October 1990

20 اکتوبر 1990

ایک صاحب کے بعض سوالات کا جواب دیتے ہوئے میں نے کہاکہ موجودہ زمانہ میں جنرل محمدضیاء الحق نے شخصی طور پرا ور جماعت اسلامی اور اخوان المسلمین نے جماعتی طور پر کوشش کی کہ وہ پہلے حکومت پر قبضہ کرلیں اور اس کے بعد افراد کی اصلاح کریں۔ یہ طریقہ سراسرسنت نبوی کے خلاف ہے ، اس لئے ، دھوم اور ہنگاموں کی لمبی سیاست کے باوجود اس کا کوئی فائدہ حاصل نہ ہوسکا۔

اس سے معلوم ہوا کہ یہ نظریہ سراسر غیراسلامی ہے کہ پہلے حکومت پر قبضہ کرلو ، اور اس کے بعد افراد کی اصلاح کرو۔ صحیح طریقہ یہ ہے کہ پہلے افراد کے اندر ایمانی انقلاب لے آؤاس کے بعد حسب حالات حکومت تک پہنچو۔

21 اکتوبر 1990

ایک صاحب کے سوال کے جواب میں میں نے کہا کہ" عشق رسول“ ایک مبتدعانہ لفظ ہے ۔ قرآن و حدیث میں کہیں بھی یہ لفظ استعمال نہیں کیا گیا ہے۔ رسول اللہ کے معاملہ میں اتباع مطلوب ہے نہ عشق۔

22 اکتوبر 1990

نیست جز آدم در میں عالم که بسیار است و نیست

دنیا ایسے انسانوں سے بھری ہوئی ہے جو انٹرسٹ کے لئے متحرک ہوتے ہیں۔ مگر ساری دنیا میں ایک انسان بھی شاید ایسا موجود نہیں جو پرنسپل کے لئے متحرک ہوتا ہو۔ ذاتی مفاد کے لئے ہر آدمی دوڑ رہاہے،مگر اصول حق کے لئے دوڑنے والاکوئی شخص نظر نہیں آتا۔

دنیا میں سب سے زیادہ بھیڑ سطحی انسانوں کی ہے۔ دنیا میں بیشتر انسان وہ ہیں جوصحیح معنوں میں اپنی ذات کے لئے بھی کرنا نہیں جانتے۔ کچھ انسان ایسے ہیں جو اپنی ذات کے لئے کرنا جانتے ہیں ، اور ایسا انسان تو شاید آج کی دنیا میں نایاب کے درجہ میں ہے جو صحیح معنی میں حق کے للئے کرنا جانتا ہو۔ دنیا میں سب کچھ ہے مگ ایک سچا انسان نہیں۔ دنیا میں ہر چیز ہے مگر وہی ایک چیز نہیںجس کے لئے یہ دنیا تخلیق کی گئی تھی ۔

23 اکتوبر 1990

م لاقات کے دوران انھوں نے بتایا کہ ہمارے یہاں 120 بیھگہ زمین ہے ۔ گھرکاکوئی آدمی زمین کی دیکھ بھال نہیں کرسکتا، اس لئے پوری زمین بٹائی پر دی ہوئی ہے۔ جن لوگوں کو بٹائی پر دیا گیا ہے وہ سب ہندو ہیں۔ انھوں نے کہا ۔ ہندوؤں کا اخلاق بہت اچھے ہوتے ہیں، وہ دھوکا نہیں دیتے۔ مثلا کسی کھیت میں ۲۰ کوئنٹل دھان ہو تو مسلمان اس کو ۱۵ کوئنٹل بتائے گا اور ہم کو ساڑھے سات کوئنٹل دے گا۔ مگرہندو پور۲۰۱ کوئنٹل بتائے گااور ہم کو اس کا نصف 10 کوئنٹل دے گا۔

برصغیر کی تقسیم نے مسلمانوں کو حقیقی معنوںمیں کچھ نہیں دیا۔ وہ بنگلہ دیش میں بھی برباد ہیں، ہندستان میں اور پاکستان میں بھی۔ فرق صرف یہ ہے کہ ہر جگہ بربادی کی نوعیت الگ الگ ہے۔

24 اکتوبر 1990

ایک صاحب سے گفتگو کرتے ہوئے میں نے کہا : آپ کا مخالف جب آپ سے کچھ چھینتا ہے تو عین اسی وقت وہ بہت بڑی چیز آپ کو دے دیتا ہے ۔ زندگی کانیا حوصلہ انئے عزم کے ساتھ اپنے لئے مستقبل کی تعمیر محرومی کا واقعہ پیش آنے کے بعد اگر آپ مایوس نہ ہوں، بلکہ ازسرنو اپنی زندگی کی تعمیر کا نقشہ بنائیں تو محرومی کا واقعہ آپ کے لئے نئے شاندارترمستقبل کی طرف سفر کا زینہ بن جائے گا۔

25 اکتوبر 1990

Every believer is God's miracle.

اس میں کوئی شک نہیں کہ خدا اس کائنات کی سب سے واضح حقیقت ہے۔ وہ سورج اور چاند سے بھی زیادہ روشن ہے۔ مگر خدا پر یقین لانا صرف ان لوگوں کے لئے ممکن ہے جو نہ دکھائی دینے والی چیزوں کو دیکھنے کی صلاحیت رکھتے ہوں۔ جولوگ صرف دکھائی دینے والی چیزوں کو دیکھیں ان کے لئے خدا کا کوئی وجود نہیں۔ اس اعتبار سے دیکھا جائے تو یقینا یہ ایک خدائی معجزہ ہے کہ ایک شخص کا دماغ خدا کے وجود پر کامل یقین کرے اور اس کا دل خدا کے احساس سے لرز اٹھے۔

26 اکتوبر 1990

27 اکتوبر 1990

28 اکتوبر 1990

میں کہوں گا کہ پاکستان کی سیاست اگر ایک شخص کی ذات پر منحصری تو ایسے پاکستان کو بنانا ہی غلط تھا۔ ہرشخص ریشمول جناح ایک روز مرنے والا تھا۔ جیب کہ پاکستان کو اس کے بعد بھی باقی رہنا تھا۔ پھر ایسے پاکستان کو بنوانے کی ضرورت کیا تھی۔ جس کی امیدوں کا سہارا ایسی کمزور ڈور ہو جس کو بہرحال لوٹ جا تاہے۔

29 اکتوبر 1990

Every man's reason is every man's oracle.

