August 1989

یکم اگست 1989

31 جولائی کو میں ماؤنٹ آبو (راجستھان )میں تھا۔ وہاں برھما کماری مشن کاسنٹر ہے۔ بہت وسیع رقبہ میں اس کی عمارتیں پھیلی ہوئی ہیں۔ روزانہ تقریبا ایک ہزار آدی وہاں دیکھنے کے لئے آتے ہیں۔ ہم نے ایک جدید ترین طرز کا حال دیکھا۔ اس میں لکچر ہو رہا تھا جس کو دو ہزارسے زیادہ طلبہ سن رہے تھے۔ ہر چیز نہایت شاندار اور اعلی معیار کی تھی۔

میرے ساتھ چار اور مسلمان تھے۔ مشن کا ایک آدمی ہم کو اس کی تمام چیزیں دکھارہا تھا۔ اس دوران ہمارے ساتھیوں میں سے ایک شخص نے کہا کہ یہاں پہاڑ کے اور پر آپ نے اتنا بڑا کام پھیلا رکھا ہے ، اس کے لئے آپ کو پیسہ کہاں سے ملتا ہے: یہ سن کر مجھ کواتنی شرم آئی کہ میں نے سرجھکالیا۔ دیر تک میرے منہ سے کوئی آواز نہیں نکلی۔ میرے نزدیک یہ نہایت سطحی اور غیر شریفانہ سوال تھا۔ میری روح آخری حد تک تڑپ اٹھی۔ میں نے سوچا کہ میں نے بہت بڑی غلطی کی کہ ایسے سطحی آدمی کواپنے وفدمیں شامل کر کے یہاں لے آیا۔ میں نے کہا مسلمان بولتا تو کیا جانیں گے، وہ چپ رہنا بھی نہیں جانتے۔

2 اگست 1989

قدسی کا ایک قطعہ ہے، اس کا آخری شعر یہ ہے۔

روز قیامت ہر کسے آید بسستش نامهٍ من نیزحا ضرمی شوم تصویر جاناں در بغل

(۱۸۲۳۔۱۷۷۲ ا نے ایک نفلی تبدیلی

اس شعر کے دوسرے مصرعہ میں شاہ عبدالعزیز دہلوی ( 1762ــ 1823 ) نے ایک لفظی تبدیلی کی تھی ۔ اور وہ اس کو اس طرح پڑھا کرتے تھے :

من نیز حاضر می شوم تفسیرقرآن دربغل

موجودہ زمانہ کے اکثر مصنفین نے اس قسم کی باتیں کی ہیں کہ قیامت کے دن وہ اپنی فلاں کتاب لے کر خدا کے یہاں پہنچیں گے۔ میرے نزدیک اس قسم کی باتیں بالکل طفلانہ ہیں۔ ایسا محسوس ہوتا ہے کہ ان لوگوں کو خدا کی عظمت کا حقیقی اور اک نہ ہوسکا، ورنہ وہ ہرگز ایسی بات کہتے۔

3 اگست 1989

اسکول کی دولڑکیاں ان کے یہاں گئیں۔ انھوں نے ہر ایک سے کہا کہ میں اپنا منتر تمہارے کان میں بتاؤں گا. تم خود اس کا جاب کرنا ۔ مگرکسی سے اس کا ذکر نہ کرنا۔ ایک لڑکی اپنا کان ان کے پاس لے گئی ۔ اس کو انھوں نے چپکے سے منتر بتا دیا۔ پھر دوسری لڑکی اپنا کان لے گئی۔ اس کو بھی انھوں نے چپکے سے منتربتادیا۔ اس کے بعد دونوں نے یہ کیا کہ انھوں نے کسی کووہ منتر نہیں بتایا۔ بس خود اس کا جاب کرتی رہیں۔

4 اگست 1989

محمدابراہیم صاحب رائچوری(21سال )سے ملاقات ہوئی۔ انھوں نے ایک واقعہ بتایا جو ان کے ساتھ 19 جولائی 1989 کو پیش آیا تھا۔ وہ تبلیغی جماعت کے ساتھ بسواکلیان (ضلع بیدر) گئے۔ وہاں وہ بازار میں گشت کے لئے نکلے۔ وہ مسلمانوں کی دکانوں پر جا کر انہیں مسجد میں آنے کے لئے کہہ رہے تھے۔

