں سے واپس آیا۔ وہاں میں نے دیکھا کہ سب سے زیادہ عظمت اور تقدیس لینن کو حاصل ہے۔ اس کی لاش مومیائی کر کے شیشہ کے کیس میں رکھی ہوئی ہے۔ اس کے شاندار مقبرہ پر بے شمار عظیم اہتمامات کئے گئے ہیں۔ ساری مملکت میں اس کے شاندار مجسمے لگے ہوئے ہیں۔ وغیرہ وغیرہ۔

سوویت یونین کیمونسٹ نظریہ پر عقیدہ رکھتا ہے۔ کمیونزم کا عقیدہ خدا کے انکار پر قائم ہوا تھا۔ مگرلینن کی عظمت و تقدیس دیکھ کر خیال آیا کہ اشتراکی دنیا نے خداکر چھوڑا نہیں، صرف خدا کو بد لاہے۔ خدا کا عقیدہ انسانی فطرت کا تقاضا ہے ۔اگرانسان خالق کو چھوڑے تو اس کے بعد مخلوق کو اسے خدا کی جگہ پر بٹھانا پڑے گا۔

3 اگست 1990

20 مارچ 1990 کو میں طرابلس لیبیا میں تھا۔ وہاں ایک انٹرنیشنل کانفرنس کے تحت مختلف ملکوں کے لوگ آئے تھے۔ ان میں سے ایک جناب ایس آئی حسن تھے۔ وہ آزادکشمیر کے لیڈر تھے اور پاکستان کے وفد کے ساتھ آئے تھے۔

یہ روایت اگر درست ہے تو یہ ایک بدترین کام ہے جو ضیاء الحق صاحب نے کیا۔ یہ صرف تخریب کاری کا ایک کام ہے ، اس کا اسلام سے کوئی تعلق نہیں۔ ضیا ءالحق اگر واقعتہ اسلام کو جانتے تو وہ پاکستانی کشمیر میں دعوتی تربیت کے کمیپ کھولتے ۔ وہ کشمیری نوجوانوں کو وہاں بلاکر نھیں سچا داعی بناتے ۔ وہ ان کے اندر یہ جذبہ بھرتے کہ وہ اولا کشمیر کے ہندوؤں میں اور پھر سارے ہندستان کے غیر مسلموں میں اسلام کی تبلیغ کریں۔

مگر میں یہ بھی جانتا ہوں کہ ضیاء الحق صاحب یا کوئی اور لیڈر اس قسم کا تربیتی کیمپ کھولے تو ایسا کیمپ خالی پڑا رہے گا۔فوجی کیمپ کو بھرنے کے لئے نفرت ہندو کا سرمایہ درکار ہے ، اور وہ موجودہ مسلمانوں میں افراط کے ساتھ موجود ہے۔ مگر دعوتی کیمپ کو بھرنے کے لئے محبت ہندو کی ضرورت ہے ، اور اس سے موجودہ زمانہ کے تمام مسلمان خالی ہو چکے ہیں۔

4 اگست 1990

مولانا ابوالکلام آزاد کی ایک کتاب امام حسین اور ان کی شہادت کے بارہ میں ہے ۔ اس کا نام' شہید اعظم 'ہے ۔ یہ غالبا ان کا مفصل مقالہ تھا جو بعد کو کتاب کی صورت میں شائع کر دیا گیا۔

یہ ایک مثال ہے جس سے اندازہ ہوتا ہے کہ موجودہ زمانہ کے لکھنے اور بولنے والے کس طرح مسلمانوں کو صحیح رہنمائی نہ دے سکے ۔ انھوں نے اپنی تقریروں اور تحریروں سے مسلمانوں کے اندر غلط ذہن پیدا کر دیا۔ اسی غلط رھنمائی کا ہی نتیجہ ہے جو آج ہر جگہ مختلف صورتوں میں نظر آرہا ہے۔

5 اگست 1990

2اگست 1990 کو عراق نے اپنی فوجیں کویت کے اندر داخل کر دی تھیں۔ اب تک کی خبر کے مطابق، وہ سابقہ حالت پر واپس جانے کے لئے راضی نہیں۔ ایک خبر میں بتایا گیا ہے کہ عراق نے کویت کے کچھ گم نام قسم کے چھوٹے فوجی افسروں کو لے کر عراق نواز انقلاب حکومت کویت میں قائم کر دی ہے ۔ عراقی حکمراں صدام حسین نے اعلان کیا ہے کہ کویت کے جابر الاحمد الصباح یا ان کی فیملی کے لئے اب کویت واپس آنے کا کوئی سوال نہیں۔