قدیم یونان میں مذہبی دار الاستخارہ (Oracle) ہوا کرتا تھا۔ یہاں آ کر لوگ مخصوص انداز میں اپنے مفروضہ دیوتاؤں سے مشورہ یا پیشگی رائے طلب کرتے تھے۔ اس کا جواب انھیں مہم اور پر اسرار طور پر ملا تھا جس کو وہ مقدس بھی قبول کر لیتے تھے۔ گویا اور سیکل کا مطلب ہے پر اسرار شیربیس پر اعتماد کیا جائے۔

ہر آدمی کا یہ حال ہے کہ اس کی عقل جو کچھ اسے بھا دے ، اس کو دیے مجھے پکڑ لیتا ہے بچا انسان وہ ہے جو اپنی عقل کے خول سے باہر نکلے اور چیزوں کے بارہ میں حقیقت واقعہ کے اعتبار سے رائے قائم کرے مریض اپنی ذاتی سوچ کے اعتبار ہے ۔

30 اکتوبر 1990

29 اکتوبر اور30 کی درمیانی رات ہے ۔ گھڑی میں ایک بج رہے ہیں۔ آج دیوالی ہے ۔ ہر طرف سے پٹاخوں کی آوازیں آرہی ہیں۔ فضا دھوئیں سے بھر گئی ہے ۔شو روغل سے اپنے ذہن کو پھیرنے کے لئے میں لکھنے پڑھنے میں مشغول ہوگیا یہاں تک کہ رات کے ایک بج گئے۔

بچپن میں میں سنا تھا کہ دیہات کی ہندو عورتیں اپنے گھروں میں سوپ بجا کر کہی ہیں: اسر پیٹیں دلدر نکلیں۔یعنی گھر میں برکت آۓ اور نحوست اس سے نکل جائے۔ اب اس رسم نے پرشورپٹاخہ بازی کی صورت اختیار کرلی ہے ۔ دہلی میں ہر سال دیوالی کی رات کو اتنے زیادہ پٹاخے چھوڑے جاتے ہیں کہ رات کا بیشتر حصہ دھماکوں سے گونجتا رہتا ہے اورپورے شہر کی فضا دھوئیں اور گیس سے بھر جاتی ہے۔

یکم اکتوبر1990

آج میں لیبیا( طرابلس) میں تھا۔ وہاں میرا قیام فندق باب البحرمیں تھا۔ صبح کو نیچے اترا تو ریسپشن استقبالیہ کے وسیع ہال کی دیواروں پر مختلف نعرے لکھے ہوئے نظر آئے۔

ایک نعرو ان الفاظ میں لکھا ہوا تھا : التائثر الاسمى معمر القذا في صانع عصر الجماهيرية ( عالمی انقلابی لیڈر معمر قذافی، جمہوریتوں کا دور پید اکرنے والا ۔)

2 اکتوبر 1990

لیبیا میں اس وقت تقریبا چالیس ہزار ہندستانی ہیں ۔ ان میں ہندو اور مسلمان دونوں شامل ہیں۔ طرابلس میں مقیم مسلمانوں نے اکتوبر کو" میلادالنبی" کا جلسہ کیا۔ اس میں مجھے تقریر کی دعوت دی گئی۔ وہاں میں نے رسول اللہ صلی اللہ علیہ وسلم کی تعلیمات پر سادہ انداز میں ایک تقریر کی۔ کلیۃ الدعوۃ الاسلامیہ کے ہال میں اجتماع تھا۔ اس میں مسلمانوں کے علاوہ ہندو بھی قابل لحاظ تعدادمیں موجود تھے۔

میرے کہنے پر ان لوگوں نے مسٹر کیانی کو تقریر کے لئے کھڑا کیا۔ مسٹ گلیانی اسٹیج پر آئے تو سب سے پہلے انھوں نے السلام علیکم کہا ۔ اس کے بعد پوری تقریر سیرت کے موضوع پر کی۔ حتی کہ آخر میں کہا کہ محمد صاحب کے دکھائے ہوئے راستہ پر ساری دنیا چلے گی۔

13 اکتوبر 1990

طرابلس میں میری ملاقات محمد سلیمان القائد سے ہوئی۔ وہ ایم اے ہیں اور اس وقت طرابلس کی جامعۃ الفاتح میں استاذ ہیں۔ انھوں نے کہا کہ میں قاہرہ گیا۔ وہاں جامعتہ القاہرہ کے ایک پروفیسر سے میری ملاقات ہوئی۔ وہ وہاں عربی ادب کے استاد ہیں ۔ میرا ذکر آیا تو مصری پروفیسر نے کہا کہ وحید الدین خاں نے دین کی ایک تعبیر کی ہے جو مودودی اور قطب سے مختلف ہے۔ مگر وحید الدین خان ایک ہندی ہیں۔ ان کی عربی دانی پر مجھے اعتماد نہیں ، اس لئے میں ان کی تعبیر کو بھی نہیں مانتا۔

4 اکتوبر 1990

ایک صاحب سے مسلمانوں کے موجودہ حالات پر گفتگو ہوئی۔ میں نے کہاکہ موجودہ زمانہ میں مسلمانوں کو جوسنگین حالات کا سامنا ہے، اس کی تمام تر ذمہ داری مسلمانوں کے علمی رہنماؤں پر ہے ۔ ان نام نہاد رہنماؤں نے سب سے بڑا جرم یہ کیا ہے کہ مسلمانوں کو خارجی احتجاج کے راستہ پر ڈال دیا۔ حالانکہ صحیح بات یہ تھی کہ انھیں داخلی تعمیر کے مرنے پر سرگرم کیا جائے۔

ہندستان کے سطحی رہنماؤں کا یہ حال ہے کہ جب بھی کوئی مصیبت پیش آتی ہے تو فوراً وہ نکمی انتظامیہ کا لفظ بول کر مسلمانوں کی سوچ کا رخ حکومت کی طرف کر دیتے ہیں۔ پاکستان میں نام نہاد اسلام پسند وہاں کی تمام خرابیوں کا ذمہ غیرصالح حکمرانوں کو ٹھہرائے ہوئے ہیں۔ وسیع تر عالم اسلام کو دیکھئے تو انٹرنیشنل اسٹیج پر بولنے والے تمام لوگ صلیبیوں اور صہیونیوں اور استعماری طاقتتوں کے ظلم کے خلاف چیخ پکار کرنے میں مشغول ہیں۔