وہاں جامع مسجد کے پاس ایک ہندو کی دکان ہے جس کا نام کشن ہے۔ وہ سبزی وغیرہ بیچتا ہے۔ یہ لوگ اس کے سامنے سے کچھ بات کئے بغیرگزرگئے۔ اس کے بعد وہ ہندو دکانداراٹھ کران کے پیچھے آیا۔ اس نے پوچھا کہ آپ لوگ کہاں سے آئے ہیں۔ آپ کا مقصد کیا ہے۔انھوں نے کہا کہ ہم ایمان ویقین کی باتیں کرتے ہیں۔ ہندو دکاندار نے کہا : تم لوگ جومسلمانوں کو جوڑتے ہیں۔ اور ایمان کی بات کرتے ہیں، اگر آپس ہی میں بانٹ کر کھاتے ہیں تو وہ ہم تک کیسے پہنچے گا۔

5 اگست 1989

موجودہ زمانہ کے مسلمان جو ہنگامہ آرائیاں کر رہےہیں، اگر یہی خدا کا مطلوب ومحبوب عمل ہو تو خدا کو نعوذ باللہ سطحی ماننا پڑے گا۔ اور ایساماننا کسی طرح ممکن نہیں۔ خدا کا اعلی ترین نفیس ذوق جو اس کی تخلیقات فطرت میں ظاہر ہوا ہے، وہ اس قسم کے کسی بھی خیال کو بالکل مردود قرار دیتا ہے ۔ موجودہ زمانہ کے مسلمان دین کے نام پر جو بے معنی سرگرمیاں جاری کئے ہوئے ہیں، ان کو سوچ کر میرے دل میں یہ خیال آیا اور بدن کے رونگٹے کھڑے ہو گئے۔

6 اگست 1989

اسی طرح امام شافعی کا سفرنامہ ہے۔ وہ لکھتے ہیں کہ میں فلاں شیخ کی مجلس میں گیا۔ میں لوگوں کے پیچھے بیٹھ گیا۔ اس کے بعد میں نے شیخ کے ایک سوال کا جواب دیا۔شیخ کو میرا جواب پسند آ گیا۔ اس نے مجھ کو بلا کر اپنے پاس بٹھایا۔ ابن بطوطہ نے اپنے سفر نامے میں لکھا ہے کہ فلاں ملک کا حاکم مجھ سے خوش ہو گیا اور میرے لیے ایک بڑے عہدے کی پیش کش کی ۔ مولاناعلی میاں اپنے سفرنامے میں لکھتے ہیں کہ فلاں عرب ملک میں میں نے تقریر کی ۔ اس کے بعد ایک شیخ نے کہا کہ آپ نے عربوں کو ان کا بھولا ہوا سبق یاد دلادیا۔ وغیرہ ۔

7 اگست 1989

سید اقبال الظفر ایڈوکیٹ( بہارشریف )سے ملاقات ہوئی۔ ان کی عمر 47سال ہے ۔گفتگو کے دوران انھوں نے بتایا کہ 1946 کے الکشن میں مسلمانوں نے جو نعرے لگائے تھے ، ان میں سے ایک نعرہ اب تک میرے کانوں میں گونج رہا ہے۔ اس کے الفاظ یہ تھے :

لال بکس کو توڑ دو ہرے بکس میں ووٹ دو

اس زمانہ میں کانگریس کا بیلٹ بکس لال رنگ کا ہوتا تھا، اور مسلم لیگ کا بیلٹ بکس ہرے رنگ کا۔ اسی کے لحاظ سے یہ نعرے بنائے گئے تھے۔ یہ ایک مثال ہے جس سے اندازہ ہوتاہے کہ مسلمانوں کے جھوٹے لیڈروں نے مسلمانوں کوکیسی احمقانہ جذباتیت میں مبتلا کر دیا تھا۔ یہ احمقانہ جذباتیت بدقسمتی سے آج بھی مسلمانوں میں جاری ہے ۔

8 اگست 1989

The secret of success in life is known only to those who have not succeeded.