اس معاملہ میں آئندہ کیا ہوگا، کچھ نہیں معلوم ۔ مگر میرے نزدیک یہ سراسر بز دلانہ حرکت ہے۔ اگر عراق بہادر اور طاقت ور ہے تو وہ اپنی فوجیں اسرائیل میں کیوں نہیں داخل کرتا ۔

موجودہ زمانہ کے مسلمان ، خواہ وہ افراد ہوں یا حکومتیں ، ان کا عام حال یہ ہے کہ وہ اپنوں کے لئے سخت اور دوسروں کے لئے نرم بن گئے ہیں۔ ہر ایک موقع پا کر اپنے بھائیوں کو روند رہا ہے۔مگر ان میں سے کسی کی یہ ہمت نہیں کہ وہ غیرمسلم طاقتوں کے خلاف کوئی جارحانہ کارروائی کرے۔ یہ ایک علامت ہے جس سے اندازہ ہوتا ہے کہ موجودہ مسلمان اپنے زوال کی آخری حد پر پہنچ چکے ہیں۔

6 اگست 1990

مگر میری رائے اس سے بالکل برعکس ہے۔ میں سمجھتا ہوں کہ پاکستان کا مطالبہ اور پاکستان کا قیام اسلام کی نفی کے ہم معنی تھا ۔ 1947 سے پہلے جب پاکستان کا مطالبہ کیا گیا تو اس کی دلیل یہ دی گئی کہ متحدہ ہندستان میں ہندوؤں کی اکثریت ہوگی۔ جمہوری نظام کے تحت غیرمنقسم ہندستان میں مسلم اقلیت ہندو اکثریت کی محکوم ہو جائے گی۔ اس لئے مسلمانوں کو ایک علیحدہ خطہ درکا رہے جہاں ان کی اپنی حکومت ہو اور وہ اپنے اسلامی عقیدہ کے مطابق وہاں زندگی گزارسکیں۔

1947 سے پہلے مسلمانوں کے پاس ایک علیحدہ قومی جغرافیہ یا علیحد ہ قومی حکومت موجود نہ تھی۔ مگر اسلام اس وقت بھی پوری طرح ان کے پاس موجود تھا۔ ایسی حالت میں اس مطالبہ کے معنی واضح طور پر یہ تھے کہ اسلام مسلمانوں کو بچانے کے لئے کافی نہیں۔ مسلمانوں کے تحفظ کے لئے اس کے علاوہ ایک چیز در کار ہے ، اور وہ مسلمانوں کی قومی حکومت ہے۔

اس قسم کا مطالبہ بلاشبہ اسلام کے خلاف عدم اعتماد کا اظہار تھا۔ اور جو تحریک اسلام کے خلاف عدم اعتماد کی بنیا د پر اٹھے ، اس سے ہرگز اسلام کا نتیجہ برآمد نہیں ہوسکتا۔ یہی وجہ ہے کہ نصف صدی کی مدت گزرنے کے بعد بھی پاکستان سے اسلام برآمد نہیں ہوا۔

7 اگست 1990

8 اگست 1990

میں نے کہا کہ آپ کے سامنے عظمت مسلم کامسئلہ ہے اور میرے سامنے عظمت خداوندی کا۔ اگر مسلم بادشاہوں نے غلطی کی ہے تو ان کی غلطی کو غلطی کہئے ۔ تاکہ اسلام کی صداقت لوگوں کی نظروں میں باقی رہے۔ اگر آپ نے مسلم بادشاہوں کی غلطی کوغلطی نہ کہا جب کہ لوگ اچھی طرح ان کا غلط ہونا جانتے ہیں تو اسلام ایک قومی مذہب بن جائے گا۔ اس کے بعد لوگوں کی نظر میں کامل صداقت کا درجہ حاصل نہیں کرسکتا۔

9 اگست 1990

دعوتی کلام وہ ہے جس میں ابہام اور پیچیدگی نہ ہو۔ اس کو ایسا ہونا چاہئے کہ داعی کہے اور مدعو فورا سمجھ جائے۔ کلام کی اس خصوصیت کو وضوح (clarity) کہا جاتا ہے۔

کلام میں وضوح کی صفت کا تعلق حساسیت سے ہے اور حساسیت کا تعلق مصیبت سے ۔مصیبتیں انسان کو حساس بناتی ہیں اور جو آدمی حساس ہو ، اس کی زبان سے واضح کلام ظاہر ہوتا ہے۔ اس معاملہ میں اصول یہ ہے کہ جتنی زیادہ مصیبت اتنی ہی زیادہ حساسیت ، اور جتنی زیادہ حساسیت اتنا ہی زیادہ واضح کلام ۔

حقیقت یہ ہے کہ واضح کلام مشکل ترین عمل ہے ۔ وہ مشکل ترین عمل اس لئے ہے کہ اس کی قیمت اتنی زیادہ دینی پڑتی ہے کہ عام آدمیوں کے لئے اس کی قیمت کی ادائیگی ممکن ہی نہیں۔