مسلمانوں کے لئے کرنے کا اصل کام یہ تھا کہ وہ اپنی تمام طاقت داخلی تعمیر کے محاذ پر لگائیں ۔ مگر مذکورہ بالاقسم کی رہنمائیوں نے ان کی توجہ داخلی محاذ سے ہٹا دی۔ اور تمام مسلمانوں کے ذہن کو خارج کی طرف پھیر دیا۔ میرے نزدیک آج کا سب سے بڑا مسئلہ یہی غلط رہنمائی ہے۔

5 اکتوبر 1990

تہران سے ایک عربی ہفت روزہ نکلتا ہے۔ اس کا نام الشهيد الدولي (شہید انٹرنیشنل )ہے ۔ اس کی پیشانی پر یہ فقرہ لکھا ہوا رہتا ہے : صوت الثورة الاسلامیہ ( اسلامی انقلاب کی آواز) اس اخبار کے شمارہ 6 ستمبر 1990میں صفحہ اول پر ایک رپورٹ شائع ہوئی ہے۔ اس رپورٹ میں کہا گیا ہے کہ سعودی عرب کی مسلم امت (الشعب المسلم في المنطقة ) خادم الحرمین الشریفین کی مخالف ہوگئی ہے ۔

جواب کا یہ انداز ایرانیوں کا ہے ، وہ امریکیوں کا انداز کلام نہیں ۔ اور اگر بالفرض یہ واقعہ صحیح ہو تو یہ بدترین جنرلائزیشن ہے۔ ایک بدو اور ایک امریکی عورت کی گفتگو کو پوری پوری قوم پر لاگو نہیں کیا جاسکتا۔

۶اکتوبر ۱۹۹۰

اسلامی جمہوریہ ایران کے اخبارات آجکل خلیجی بحران کے تذکرہ سے بھرے رہتے ہیں۔ ان سب کا خلاصہ یہ ہوتا ہے کہ خادم الحرمین الشریفین نے کافرامریکیوں کو عرب کی مقدس سرزمین میں داخل ہونے کی اجازت کیوں دی۔

یہ وہی چیز ہے جس کو کلمة حق اريد بها الباطل کہاگیا ہے ۔ایران کے اخبارات بظاہر ایک حق بات کہہ رہے ہیں ، مگر اس کا حق کے پیچھے ایک باطل مقصد چھپا ہوا ہے۔ وہ دراصل اس بحران سے فائدہ اٹھا کر سعودی عرب کو مطعون کر رہے ہیں جس کو وہ اپنا دشمن فرض کئے ہوئے ہیں۔ اگر فی الواقع ان کے سامنے حق ہوتا تو وہ سب سے پہلے صدام حسین کی جارحیت کی مذمت کرتے جس نے سعودی عرب کو مجبور کیا کہ وہ امریکہ سے مددمانگے۔ اس صورت حال کی اصل ذمہ داری صدام حسین پر آتی ہے۔ مگر ایرانی اخبارات صدام حسین کے فعل پر خاموش ہیں ۔ اور امریکہ کا حوالہ دے کر سعودی عرب کی مذمت کر رہے ہیں۔

کیسے عجیب ہیں وہ لوگ جوعملی سطح پر اسلامی انقلاب برپا کرنے کے مدعی ہیں، حالاں کہ لفظی معلم کے درجہ میں بھی وہ ابھی تک اسلام کو اپنا دین نہ بنا سکے۔

7 اکتوبر 1990

انقرہ( ترکی) کے حوالے سے مکہ کے اخبار العالم الاسلامی - شماره ۲۴ ستمبر۱۹۹۰ میں ایک رپورٹ چھپی ہے۔اس کا عنوان ہے : ۵۹۲ جريدة يومية وأكثر من 3 آلاف مجلة فى العالم الاسلامی۔

مگر اس میں ہندستان کے مسلم اخبارات وجرائد کا کوئی ذکر نہیں ۔ غالباً اس کی وجہ یہ ہے کہ ہندوستان معروف سیاسی اصطلاح کے مطابق مسلم ملک نہیں۔ میرے نزدیک یہ تقسیم بالکل غلط ہے۔ دنیا کے تمام مسلمان امت مسلمہ کا حصہ ہیں، خواہ وہ سیاسی اعتبار سے کسی مسلم ملک میں بستے ہوں یا غیرمسلم ملک میں۔

8 اکتوبر 1990

ناموں کی کثرت سے یہ استنباط درست نہیں۔ رسول اللہ صلی اللہ علیہ وسلم کے نام95 سے کم ہیں۔ پھر کیا آپ کی ذات مدینہ سے کم افضل ہے۔ اسی طرح مکہ کے نام بھی نسبتا بہت کم ہیں۔ مکہ کے نام تقریبا بتائے گئے ہیں۔ مکہ ، بکہ ، البلدالامین ، البيت العتيق ، البيت الحرام ام القری ۔ پھر کیا مدینہ کے مقابلہ میں مکہ کی فضیلت وعظمت کم ہے۔ موجودہ مسلمانوں میں سائنٹفک طرز فکر نہیں۔ اس لئے وہ اکثر معاملات میں اسی قسم کی غیر منطقی باتیں کرتے ہیں۔

صحابہ و تابعین کبھی اس طرح کی باتیں نہیں کرتے تھے۔ اس کی وجہ یہ تھی کہ وہ لوگ خدائے ذوالجلال کی عظمتوں میں گم تھے۔ ان کو ساری بڑائی صرف ایک خدا کی ذات میں نظر آتی تھی۔ اس لئے وہ اشخاص اور ایمان کی عظمتوں کی پیمائش بھی نہیں کرتے تھے۔

9 اکتوبر 1990

میں بوڑھا ہو گیا ہوں ، تمام بال سفید ہو گئے۔ اس مدت میں میں نے بے شمار صفحات لکھے۔ مگر ہر نئے دن مجھے ایسا محسوس ہوتا ہے گو یا اب تک جو لکھا وہ صرف ابتدائی مشق کے طور پر تھا۔ لکھنے کا اصل کام اب شروع ہو گا۔ یہ احساس لامتنا ہی طور پر ہر آنے والے دن کو باقی رہتا ہے۔

اس تجربہ کی روشنی میں میرا خیال ہے کہ موجو دہ دنیا صرف مشن کی جگہ ہے، وہ لکھنےاور بولنے کی جگہ نہیں۔ موجودہ دنیا میں آدمی صرف سیکھ رہا ہے کہ وہ کیا بولے اور کس طرح لکھے۔ لکھنے اور بولنے کاحقیقی عمل صرف ان خوش قسمت افراد کے لئے مقدرہے جن کو موت کے بعد خدا کی مغفرت حاصل ہو اور انھیں جنت کی معیاری دنیا میں رہنے کی اجازت دی جائے۔