9 اگست 1989

میری کتاب الاسلام کا عربی ترجمہ ایک مصری اردو داں دکتور سمیر عبدالحمید ابراہیم نے کیا ہے جو ۱۹۸۴ میں شاہرہ سے چھپی ہے ۔ یہ عربی ترجمہ میرے سامنے اس وقت آیا جبکہ وہ چھپ چکا تھا۔ معلوم ہو کہ اس میں ترجمہ کی کافی غلطیاں ہیں ۔ کتاب میں عبادت کی حقیقت بیان کرتے ہوئے جو باتیں کہی گئی ہیں،ان میں سے ایک بات وہ ہے جو ان الفاظ میں آئی ہے کہ اس میں آدمی جس سے چھننے کا خطرہ محسوس کرتا ہے اسی سے پانے کی امید بھی رکھتا ہے (صفحہ7)، اس فقرہ کا ترجمہ دکتور سمیر نے ان الفاظ میں کیا ہے۔(عربی عبارت۔ ص: 139)

یہ عربی ترجمہ بالکل عجیب ہے ۔ نحوی غلطی نہ ہوتے ہوئے بھی اس کا مطلب سمجھنا مشکل ہے۔ اس کی وجہ یہ ہے کہ مصری مترجم نے ْپانے ’کو ‘پانی ’سمجھ لیا اور اس کے مطابق ترجمہ کر ڈالا۔ ترجمہ کے لئے یہی کافی نہیں ہے کہ آدمی ایک زبان اور دوسری زبان کے ہم معنی الفاظ کو جانتا ہو۔ اسی طرح مترجم کو کتاب کے موضوع سے واقف اور آشنا (Acquaint) بھی ہونا چاہئے ۔ ورنہ وہ یہی کرے گا کہ وہ پانے کا ترجمہ پانی کر دے گا اورسار امضمون خبط ہو کر رہ جائے گا ۔

10 اگست 1989

راجیو گاندھی نے وزیراعظم کے عہدے پر پہنچنے کے بعد جو انداز اختیارکیا۔ اس کے بعد یہ لفظ سب سے زیادہ خود ان کے اوپر چسپاں ہوتا ہے۔ توپوں کے سودے میں 60 کرور رو پیہ سے زیادہ کاکمیشن لینا۔ کمپرولر ا ینڈ آڈیٹر جنرل (CAG) کی رپورٹ سے اس کی تصدیق ، جولائی میں بیشتر اپوزیشن ممبروں کا استعفا، وغیرہ ۔ ایسے واقعات ہیں جو کسی بھی جمہوری ملک میں وزیراعظم کے استعفاءکے لئے کافی ہیں۔ مگر راجیو گاندھی صاحب خو د جوفعل زیادہ بڑے پیمانے پر کر رہے ہیں، اسی کا الزام وہ دوسروں کو دے رہے ہیں۔

ٹھیک یہی حال موجودہ زمانہ کے مسلم لیڈروں کا ہے۔ مسلمان لیڈر روزانہ دوسروں کے خلاف بیان دیتے رہتے ہیں ۔ حالاں کہ ان معاملات میں مسلمان لیڈر خودسب سے بڑے مجرم ہوتے ہیں۔ موجودہ زمانہ کے مسلم لیڈروں کے سامنے ابو بکر و عمر کا نمونہ نہیں ہے۔ ان کے سامنے غیرمسلم سیاسی لیڈروں کا نمونہ ہے جو ذاتی مفاد کے سوا کچھ اور جانتے ہی نہیں۔

11 اگست 1989

God is truth

12 اگست 1989

ٹائمس آف انڈیا (۱۴ اگست ۱۹۸۹ میں "Leters کے کالم میں مسزورگھیز کا خط چھپا ہے۔اس کا عنوان ہے ‘‘بیمار اخلاقیات’’ (Sick Ethic)

مکتوب نگار نے اپنا ذاتی تجربہ لکھاہے کہ بیسویں صدی کے آغاز میں چھمبا ہاسپٹل میں ایک ڈاکٹر برخوردار تھے۔ ان کا حال یہ تھا کہ وہ غریبوں اور کوڑھیوں پر سب سے زیادہ توجہ دیتے تھے۔ایسا کوئی مریض جب ان کے یہاں آتا تو اس کوفور اًدیکھتے اور پورے دھیان کے ساتھ اس کا علاج کرتے۔ اس کے بعد دوسرے دولت مندوں پر توجہ دیتے تھے۔

My Lord walks among the poor and the powerless, not among the rich and the privileged. I do not wish to lose any opportunity of serving my God.