10 اگست 1990

نوائے وقت (31جولائی1990) میں یہ خبر پڑھی کہ روسی مسلمانوں کا ایک وفد آجکل پاکستان آیا ہو اہے ۔ ان کے اعزاز میں ایک تقریب کے موقع پر وزیر اعظم بے نظیر بھٹو نے روسی مسلمانوں کی مدد کے لئے ایک کروڑ روپے کی منظوری کا اعلان کیا ہے۔ اس رقم سے روس کی وسط ایشیا کی مسلمان جمہوریتوں میں مساجد اور مدارس تعمیر کئے جائیں گے اور روسی مسلمانوں کو اسلامی لٹریچر فراہم کیا جائے گا۔

اس قسم کی خبریں آجکل سوویت یونین کے بارہ میں آتی رہتی ہیں ۔ کچھ سال پہلے تک یہ نا قابل گمان تھا کہ باہر کاکوئی ملک روسی مسلمانوں کو اس مقصد کے لئے رقم دے کہ وہ وہاں اس کو دین مقاصد میں استعمال کریں۔ یہ ایک نیا انقلاب ہے۔ اس انقلاب میں کسی بھی مسلم شخصیت یامسلم تنظیم کا کوئی دخل نہیں۔ یہ براہ راست خدائی نصرت کے تحت ظہور میں آیا ہے۔ اس سے ثابت ہوتا ہے کہ اسلام کے خلاف خارجی رکاوٹیں ، خواہ وہ کتنی ہی بڑی ہوں، وہ خدا کی طرف سے ختم کر دی جائیں گی۔ نہیں رکاوٹوں کے خلاف فریادو احتجاج کرنے کے بجائے اسلام کامثبت کام کرنے میں مصروف رہنا چاہئے۔

11 اگست 1990

ریاض کے عربی ہفت روزہ الدعوۃ (9 اگست 1990 ) نے افغانی مجاہدین کے لیڈر برہان الدین ربانی کا انٹرویو چھاپا ہے۔ گفتگو کے دوران انٹرویور (عبد اللہ انجلی) نے پوچھا، کیا آپ کا خیال ہے کہ جہاد افغانستان کی تحریک اشتراکیت کے انہدام کا سبب بنی ہے ۔ (ھل تری ان حركة الجهاد الافغاني كانت سببا في انھيار الشيوعية ) برہان الدین ربانی نے کہا کہ ہاں ، ہمارا یقین یہی ہے۔

میرے نزدیک یہ جواب بالکل لغو ہے۔ سوال یہ ہے کہ جب روس اپنی فوجوں اور اپنے ہتھیاروں سے کلی طور پر نجیب کی مدد کر رہا تھا ، اس وقت ، اپنے دعوے کے مطابق، افغان مجاہدین نے روسیوں کو شکست دیدی۔ اب جب کہ روسی فوجیں افغانستان سے واپس جاچکی ہیں، اور روس صرف جزئی طور پر نجیب اللہ کی مدد کر رہا ہے تو افغانی مجاہدین اس کو زیر کرنے سے کیوں عاجز ہو گئے۔

اصل میں ہے کہ پہلے امریکہ مکمل طور پر افغانی مجاہدین کی مد دکر رہا تھا۔ امریکہ کی مدد سے افغانی مجاہدین نے روسی فوجوں کو پسپائی پر مجبور کر دیا۔ اب امریکہ نے اپنی مدد واپس لے لی تو افغانی مجاہدین عاجز ثابت ہو رہے ہیں۔

12 اگست 1990

میں نے کہا کہ یہ بات صحیح نہیں۔ مالیگاؤں کے مسلمان اپنی اسی روش کی بنا پر اپنے خلاف زیادہ بڑا فسادکروا رہے ہیں ۔ اس کی وجہ سے مالیگاؤں کو حکومت نے نظرانداز کر رکھاہے۔ وہاں کوئی ترقی کا کام نہیں کیا جاتا ۔ مزیدیہ کہ مالیگاؤں کے مسلمانوں کی اقتصادیات کا انحصار پاور لوم پر تھا حکومت نے پاور لوم پر ایسی پابندیاں لگا دیں کہ مسلمانوں کی معاشیات تہس نہس ہو کر رہ گئیں۔

دوسری بات یہ ہے کہ' چھرا' فساد کے مسئلہ کا صرف وقتی حل ہے ، وہ مستقل حل نہیں مسلمانوں نے کئی جگہ ایساکیا۔ مثال کے طور پر بھاگلپور میں ۔مگرہندووں نے اس کے بعد یہ کیا کہ اندر اندر منصو بہ بندی کی ۔ انھوں نے پولیس اور ایڈمنسٹریشن کو مسلمانوں کی مبالغہ آمیز کہانیاں سناکر اپنا طرفدار بنالیا۔ اس کے بعد انھوں نے پولیس کو ساتھ لے کر ایسافساد کیا کہ مسلمانوں کی تمام چھرے بازی اس کے مقابلہ میں ناقابل ذکر ہوکر رہ گئی۔