10 اکتوبر 1990

11 اکتوبر 1990

ہے جو آدمی کو اس قسم کی فلسفیانہ تلاش پر مجبور کرتی ہے۔ صفحہ۱۴)

ایک پتھر کر وروں سال تک زمین پر پڑا رہے تو اس کو کبھی تنہائی کا احساس نہیں ہوگا۔ مگر انسان تنہائی کے احساس سے دوچار ہوتا ہے ۔ اس کی وجہ یہ ہے کہ انسان عین اپنی پیدائش کے اعتبار سے ایک خداپرست مخلوق ہے۔ انسان نفسیاتی اعتبار سے اپنے آپ کو نامکمل محسوس کرتا ہے۔ وہ صرف اس وقت احساس کی تکمیل سے دوچار ہوتا ہے جب کہ وہ اپنے نفسیاتی خلا کو پر کرنے کے لئے اپنے باہرکسی چیز کو پا لے۔

اس اعتبار سے انسانوں کی تین قسمیں ہیں (1) فلسفی جو ہمیشہ اس کی تلاش میں رہتا ہے، یہاں تک کہ وہ مرجاتا ہے (2) مشرک انسان جوکسی اور چیز کو یہ مقام دے کر مصنوعی طور اپنے لئے اطمینان کا سامان کرلیتا ہے (3 ) موحد انسان جو اس فطری سوال کے صحیح جواب کو پالیتا ہے۔ وہ اپنے احساس تنہائی کوعقیدۂ خدا کے ذریعہ پر کرلیتا ہے۔

یہی آخری انسان کامیاب انسان ہے۔

12 اکتوبر 1990

بظاہر یہ ایک اسلامی ولولہ کی بات ہے مگر مجھے اس سے کلی اتفاق نہیں۔ رکوب الاخطار اگر مطلق طور پر مطلوب ہو تو رسول اللہ صلی اللہ علیہ وسلم کو مکہ سے ہجرت کرنے کے بجائے وہاں دشمنوں سے لڑنا چاہئے تھا۔ غزوہ احزاب میں آپ کو خندق کھودنے کے بجائے براہ راست مقابلہ کر نا چاہئے۔ حدیبیہ کے موقع پر صلح کرنے کے بجاۓ آپ کو تصادم کرنا چاہئے تھا۔ وغیرہ۔

میرا احساس ہے کہ پچھلے ہزار سال کے دوران جہاد بمعنی قتال کو ضرورت سے زیادہ گلوری فائی کیا گیا ہے۔ اس کے مقابلہ میں دعوت کا کوئی گلوری فیکیشن نہیں کیا گیا۔ اسی کا نتیجہ ہے کہ آج مسلمان ہر جگہ لڑنے بھڑنے کے لئے تیار رہتے ہیں۔ کیوں کہ لڑائی انھیں ہیروانہ کام نظر آتی ہے اور صبرو برداشت کرتے ہوئے دعوت پہنچانے والا کوئی شخص ساری دنیا میں نظر نہیں آتا ،کیوں کہ موجودہ حالات میں دعوتی کام میں "ہیرو" والی کشش نہیں۔

13 اکتوبر 1990

کویت پر صدام حسین کے قبضہ کے بعد تمام سنجیدہ مسلمان صدام حسین کی جارحیت کی مذمت کر رہے ہیں۔ مگر دنیا بھرمیں مسلمانوں کی اکثریت صدام حسین کی حمایت میں بول رہی ہے۔ حتی کہ صدام حسین کو مجاہد اعظم اور صلاح الدین ثانی کا خطاب دیا جارہاہے۔ ٹھیک یہی واقعہ اس سے پہلے کمال اتاترک ،جمال عبد الناصر، معمرالقذافی اور آیت اللہ خمینی کے معاملہ میں پیش آ چکا ہے۔ ہر ایک کو اولا عام مسلمانوں نے مجاہد اسلام کے روپ میں دیکھا۔ صرف بعد کو پیش آنے والے حالات کے بعد لوگوں کی سوچ میں تبدیلی آئی۔ چھوٹے پیمانے پر یہی چیز دہلی کے امام عبداللہ بخاری جیسے لوگوں کے بارہ میں بھی کہی جاسکتی ہے۔

اس کی وجہ مسلمانوں کی شکست خوردہ نفسیات ہے۔ موجودہ زمانہ کے مسلمان ہزیمت کے احساس میں جی رہے ہیں ۔ اس لئے جو شخص کھڑا ہوکر بڑی طاقتوں کو للکا رتا ہے، وہ اس کے گرویدہ ہو جاتے ہیں، خواہ اس کاللکار نااسٹیج کے لفظی شوروغل کے سوا اور کچھ نہ ہو ۔

اس صورت حال کے بے شمار نقصانات ہیں۔ اور اس کا سب سے بڑا نقصان یہ ہے کہ مسلمانوں کے درمیان صرف لفظ باز لوگوں کو قیادت کا درجہ مل رہا ہے ۔جولوگ سنجیدگی اور حقیقت پسندی کی بات کریں، انھیں مسلمان اپناقائد بنانے کے لئے تیار نہیں ہوتے۔

14 اکتوبر 1990

12 اکتوبر کو میں رام پور میں تھا۔ وہاں میں نے " جامعۃ الصالحات“ کو دیکھا۔1957 میں اس کو میں نے اس وقت دیکھا تھا جب کہ وہ محلہ کھنڈسار کے معمولی مکان میں قائم ہوئی ۔ 35 سال بعد وہ اسٹیشن سے شہر آنے والی شاہراہ پر بہت بڑے رقبہ میں قائم ہے ۔ اور اس کی عالی شان عمارتیں بن چکی ہیں۔ معلوم ہوا کہ کویت کے ایک شیخ نے اس کو5 لاکھ روپے دئے ۔ دکتور یوسف المقریف (سابق سفیر لیبیا) نے 8 لاکھ روپے دۓ۔ جدہ کے اسلامک ڈولپمنٹ بنک نے رقم دی۔ اس کے علاوہ دوسرے لوگوں سے برابر عطیات ملتے رہتے ہیں۔