Today the entire hospital rotates around the prosperous and the influential.

کیسی عجیب تھی وہ آزادی جس نے قوم کی اخلاقیات کو برباد کر کے رکھ دیا ہے ۔

13 اگست 1989

لاجپت نگر (نئی دہلی) میں ایک ہند و فیملی رہتی ہے۔ اس خاندان کی ایک لڑکی کافی آزادخیال تھی اور گھر سے باہر رہ کر اپنا ذاتی بزنس کر رہی تھی ۔ اس نے اپنی ذاتی پسند سے ایک مسلمان سے شادی کرنا طے کیا ہے۔ لڑکی کا نام ومی ہے اور لڑکے کا نام مشکورحسین خاں۔

ہمارے گھر میں ایک ہریجن عورت صفائی کا کام کرتی ہے۔ اس نے ہمارے گھر میں اپنے ذاتی تجربات بتاتے ہوئے کہا کہ کوٹھیوں میں جو ہندو رہتے ہیں ان میں سو میں سے ایک ہی دواچھے ہوتے ہیں باقی سب خراب ہیں۔

اس طرح کے واقعات برابر سامنے آرہے ہیں جن سے اندازہ ہوتا ہے کہ ہندوسماج مسلسل بگاڑ کی طرف جا رہا ہے ۔ دوسری طرف مسلمان کچھ اپنے دینی عقائد کی وجہ سے اور کچھ حالات کے دباؤ کی وجہ سے مسلسل سدھرتے جارہے ہیں۔ بظاہر ایسا معلوم ہوتا ہے کہ بہت جلد وہ وقت قریب آ جائے گا جب ہندوؤں کی اخلاقی گراوٹ انھیں آخری زوال پر پہنچادے گی۔ اور مسلمانوں کے حالات انہیں اخلاقی طور پر زیادہ بہتر بنا دیں گے۔ یہ گویا ایک نیا غلبہ ہے جومسلمانوں کی موجودہ مغلوبیت کے کھنڈرسے ابھر رہا ہے۔

14 اگست 1989

کسی بات کو سمجھنے کے لئے سنجیدہ (Sincere) ہونا انتہائی ضروری ہے ۔ غیر سنجیدہ آدمی کسی بھی بات کو سجھ نہیں سکتا، خواہ بظاہر وہ کتنی ہی واضح کیوں نہ ہو۔

اس کی ایک مثال آرگنائزرکو پڑھتے ہوئے سامنے آئی ۔ یہ پرچہ فرقہ پرست عناصر کی طرف سے نکالا جا تا ہے۔ اس کا خاص دعوی ہمیشہ یہ ہوتا ہے کہ اس ملک میں ہندومظلوم ہیں۔ کیوں کہ کانگریس ہندووں کی قیمت پر مسلمانوں کو خوش کرنے کی پالیسی اختیار کئے ہوئے ہے۔ مذکورہ شماره( صفحہ 43) میں مسلمانوں کے ذکر کے تحت ایک مضمون میں کہاگیا ہے کہ ہندستان کی اقلیتیں یہاں کی ہندو اکثریت سے زیادہ سہولتیں اور زیادہ بہتر سلوک حاصل کئے ہوئے ہیں:

The minorities in India do get more facilities and better treatment than

the majority Hindus. (p. 43)

کیسی عجیب بات ہے کہ جو شکایت مسلمانوں کو ہے، وہی شکایت موجودہ نظام کے خلاف خود ہندوؤں میں پائی جاتی ہے۔

15 اگست 1989

آرسی زینر (R.C. Zaehner) ایک آکسفورڈ اسکالر ہیں۔انھوں نے مختلف مذاہب کے بارہ میں ایک کتاب لکھی ہے جو ۱۹۷۰ میں شائع ہوئی ہے۔ اس کتاب کا نام ہے۔ہم آہنگ ناموافقت :