حقیقت یہ ہے کہ ہندوستانی مسلمانوں کے مسائل کا واحد حل یہ ہے کہ وہ ہندووں کے ساتھ بھائی کی طرح مل کرر ہیں۔ اختلافی باتوں سے اعراض کریں۔ اپنے معاملات کو حکیمانہ تدبیر کے ذریعہ حل کریں نہ کہ میرے اور بندوق سے۔

13 اگست 1990

عراق کے صدر صدام حسین نے 12اگست 1990 کو اپنی فوجیں کویت میں داخل کر دیں ۔ 8 اگست کو انھوں نے عراق کے ساتھ کویت کے انضمام کا اعلان کر دیا۔ اپنے اعلان کے مطابق اب صدام حسین اس مشترک ملک کے صدر ہیں۔ عراقی حکومت نے کو یتی افسروں کو پکڑا اور انھیں بغداد لے جا کر گولی ماردی ۔ بہت سی سرکاری عمارتوں کو بم سے اڑا دیا۔ ان کے سفاکانہ عمل سے صرف کویت کا تیل اور اس کے متعلقات بچے ہیں۔ کویت کی زمین کے نیچے دنیا کے محفوظ تیل کے ذخیرے کا20 فیصد حصہ موجود ہے اور صدام حسین کو اس تیل کی شدید ضرورت ہے۔ کیوں کہ وہ عراق – ایران جنگ (۸۸۔ ۱۹۸۰ ) میں تقریبا50 ملین ڈالر کے مقروض ہو چکے ہیں ۔ 9 اگست کو اگرچہ اقوام متحدہ نے متفقہ طور پر اس انضمام کے خلاف قانون اور کالعدم قرار دیا ہے اور امریکہ نے اپنی فوجیں کویت سے ملی ہوئی سعودی سرحد پر اتار دی ہیں۔ مگر صورتحال ابھی تک غیریقینی نظر آتی ہے۔

واشنگٹن میں کویت کی عالی شان ایمبیسی ہے ۔ ایک امریکی صحافی اس ایمبیسی میں گیا۔ اس سلسلہ میں اس نے بڑی سبق آموز رپورٹ تیار کی جو ہندوستان ٹائمس (10اگست1990) میں صفحه13 پر نقل کی گئی ہے۔ اس رپورٹ میں بتایا گیا ہے کہ کویت کے سفیر سعود الناصرالصباح (45سال) اس شاہی خاندان سے تعلق رکھتے ہیں جو256 سال سے کویت پر حکومت کر رہا تھا۔ اس خاندان کے تقریبا ایک ہزار افراد ہیں اور یہی حکومت کے تمام اعلا شعبوں پر قابض ہیں۔

Without a country, I am not a man.

اس کو پڑھ کر میں نے سوچا کہ شہزادہ نواف نے اس وقت بظاہر صرف ملک کھویا ہے۔ بقیہ تمام چیزیں اب بھی ان کے پاس موجود ہیں۔ پھر آخرت میں انسان کا حال کیا ہوگا جب وہ اپنا ملک بھی کھو دے گا اور اسی کے ساتھ بقیہ تمام چیزیں بھی۔

14 اگست 1990

پاکستان کے لوگ جس ترتیب سے کام کرنا چاہتے ہیں ، اس کی مثال ایسی ہے جیسے کوئی باپ اپنے بیٹے کو جاہل رکھے ۔ اس کے بعد وہ بازار میں ایک دکان لے اور اس پر" کلنک" کا بورڈ لگا کر اپنے جاہل بیٹے سے کہے کہ میں نے دکان حاصل کر لیا ہے، اب تم وہاں باقاعدہ مطب شروع کر دو ۔

15 اگست 1990

موجودہ زمانہ کے مسلمانوں کا مسئلہ یہ ہے کہ وہ حقائق سے بے خبر رہتے ہیں۔ انھیں صرف سطحی ظواہر دکھائی دیتے ہیں جن پر وہ بے معنی ہنگامہ کرتے ہیں۔ اسی کی ایک مثال مسلم یونیورسٹی کا مسئلہ بھی ہے۔ حقیقت یہ ہے کہ مسلم یونیورسٹی کے وائس چانسلر میں صرف ذاتی اہلیت کو دیکھا چاہئے، نہ یہ کہ وہ بیوروکریٹ ہے بالکنوکریٹ۔ سرسید احمد خان مسلم یونیورسٹی کے بانی تھے، وہ خود ایک بیوروکریٹ تھے ۔اولامغل سلطنت اور اس کے بعد برطانی سلطنت میں وہ 40 سال تک ملازمت کرتے رہے۔ سرسید کے نہایت اہم ساتھیوں میں بھی کئی بیورو کریٹ تھے مثلا حسن الملک اور وقار الملک۔ اس قسم کےلایعنی ہنگاموں نے موجودہ زمانہ میں مسلمانوں کو نقصان پہنچایا ہے وہ دشمنوں کے پہنچائے ہوئے نقصانات سے ہزاروں گنا زیادہ ہے۔