15 اکتوبر 1990

دکتور عبدالعظیم محمودالدیب ( پیدائش1929 ) کی ایک کتاب ڈاک سے ملی ۔ اس کا نام المنهج في كتابات الغربيين عن التاريخ الاسلامی ہے۔ وہ ۱۳۰صفحات پر مشتمل ہے۔ اور ربیع الثانی۱۴۱۱ میں قطر سے چھپی ہے۔

یہ صحیح ہے کہ ہماری نئی نسل اسلام کے بارہ میں شک وشبہ میں مبتلا ہوئی ہے مگر اس کی اصل وجہ مستشرقین کی کتا بیں نہیں۔ اس کی زیادہ بڑی وجہ یہ ہے کہ کہ خودمسلم علماء اسلام کو وقت کے فکری مستوی پر پیش نہ کر سکے ۔ بیرونی خطرات ہمیشہ موجود تھے اور ہمیشہ موجو د رہیں گے۔ لیکن اگر ہم طاقت ور اسلوب میں اسلامی لٹریچر پیش کر سکیں تو اسلام کے خلاف ہرخطرہ اور ہرسازش انشاء اللہ غیرموثر ہو کر رہ جائے گی۔

16 اکتوبر 1990

یہ قول سفر کی اہمیت کو بتاتا ہے ۔ میرا اپنا حال بھی یہی ہے۔ پچھلے ۲۰ برسوں میں میں نے جو اسفار کئے ہیں ان سے مجھے بہت فائدہ ہوا۔ یہ اللہ تعالیٰ کا فضل ہے کہ اس نے میرے لئے ان سفروں کی صورتیں پیدا فرمائیں۔ اگر یہ اسفار پیش نہ آتے تو یقینا میں علم ومعرفت کے معاملہ میں بہت ناقص رہتا۔

17 اکتوبر 1990

مرزا مظہر جانجاناں ایک ایسے شخص تھے جو تحمل اور ایثار اور دنیا سے بے رغبتی میں ممتاز تھے۔ نیریہ مسلم سلطنت کا زمانہ تھا۔ اس کے با وجو د مذکورہ الفاظ ان کی زبان سے نکل گئے۔ پھر آج کے حالات میں اگر مسلمانوں کو مذکورہ قسم کی تشویشناکی کا تجربہ ہو تو اس پر احتجاج کرنے کے بجائے انھیں سوچنا چاہئے کہ آخر کیا وجہ ہے کہ مسلم سلطنت میں بھی تشویش کے حالات تھے اور آج" غیر مسلم سلطنت" میں بھی تشویش کے حالات ہیں۔

اس کی وجہ یہ ہے کہ یہ دنیا امتحان کی دنیا ہے۔ یہاں اچھے برے ہرانسان کو آزادی ہے۔ اس لئے یہاں ہمیشہ ہرقسم کے واقعات ہوتے رہیں تھے۔ موجودہ دنیا میں آئیڈیل زندگی کا بہت ممکن نہیں۔ اس لئے اس دنیا میں احتجاج کے بجائے حکمت اور تدبر کا طریقہ اختیار کرنا چاہئے، اور اس کے ساتھ بوقت ضرورت صبر کے لئے بھی تیار رہنا چاہئے ۔

18 اکتوبر 1990

جدید سائنسی نظریہ یہ ہے کہ ہماری دنیا ایک جوڑے کی صورت میں ہے ۔یعنی موجودہ دنیا کے علاوہ اسی قسم کی ایک اور زیادہ بہتر دنیا ہے۔ وہ اگرچہ دکھائی نہیں دیتی مگر وہ کائنات کے اندرموجو دہے۔ مجھے یہ نظریہ درست معلوم ہوتا ہے۔ ایسا محسوس ہوتا ہے کہ اللہ تعالی نے ایک کامل دنیا بنائی۔ پھر اس کا ایک وقتی اور غیر کامل مثنیٰ بنا یا ۔ آج انسان دنیاکے اسی مثنیٰ پر ہے۔ وہ یہاں آزمائش کے لئے آیا ہے۔ جو افراد اپنے آپ کو خدا کی دنیا کا مطلوب شہری ثابت کریں گے ، ان کو آئندہ اصلی اور کامل دنیا میں بسایا جائے گا تاکہ وہ وہاں ابدی طور پر راحت اور عیش کی زندگی گزارتے رہیں۔

مگر موجود انسان کو دیکھئے تو بڑی مایوس کن تصویر سامنے آتی ہے۔ انسان اپنی غلط کاری اور کشی کے ذریعہ یہ استحقاق کھو رہا ہے کہ اس کو دوبارہ خدا کی پاک دنیا میں بسایا جائے۔ ہرآدمی اپنی نا اہلی ثابت کرنے میں مشغول ہے، کوئی بھی شخص اپنی اہلیت ثابت کرنے والا دکھائی نہیں دیتا۔

19 اکتوبر 1990

ماہنامہ جامعہ دہلی کے شمارہ اگست 1990 میں ڈاکٹر محمدمحمود فیض آبادی کا ایک مضمون چھپا ہے ۔ وہ علی گڑھ مسلم یونیورسٹی میں شعبہ سیاسیات میں ریڈر ہیں۔ مضمون کا عنوان ہے : ڈاکٹر سید محمود اور قومی سیاست "

ڈاکٹر سید محمود (۱ ۱۹۷ - ۱۸۸۹) غازی پور میں پیدا ہوئے ۔ انھوں نے اعلی تعلیم حاصل کی ۔ سیاسی اعتبار سے وہ کانگریسی تھے۔ اس بنا پر مسلم لیگی ان کے سخت مخالف ہو گئے ۔

مضمون کا ایک اقتباس یہ ہے :

" بہار میں کانگریس اور لیگ کی کش کمنل کے نتیجہ میں سیدمحمود کو اور ان کے خاندان کو تقسیم ہند تک مسلم لیگ کے سماجی بائیکاٹ کا سامنا کرنا پڑا۔ پھراسے اپنے خط مورخ 23 ماچ ۱۹۴ میں جواہرلال نہرو کو لکھتے ہیں۔ یہاں مسلم لیگیوں نے کنویسنگ کر کے لوگوں کو منع کردیا کہ کوئی مسلمان میری خوش دامن کی تجہیز و تکفین میں شریک نہ ہو ، کیوں کہ میرا خاندان کا نگریس سے تعلق رکھتا ہے۔ گھرمیں مستورات اور چند ملازموں کے سوا کوئی نہ تھا۔ جب میرے لڑ کے وفات کے دوسرے دن پٹنہ سے یہاں پہنچے تومیت کو دفن کرنے کا انتظام ہوسکا۔ فقط خاندان کے دس پندرہ افراد شریک ہوئے مسلمانوں میں کسی کی توہین کا اس سے بڑھ کر کوئی طریقہ سوچا نہیں جاسکتا ۔" ( صفحہ ۱۲)