16 اگست 1990

اس قسم کی باتیں کہنے کا سب یہ ہے کہ لوگوں کے ذہن میں عبادت کا جو تصور ہے اس کے لحاظ سے عبادت انہیں علم اور اخلاق اور اقتدار سے کم تر محسوس ہوتی ہے۔ وہ عبادت کو مراسم ظاہری کا ایک مجموعہ سمجھتے ہیں۔ اس تقابل میں ان کو عبادت چھوٹی چیز دکھائی دیتی ہے اور دوسری چیزیں بڑی معلوم ہوتی ہیں۔

مگریہ تقابل غلط ہے اور اس غلطی کا سرچشمہ عبادت کا ناقص تصور ہے۔ عبادت اپنی حقیقت کے اعتبارسے عظیم تر فعل ہے عبادت ظاہری حرکات وسکنات کا مجوعہ ہیں۔ وہ خداوند ذو الجلال کی معرفت سے پیدا ہونے والاعمل ہے۔عبادت اگر حقیقی طور پرکسی شخص کی زندگی میں آجائے تو اس کے نتیجہ میں ہر دوسری چیز اپنے آپ آجاتی ہے۔ مذکورہ عبارت میں صاحب تحریر نے اخلاق کا تقابل عبادت سے کیا ہے۔ مگر زیادہ صحیح لفظوں میں یہ اخلاق کا تقابل عبادت کے ظاہری ڈھانچہ سے ہے۔

17 اگست 1990

عراق کی آمدنی کا 90 فیصد ذر یعہ تیل کی قدرتی دولت ہے عراق کے موجودہ فوجی صدر صدام حسین نے 1958میں شاہ کے خلاف فوجی انقلاب کرکے عراق پر قبضہ کر لیا ۔ صدام حسین نے عراق کوزرعی یا صنعتی ترقی نہیں دی۔ البتہ اس کی تیل کی دولت سے مضبوط فوج بنالی۔ ایران کے خلاف نا کام جنگ ( ۸۸ - ۱۹۸۰) میں عراق کا120 بلین ڈالر کا نقصان ہوا۔ وہ 70 بلین ڈالر کا مقروض ہو گیا۔ دونوں طرف کے ایک ملین آدمی مارے گئے ۔ مگر صدام حسین کو عرب لیڈر بننے کا جنون ہے۔ چنانچہ انھوں نے ۲ اگست ۱۹۹۰ کو پڑوسی ملک کویت میں ایک لاکھ سے زیادہ فوج داخل کرکے اس پر قبضہ کر لیا۔ آجکل امریکہ کی قیادت میں مختلف ممالک کی فوجیں عراق کی ناکہ بندی کئے ہوئے ہیں۔

ریاض ابراہیم ایک عراقی تھے ۔ انھوں نے لندن میں ڈاکٹری کی تعلیم حاصل کی ۔1982میں وہ عراقی حکومت میں ہیلتھ منسٹر مقرر ہوئے۔ اس زمانہ میں عراق ایران کی جنگ کا مسئلہ عراق کے لئے پریشانی کا باعث بنا ہو ا تھا۔ امن کی بات چیت کے لئے ایران کی شرط یہ تھی کہ پہلے صدام حسین کو صدارت سے ہٹایا جائے۔ ان حالات میں بغداد میں ایک کیبنٹ میٹنگ ہوئی۔ صدام نے لوگوں کے سامنے یہ سوال رکھا کہ ایسی حالت میں کیا کیا جائے۔

ابتداء تمام منسٹروں نے یہ کہاکہ صدام حسین کو صدارت کے عہدے پر قائم رہنا چاہئے ۔ صدام نے آخر میں پیش کش کی کہ میں صدارت سے استعفادے دوں تاکہ ایران سے امن کی بات چیت شروع ہو سکے ۔ اس موقع پر ریاض ابراہیم نے یہ تجویز پیش کی کہ صدام حسین عارضی طور پر صدارت کے عہدے سے ہٹ جائیں۔ یہاں تک کہ ان کا معاہدہ (Peace Accord) فائنل ہو جائے ، صدام حسین نے ریاض ابراہیم کا شکریہ اداکیا۔ مگر اس کے بعد ہی صدام نے حکم دیاکہ انھیں گرفتار کر لیا جائے۔ اس کے بعد ریاض ابراہیم کے جسم کے ٹکڑے ٹکڑے کئے گئے اور ان کی لاش ایک کالے تھیلے میں بھر کر ان کے گھر کے سامنے پھینک دی گئی۔

18 اگست 1990

یہی موجودہ زمانہ کے مسلمانوں کا عام ذہن ہے ۔ انسانوں کو نہ تو قرآن والے دین کا پتہ ہے اور نہ انھیں جدید کی کوئی خبر ہے. وہ صرف اسلام کے فاتحانہ قصوں کو جانتے ہیں جن کو وہ شاعرانہ اور خطیبانہ انداز میں پڑھتے اور سنتے رہے ہیں ۔ ان حالات نے مسلمانوں کی ذہن سازی کے کام کو پہلا کام بنا دیا ہے ، مگر یہی وہ کام ہے جس کا آج کہیں وجود نہیں۔ آج مسلانوں میں بے شمار سرگرمیاں جاری ہیں، مگر کوئی بھی ایسی نہیں میں کو ذہن سازی کی مہم کہا جا سکے۔

19 اگست 1990

اب سوال یہ تھا کہ گرداسپور کو انڈیا سے ملایا جائے یا پاکستان سے۔ باؤنڈری کمیشن کے واحد ممبر (Mr. Radcliffe) کو ہندو نمائندہ نے مسلم علماء کا فتویٰ دکھایا جس میں قادیانیوں کو کا فرادر اسلام سے خارج قرار دیاگیا تھا۔ اس کے مطابق گورداسپور کے قادیانیوں کو مسلم تعداد سے الگ کر دیا۔ اور پھرگورداسپور کو انڈیا سے ملا دیا گیا۔ یہی گورداسپور ہے جس نے انڈیا کو کشمیر کے لئے راستہ (Road link) دیدیا ۔ ورنہ انڈیا کے لئے کشمیر تک پہنچنا ہی ناممکن تھا۔

مسلم علما کی تکفیر بازی کے مشغلہ نے ملت اسلام کو بے شمار نقصان پہنچائے ہیں ،انھیں میں سے ایک یہ بھی ہے۔

20 اگست 1990

میری عمرجب15 سال تھی۔ اس وقت ستمبر1939 میں جرمن ڈکٹیٹر ہٹلر نے اپنی فوجیں پولینڈ میں داخل کر دیں اور نہایت تیزی سے پولینڈ پر قبضہ کر لیا۔ مجھے یاد ہے کہ اچانک ایک دن انگریزی اخبار (پانیر) میں صفحہ اول کی پہلی سرخی یہ تھی :

پو لینڈ جرمنی کے قبضہ میں

Iraq overruns Kuwait.

آجکل روز انہ اخبارات کے صفحہ اول کی سب سے اہم سرخی یہی ہوتی ہے ۔ مجھے ایسا لگتا ہے کہ دنیا میں سب سے کم جو چیز ہے وہ ہے تاریخ سے سبق لینا۔

21 اگست 1990

مالدیپ کے ایک سفر میں میری ملاقات احمد دیدات صاحب سے ہوئی۔ وہ ساؤتھ افریقہ میں رہتے ہیں۔ اور عیسائیوں سے مناظرہ کر کے انھوں نے کافی شہرت حاصل کی ہے ۔عربوں سے انھیں کافی مالی تعاون ملا ہے۔ چنانچہ انھوں نے ساؤتھ افریقہ میں اپنا ایک بہت بڑا سنٹر قائم کر لیا ہے۔

مالدیپ کے ایک ہوٹل میں احمد دیدات صاحب کو میں نے ایک بار دیکھا کہ وہ کرسی پر بیٹھے ہوئے ہیں۔ ان کے قریب کی کرسی خالی تھی ۔ میں بھی وہاں جا کر بیٹھ گیا ۔ بات چیت کے دوران میں نے کہاکہ ایک سوال میں اکثر لوگوں سے کرتا ہوں و ہی سوال میں آپ سے بھی کر رہا ہوں ۔ آپ اس کے بارے میں مجھے کچھ بتائیں ۔ پھر میں نے کہا کہ مجھے بتائیے کہ آپ کی خاص دریافتDiscovery) کیا ہے۔