یہ مزاج جولیگیوں نے مسلمانوں میں پیدا کیا تھا ، ۱۹۴۷ کے بعد ہندستان کے حالات میں وہ کسی قدر دب گیا، مگر پاکستان میں مسلمانوں کے موجود ہ با ہمی جھگڑے تمام تراسی مزاج کا نتیجہ ہیں۔

20 اکتوبر 1990

اس کے بعد ۱۸ اکتوبر ۱۹۹۰ کو دیوالی کی تاریخ تھی۔ " اینٹی منڈل کمیشن فورم " اور دوسری کئی ہندوتنظیموں نے ا پیل جاری کی کہ پچھلے چند مہینوں میں اینٹی رز رویشن تحریک کے دوران جن نوجوانوں نے اپنی جان دیدی ہے۔ ان کے لئے نشان احترام(mark of respect) کے طور پر اس سال دیوالی کا جشن نہ منایا جائے اور پٹا خہ بالکل نہ چھوڑا جائے ۔(ہندستان ٹائمس17 کتوبر) مگر دیوالی کی رات کو اس کے آگے اور پیچھے اسی دھوم کے ساتھ پٹاخے چھوڑے گئے ۔ جس طرح اورسالوں میں چھوڑے جاتے تھے۔

پیسہ کے اسراف کے علاوہ اس طرح کے مختلف نقصانات ہیں جو دیوالی کی پٹاخہ بازی سے وابستہ ہیں ۔ گر کوئی بھی تحریک اس کو بند کرنے میں کامیاب نہیں ہو سکتی کیوں کہ اس کا رشتہ مذہبی عقیدہ سے جڑا ہوا ہے۔ مشرکانہ مذاہب نے کیسے کیسے نازک مسائل انسان کے لئے پیدا کردئے ہیں۔

21 اکتوبر 1990

انھوں نے بتایا کہ فاطمیوں کے زمانہ(1171۔969) اور اس کے بعد عیسائیوں پر کچھ مظالم ہوئے۔ اولا عیسائیوں نے ردعمل ظاہر کیا۔مگر ان کا ردعمل ان کے لئے مزید ہلاکت کا سبب بنا۔ (140/6) اس کے بعد انھوں نے اپنی مٹینگ کی اور طے کیاکہ ہم کو ٹکراؤ کو چھوڑ کر صرف علم پراپنی طاقت لگانا ہے۔ ہم کو ہرقیمت پر صرف پڑھنا ہے۔ ۲۵ سال تک انھوں نے اپنی پوری نسل کو پڑھنے پر لگایا۔ اس کے بعد تاریخ بدل گئی۔ آج مصر کے آٹھ ملین عیسائی مصر کی سب سے زیادہ خوش حال کمیونٹی ہیں۔ وہ مصر میں علمی اداروں، سروسوں اور تجارتوں میں اپنے عددی تناسب سے بہت زیادہ حصہ پر قابض ہیں۔

ہندستان کے مسلمانوں کو بھی یہی کرنا تھا۔ مگران کے یہاں کوئی ایسا ر ہنما نہیں اٹھاجوانہیں اس قسم کی رہنمائی دے۔ نتیجہ یہ ہے کہ وہ بار بار ٹکراؤ کر کے یک طرفہ طور پر تباہ ہورہے ہیں۔

22 اکتو بر 1990

تو برون در چه کردی که درون خانہ آئی

میں نے اس مصرعہ کو پڑھا تو خیال آیا کہ یہی معاملہ انسان پر آخرت میں گزرے گا۔ انسان دنیا سے گزر کر آخرت کے عالم میں پہنچے گا کہ وہ اپنے رب کے قریب ہو اور اس کے پڑوس میں رہنے کے لئے ایک جگہ حاصل کرے۔ اس وقت خدا کہے گا کہ اسے انسان ، تونے دنیا میں میرے لئے کیا کیا کہ اب تم آخرت میں مجھ سے امیدوار بن کر آئے ہو۔ جب تم نے" باہر" کچھ نہیں کیا تو اب" اندر" بھی تمہارے لئے کوئی جگہ نہیں۔ یہاں سے نکل جاؤ اور ابد تک اندھیرے صحرا میں بھٹکتے رہو۔

23 اکتوبر 1990

میں نے اس خبر کو پڑھا تو میں نے کہا کہ اسحاق خان اور اسلم بیگ کے ہاتھ میں" عہدہ" کا قلم ہے ان کے ہاتھ میں" تاریخ "کا قلم نہیں۔ اس سے پہلے بھی یحیٰ خاں اور ذوالفقارعلی بھتو کے ہاتھ میں عہدہ کاقلم تھا۔ مگر انھوں نے سمجھ لیا کہ وہ تاریخ کے اوپر حاکمانہ حیثیت رکھتے ہیں۔ اس غلط فہمی کا نتیجہ یہ ہوا کہ1971 میں مشرقی پاکستان الگ ہو کر بنگلہ دیش بن گیا۔ اب اگر پاکستان کے موجودہ حکمراں یہ سمجھ لیں کہ وہ تاریخ کے عالم میں تو دوبارہ وہ پاکستان کی ہلاکت کاسبب بنیں گے۔ ایک لیڈر جوکسی ملک میں عوامی مقبولیت کا درجہ رکھتا ہو ، اس کو مصنوعی تدبیروں سے روکنا ایک ایسا فعل ہے جو ملک کی تباہی کے سوا اور کہیں نہیں لے جاسکتا۔

پاکستان کی بہترین خیرخواہی یہ ہے کہ الکشن پراسس کو بلا روک جاری رکھا جاۓ۔ لوگ دوسروں پر بریک لگانے کے لئے نہ دوڑیں بلکہ اپنے اپنے ممکن دائروں میں کام کریں۔ جو جیتے اس کی جیت کو تسلیم کیا جائے اور جو ہارے وہ اپنی ہارکومان کر خاموش عمل میں مشغول ہوجاۓ۔