عجیب بات ہے کہ موجودہ مسلمانوں کو گہرے سوالات سے کوئی دلچسپی نہیں۔

22 اگست 1990

ایک عربی پرچہ میں ایک مضمون نظر سے گزرا۔ اس میں بتایا گیا تھا۔ سوڈان کے جنوبی علاقہ میں کس طرح مسیحی مبلغین مسلمانوں کو عیسائی بنانے میں سرگرم ہیں۔ جنوبی سوڈان میں 18 فیصد مسلمان ہیں۔ 17فیصد مسیحی ہیں اور بقیہ بت پرست ہیں ۔ عیسائی مبلغین کا کام زیادہ تر انہیں مسلمانوں میں ہورہا ہے۔ یہ مسلمان بیشتر بے پڑھے لکھے اور غریب ہیں۔ چنانچہ مضمون کا عنوان ان الفاظ میں قائم کیاگیا تھا کہ مسیحی مبلغین سیدھے سادے مسلمانوں کا استحصال کر رہے ہیں:

النصارى يستغلون البسطاء

23 اگست 1990

سعودی عرب کے عربی ہفت روزہ الدعوۃ (3 صفر1411ھ ، 23 اگست 1990) میں ایک عرب اہل قلم یوسف البدری کا مضمون چھپا ہے۔ اس مضمون میں انھوں نے بتایا ہے کہ جس زمانہ ایران اور عراق کے درمیان جنگ جاری تھی ، اس زمانہ میں خمینی کے حامیوں کا کہنا تھا کہ قدس کاراستہ بغداد ہو کر جاتا ہے۔ (الطريق الى القدس يمر ببغداد ) دوسری طرف صدام کے حامی یہ نعرہ لگارہے تھے کہ قدس کا راستہ تہران ہوکر جاتا ہے ( الطريق الى القدس يمر بطهران)

اس قسم کےالفاظ صرف یہ ثابت کرتے ہیں کہ مسلم حکمرانوں کو قدس کی بازیابی سے کوئی حقیقی دلچسپی نہیں۔ ان کا واحد مقصد صرف یہ ہے کہ قدس کا نام لے کر مسلمانوں کا استعمال کریں اور ان کے اوپر اپنی قیادت قائم کریں ۔

24 اگست 1990

مسٹر جناح نے جس منصفانہ اور بہادرانہ سلوک کا دعوی غیر مسلموں کے بارہ میں کیا تھا وہ سلوک پاکستان کے لوگ خود اپنے مسلم بھائیوں سے ٍبھی نہ کر سکے۔ اس کی وجہ یہ ہے کہ پاکستان کاقتدار" اسلامی تاریخ "کے ہاتھ میں نہیں ہے بلکہ مسلمانوں کی ایک زوال یافتہ نسل کے ہاتھ میں ہے۔ تاریخ کے الفاظ تاریخ کے صفحات سے نکل کرکبھی واقعہ نہیں بنتے۔ یہ در اصل افراد ہیں جو واقعات کو ظہور میں لاتے ہیں۔ مگر موجودہ زمانہ کے تمام قائدین نے یہی کیا کہ وہ تاریخ کا حوالہ دے کر شاندار تقریریں کرتے رہے۔ ان میں سے کسی نے بھی موجودہ نسلوں کی ذہنی تعمیراوراخلاق اصلاح کے لئے کوئی حقیقی کوشش نہ کی ۔

25 اگست 1990

1989 کے لئے امن کا نوبیل انعام دلائی لاما کو دیا گیا تھا۔ اس سلسلہ میں ملنے والی رقم کر انھوں نے فور آخر ٖغریبوں کے لئے وقف کر دیا۔ نوبیل انعام کے بعد 1990 میں امریکہ سے ایک کتاب موجودہ دلائی لاما کے بارہ میں چھپی ہے جو چوتھے دلائی لاما ہیں ۔ یہ خوبصورت کتاب 150صفحات پر مشتمل ہے۔ اس کا نام ہے :

The Dalai Lama: A Policy of Kindness

That he is able to laugh in the face of adversity after all he has experienced during the past three decades, suggests that he is a man who has found inner peace.

داعی کے لئے ضروری ہے کہ وہ دوسروں کی زیادتیوں کو نظرانداز کرے۔ اس کا ایسا کرنا دوسروں کی نظر میں اس کی یہ تصویر بناتا ہے کہ وہ ایک پایا ہو انسان ہے نہ کہ کھویا ہوا انسان ۔

26 اگست 1990

عبد الہادی علیم (1970) بستی کے رہنے والے ہیں۔ پچھلے رمضان میں وہ بمبئی سے بستی جانے کے لئے ٹرین سے سفر کر رہے تھے۔ ایک ہندو نوجوان سے ٹرین میں ملاقات ہوئی۔ وہ کانپور کا رہنے والا تھا۔ اس کا نام و پتہ یہ ہے :

Jetandra Gupta 405/8, Shastri Nagar, Kanpur 208 005

یہ بات بالکل صحیح ہے ۔ یہ ایک حقیقت ہے کہ مسلمانوں کی اسی قسم کی نادانیوں نے اس ملک میں ہندومسلم مسئلہ پیدا کیا ہے۔ دوسری کوئی چیز اس کا سبب نہیں ۔

27 اگست 1990

ملوک کی برہمی اس لئے ہے کہ ان کا اقتدار چھین رہا ہے۔ علماء کے ردعمل کی وجہ یہ ہے کہ اس وقت تمام دنیا کے علماء انھیں ملک کے مالی تعاون پر زندہ ہیں۔ اب سوال یہ ہے کہ عرب عوام کی رائے ان سے مختلف کیوں ہے ۔

I love any Arab Leader who will unite the Arabs, even by force. We want

to see one empire restoring our culture to its former glory (p. 20).

28 اگست 1990

آگے کانٹوں سے ڈر لگتا تھا اب پھولوں سے ڈر لگتا ہے

جس ملک میں گورنر کا یہ حال ہو ، وہاں عام انسان کی حالت کیا ہو گی ، اسی واقعہ سے اس کو قیاس کیا جاسکتا ہے۔

29 اگست 1990

یہ خبر کو صحیح ہے تو بے حدتعجب خیز ہے ۔ کویت ایک انتہائی چھوٹا ملک ہے ۔ تاہم اس کے پاس دولت کا ڈھیر لگا ہوا ہے ۔ اگر ان کا انٹلی جنس کا محکمہ آتنا کمزور تھا تو آخر وہ کس لئے قائم تھا اوروہ کیا کر رہا تھا۔

30 اگست 1990

پاکستان بننے کے بعد" اسلامی جمہوریت“ ایک دن کے لئے بھی پاکستان میں قائم نہ ہوسکی۔ اس کی وجہ یہ ہے کہ پاکستان میں جمہوریت اس طرح قائم نہیں ہوسکتی کہ تیرہ سو سال پہلے کی تا ریخ اپنے آپ آکر یہاں نافذ ہو جائے ۔ پاکستان میں جمہوریت کو وہاں کے موجودہ مسلم باشندے نافذ کریں گے اور پاکستان کے موجودہ باشندے اپنے زوال کے بدترین دور میں ہیں۔ وہ ایک مردہ قوم ہیں ، اور مردہ قوم کبھی کوئی زندہ کارنامہ انجام نہیں دیتی۔

31 اگست 1990

لیوس ویلسLewis Wallace))1827 میں پیدا ہوا۔1905 میں اس کی وفات ہوئی۔ اس کا ایک قول ہے کہ کسی آدمی کی سب سے زیادہ آزمائش کا وقت وہ ہوتا ہے جب کہ بہت زیادہ خوش قسمتی اس کے حصہ میں آگئی ہو :

A man is never so on trial as in the moment of excessive good-fortune

مشکل حالات میں آدمی کے لئے بہکنے کا اندیشہ نسبتا کم رہتا ہے ۔ لیکن اگر آدمی کو بڑی کامیابی ہوجائے تو بہت کم ایسا ہوتا ہے کہ وہ بہکنے سے بچ جائے ۔

اللہ تعالی نے موجودہ دنیاکا نظام اس طرح بنایا ہے کہ یہاں کوئی اچھی چیز بہت زیادہ دیر تک کسی ایک شخص یا ایک گروہ کے پاس نہ ر ہے۔ جوانی کچھ دنوں کے بعد ڈھل جاتی ہے۔ دولت کبھی آتی ہے اور کبھی چلی جاتی ہے۔ سیاسی اقتدار بار بار ایک ہاتھ سے دوسرے ہاتھ میں جا تا رہتا ہے۔ کبھی کسی ایک کا دور دورہ رہتا ہے اور کبھی کسی دوسرے کا۔

یہ بگاڑ کے خلاف ایک فطری چیک ہے ۔ یہ اس لئے ہے کہ لوگ ایک حد کے اندرر ہیں۔ لوگ بہت زیادہ بگڑنے نہ پائیں۔

مزیدیہ کہ یہ صورت حال آدمی کی ذاتی اصلاح کے لئے بہت زیادہ معاون ہے۔ حالات کی تبدیلی بار بار لوگوں کوسبق دیتی ہے۔ اس سے ہر آدمی کو یہ موقع ملتار ہتا ہے کہ وہ اپنی حیثیت واقعی کو جانے۔ وہ اپنے آپ کو سرکشی اور غرور سے بچائے۔ وہ اس حقیقت سے آشنا ہو کہ اس دنیامیں حالات کا سرا اس کے ہاتھ میں نہیں ہے بلکہ خدا کے ہاتھ میں ہے ۔ اختیار اور عظمت کا مالک صرف خدا ہے۔ اس کے سوا کسی اور کے لئے حقیقی عظمت ہے اور نہ حقیقی اختیار۔