24 اکتوبر 1990

المجلہ ایک ہفتہ وار عربی میگزین ہے۔ اس کا ہیڈ آفس جدہ میں ہے اور وہ لندن سے شائع ہوتا ہے۔ وہ سعودی عرب کےخرچ پر نکل رہا ہے۔اس وقت میرے ہاتھ میں اس کا شماره ۱۹ - ۲۵ ستمبر ہے۔ اس پورے پر چہ میں خلیج کے بحران پر مضامین ہیں۔ صدام حسین کے بارہ میں کہا گیا ہے کہ انھوں نے بغداد میں ایک ہوٹل" الرشید" کے نام سے بنایا۔ اس پر ۳۰۰ ملین ڈالرخرچ ہوۓ۔ ایک ایک کمرہ پر ایک ایک ملین ڈالر خرچ کیا گیا۔ وہ۱۹۸۲ میں ہونے والی حکمرانوں کی کانفرنس کے لئے بنایاگیا تھا۔ مگر یہ کانفرنس منعقد نہ ہوسکی۔ واضح ہو کہ ۱۹۸۲ میں عراق کے اوپر ۲۰ بلین ڈالر قرض تھا جو بڑھتا ہی جا رہا ہے ( ۳۲ -۳۳)

مجلہ کے صفحہ ۲-۳ پرونسٹن سگریٹ کا نمایاں اشتہارہے۔ دوخوش پوش عرب نوجوان ہاتھوں میں جلتا ہو اسگریٹ لئے ہوئے مسکرارہے ہیں۔ اس کے اوپر لکھا ہو اہے: توج نجاحك بنكهة والستون (اپنی کامیابی کو ونسٹن کی خوشبو کا تاج پہناؤ) اسی کے ساتھ اشتہار کے نیچے خفی خط میں یہ جملہ درج ہے :

تحذير حكومي: التدخين يضر بصحتك وننصحك بالامتناع عنه۔ قانونی وارننگ: سگرٹ پینا آپ کی صحت کے لئے مضر ہے اور ہماری نصیحت ہے کہ آپ سگرٹ نہ پئیں۔

ایک طرف سگرٹ کو کامیابی کا راز بتانا اور دوسری طرف سگرٹ کو نقصاندہ بتا کر اس سے بچنے کا مشورہ دیناکس قدر مضحکہ خیز ہے۔ مگر آج اکثر ملکوں میں یہ مضحکہ خیز صورتحال قائم ہے۔ صدام حسین کا مذکورہ ہوٹل بنوا نا جتنا بے معنی ہے ، اتنا ہی بے معنی سگرٹ کا یہ اشتہاربھی ہے۔ ۲۵

25 اکتوبر 1990

امت محمدی امت مرحومہ نہیں ، البتہ وہ امت محفوظہ ہے۔ یعنی وہ خدا کے زیرحفاظت ہے۔ امت مرحومہ کا مطلب یہ ہے کہ وہ آخرت کے اعتبار سے ایک بخشی ہوئی امت ہے ۔ یہ ایک بے بنیاد عقیدہ ہے۔ حفاظت کا تعلق موجودہ دنیا سے ہے ۔ امت محفوظہ کا مطلب یہ ہے کہ رسول اللہ صلی اللہ صلی اللہ علیہ وسلم کی بعثت سے لیکر قیامت تک وہ محفوظ رہے گی کوئی بھی طاقت اس پرقادر نہ ہو گی کہ وہ اس کو مٹاڈالے۔

اس حفاظت کا تعلق امت کی فضیلت سے نہیں بلکہ نبوت کے خاتمہ سے ہے۔ چوں کہ رسول اللہ صلی اللہ علیہ وسلم کے بعد اب کوئی بنی آنے والا نہیں۔ اس لئے ضروری ہے کہ آپ کے دین کی حامل قوم کی حفاظت کی جائے۔ اگر یہ قوم مٹ جائے تو دوبارہ بنی کا آنا ضروری ہو جائے گا۔ یہی وہ خاص مصلحت ہے جس کی بنا پر امت محمدی کو محفوظ امت قرار دیا گیا ہے۔

26 اکتوبر 1990

1986 میں بابری مسجد ایکشن کمیٹی بنائی گئی ۔ اس کے بعد مسجد کی بازیابی کے نام پرجو تحریک چلائی گئی وہ احمقانہ حد تک بے معنی تھی۔ اس جوشیلی تحریک سے مسلمان تو کچھ بھی حاصل نہ کر سکے ۔ البتہ ہندووں کے اندر مسلم دشمنی کا جذبہ وسیع پیمانہ پر جاگ اٹھا۔ اب اکتوبر۱۹۹۰ میں بھارتیہ جنتا پارٹی کے صدر ایل کے ایڈوانی کی رام رتھ (رتھ یاترا) کے بعد ہندووں کا منفی ذ ہن اپنی آخری حد پر پہنچ گیا ہے۔ میں نے دہلی کے ایک مسلمان سے کہا :مسلمانوں کے جھوٹے لیڈروں نے مسلمانوں کو ان کی تاریخ کے انتہائی نازک موڑ پر پہنچا دیا ہے۔ اب اگر بابری مسجد ٹوٹے تو ہندوؤں کا حوصلہ بڑھے گا، اور اگر بابری مسجد نہ ٹوٹے تو ہندووں کا انتقام بڑھے گا۔

حکومتی دور میں مسلمانوں کے لئے برصغیر ہند میں بڑے بھائی بن کر رہنے کا موقع تھا مگر وہ اس کی ذمہ داریوں کو نبھا نہ سکے۔ ۱۸۵۷ کے بعد انھیں موقع ملا کہ وہ یہاں بھائی بھائی بن کر رہیں۔ اس کو بھی انھوں نے اپنی نادانی کے تحت کھو دیا ۔ ۱۹۴۷ کے انقلاب کے بعد ان کے لئے موقع تھا کہ وہ چھوٹے بھائی کی حیثیت سے رہیں۔ اس پر وہ قانع نہ ہوسکے۔ اب ۱۹۹۰ میں یہ موقع بھی ختم ہوتا ہوا نظر آ رہا ہے۔ بظاہر ایسا معلوم ہوتا ہے کہ اب انہیں اس ملک میں حقیر بن کر رہنے پر راضی ہونا پڑے گا۔

27 اکتوبر 1990

28 اکتوبر 1990

میں نے کہاکہ میرا جواب وہی ہے جو اس قسم کے سوال پر محدثین کا جواب تھا۔ محدثین راویان حدیث پر سخت تنقید کرتے تھے۔ حتی کہ محدثین کے بارہ میں کہا جانے لگا کہ وہ لوگوں کی غیبت کرتے ہیں۔ دوسری طرف محدثین اپنے وقت کے امراء اور حکام وغیرہ کونظرانداز کئے ہوئے تھے۔ چنانچہ محدثین سے پوچھا گیا کہ آپ کیوں ایسا کرتے ہیں کہ ایک گروہ پر خوب تنقیدیں کرتے ہیں اور دوسرے گروہ کے بارہ میں خاموش ہیں۔

محدثین نے کہاکہ راویان حدیث کا معاملہ دوسروں سے سراسر مختلف ہے۔ان پہ ہم اس لئے تنقید کرتے ہیں کہ ان سے دین اخذ کیا جا تا ہے (لان الدين عنهم یوخذ ) جب کہ دوسرے لوگوں کی یہ حیثیت نہیں کہ وہ لوگوں کے لئے دین کا ماخذ ہوں ۔

یہی میرا جواب بھی ہے۔ بال ٹھا کرے قسم کے لوگ بلاشبہ بہت سی لغو باتیں کرتے ہیں، مگر وہ لوگوں کے لئے دین خداوندی کا ماخذ نہیں ہیں۔ جب کہ وہ لوگ جن پر الرسالہ میں تنقید ہوتی ہے۔ وہ ایسے لوگ ہیں جو بہت سے لوگوں کے لئے دین کا ماخذ بنے ہوئے ہیں۔ وہ لوگوں کے لئے شارح دین بن گئے ہیں۔ اور ایسا کوئی شخص جب غلطی کرے تو اس پر ضرور تنقید کی جائے گی۔ ایسے لوگوں پر تنقیدنہ کرنا دین کی تصویر بگڑنے پر راضی ہوتا ہے ،اور یہ کسی طرح جائز نہیں۔

29 اکتوبر 1990

ریاض کے عربی ہفت روزہ الدعوۃ (7 ربیع الثانی1411ھ 25 اکتوبر 1990) میں مولانا مختار احمد ندوی (رئیس جمعیت اہلحدیث فی الہند ) کا انٹرویو چھپاہے۔ صدام حسین کے کویت پر حملہ (2 اگست 1990) کے بارہ میں سوالات کا جواب دیتے ہوئے انھوں نے کہا کہ ہم کو صدام حسین کے اسلام پرشک ہے۔ وہ بعثی، سیکولر ، ملحد ہے۔ اس نے نہ کبھی نماز پڑھی۔ اور نہ روزہ رکھا اورنہ کسی مسجد میں داخل ہوا۔ (ونحن نشك في إسلامه ... فصدام بعثی علمانى ملحد،لم يعهد عليه انه صلى وصام ولادخل مسجداً) صفحہ ۱۹

کویت پر صدام حسین کے حملہ کو میں سراسرغلط سمجھتا ہوں ، مگر صد ام حسین کی مخالفت کا مذکورہ انداز درست نہیں۔ ہم کو صدام حسین کے ظلم اور جارحیت کی مذمت کرنا ہے ۔ اس کے اسلام پر فتوی دینا نہیں ہے۔ اور اگر کوئی شخص اس کے اسلام پرفتوی دینا چا ہتاہو تو اس کو یہ کام کویت پر حملہ سے پہلے کرنا چاہئے تھا۔

اس سے پہلے جب صدام حسین نے ایران پر حملہ کیا تھا تو اس زمانہ میں ہمارے علماء صدام کے بارہ میں اس قسم کے بیانات نہیں چھاپتے تھے۔ اس زمانہ میں اس قسم کے الفا ظ آیت اللہ خمینی کے خلاف استعمال ہو رہے تھے۔ یہ واقعہ بتاتا ہے کہ ہمارے علماء کا محرک شاید باطل کی مذمت نہیں بلکہ خلیج کے ملوک کو خوش کرنا ہے۔ ورنہ ان کے یہاں یہ تضادکیوں۔

30 اکتوبر 1990

31 اکتوبر 1990

مسٹرارن شرما (انگلش جرنلسٹ) بابری مسجد (اجودھیا) کے مسئلہ پر انٹرویو لینے کے لئے آۓ۔ میں نے کہا کہ آپ سب سے پہلے اس پر سوچئے کہ ۱۹۸۷ میں شاہ بانو بیگم کا اشواٹھا تو اس میں مسلم علماء نے لیڈنگ رول ادا کیا۔ اس کے بعد بابری مسجد کا اشو اٹھا توعلماء کا اس میں کہیں نام نظرنہیں آتا۔ اس اشو پر تمام ہنگامے وہ لوگ اٹھارہے ہیں جن کا صحیح ترین نام Petty Politicians ہے۔

مزیدیہ کہ اگر صورت حال ایسی بن جائے کہ ایک طرف مسجد ہو اور دوسری طرف تمام مسلمانوں کی جان اور مال اور عزت کا مسئلہ ہو تو یقینا مسلمانوں کی حفاظت کے پہلو کو ترجیح دے جائے گی۔

10 اکتوبر 1990

۳۰ اکتوبر ۱۹۹۰ کو ہندو نوجوان کارسیوک ہزاروں کی تعداد میں اجودھیا میں گھس گئے۔وہ بابری مسجد کے اوپر چڑھ گئے۔اس کے تینوں گنبدوں پر اپنا گیروا جھنڈا لہرا دیا اور ایک گنبد کو کسی قدر نقصان بھی پہنچایا ۔ ان کا ایک نعرہ یہ تھا: تین نہیں اب تیس ہزار ، نہیں بچے گا کوئی مزار ۔

مسلمانوں کے نام نہاد لیڈر روزانہ پرجوش تقریریں کر رہے تھے۔ وہ کہتے تھے کہ اسلامی لشکر ، آدم سینا اور حفاظتی دستے تیار ہیں۔ 30 اکتوبر کو پانچ لاکھ مسلم نوجوان سڑکوں پر نکل آئیں گے اور ہندوؤں کو بابری مسجد میں داخل ہونے سے روک دیں گے ۔ مگر جب تاریخ آئی تو پانچ مسلمان بھی سڑک پر موجود نہ تھا ۔ بزدلی کا اتنا بڑامظاہرہ شاید اس سے پہلے مسلمانوں نے کبھی نہیں کیا تھا۔

یہ دونوں بلاشبہ بزدلی کے واقعات ہیں۔ میری سمجھ میں نہیں آتا کہ دونوں میں سے کس بزدلی کو میں زیادہ بڑی بزدلی قرار دوں۔