Concordant Discord

اس کتاب کے مباحث کا خلاصہ یہ ہے کہ جب ہم مختلف مذاہب کا مطالعہ کرتے ہیں تو ان میں بہت سے اختلافات نظر آتے ہیں لیکن زیادہ گہرائی کے ساتھ دیکھنے سے معلوم ہوتا ہے کہ بظاهر بے آہنگی (Disharmony) میں آہنگ (Harmony) موجودہے۔

بہت سے علما،(مثلاً ڈاکٹر بھگوان داس) نے یہ کوشش کی ہے کہ وہ ثابت کریں کہ تمام مذاہب ظاہری اختلافات کے باوجود ایک ہیں ۔ وہ اس طرح اہل مذاہب کے درمیان ٹکراؤ کو ختم کرنا چاہتے ہیں۔ مگر میں اس کو بے فائدہ سمجھتا ہوں ۔ اہل مذاہب کے درمیان ہم آہنگی پیدا کرنے کی تدبیر یہ نہیں ہے کہ تمام مذاہب کو ایک ثابت کیا جائے۔ اس کی واحد کارگر تدبیر یہ ہے کہ اہل مذاہب کے اندر رواداری (Tolerance ) کامزاج پیدا کیا جائے یعنی اختلاف کو برداشت کرتے ہوئے ایک دوسرے کا احترام کرنا اور اختلاف کا اظہار سنجیدہ علمی دائرہ میں کرنا نہ کہ مناظرہ اور تصادم کے دائرہ میں ۔ اس دنیا میں امن قائم کرنے کا راز اختلاف کو برداشت کرنا ہے نہ کہ اختلاف کو ختم کرنا۔

اس معاملہ میں دوسری کوئی صورت سرے سے ممکن ہی نہیں۔

16 اگست 1989

آج سلیم پور(دہلی) کے دو نوجوان آئے۔ انھوں نے اپنا نام اخترحسین اور نفیس احمد بتایا۔ دونوں نے کہا کہ ہم اپنی زندگی سے مایوس ہو گئے تھے۔ مسلم لیڈروں کی باتیں سن کر اورمسلم اخبارات کو پڑھ کر اور مسلم معاشرہ کے ماحول سے متاثر ہو کر ہم نے یہ سمجھ لیا تھا کہ اس ملک میں ہمارے لئے کام کرنے اور ترقی کرنے کے مواقع نہیں ہیں۔

اس کے بعد ان میں سے ایک شخص کو راہیں بن نہیں نامی پمفلٹ ملا۔ اس کو پڑھ کر اس کا ذہن بدل گیا۔ اس نے ہی پمفلٹ اپنے ساتھی کو پڑھنے کے لئے دیا۔ اس کا ذہن بھی اس کو پڑھنے کے بعد بالکل بدل گیا۔ اب یہ دونوں الرسالہ کے مستقل قاری بن چکے ہیں اور نئے حوصلہ کے ساتھ زندگی کے میدان میں جدوجہد کر رہے ہیں۔

اللہ کاشکر ہے کہ اس طرح ہزاروں نوجوان ہیں جن کو الرسالہ کی تحریک نے نئی زندگی دی ہے۔

17 اگست 1989

د وصاحبات ملاقات کے لئے آئے۔ دونوں دارالعلوم دیوبند کے فارغ التحصیل تھے۔ ان سے گفتگو کے دوران میں نے کہاکہ قرآن ہمارے اندر یہ ذہن بنانا چاہتا ہے کہ ہم عسر میں یسرکو دیکھیں ۔مگر موجودہ زمانہ میں ہمارے علماء اس کا ثبوت نہ دے سکے۔

میں نے کہا کہ اگر ان علما ءنے قرآن وسنت کا گہرا مطالعہ کیا ہوتا تو وہ اس کو عین اسلام کے حقمیں سمجھتے اور اس کو قبول کرلیتے۔ حقیقت یہ ہے کہ یہ عین وہی صورتحال تھی جو واقعہ حدیبیہ کے وقت پیش آئی۔ قریش نے مسلمانوں سے دس سال کا نا جنگ معاہدہ کرکے سمجھا کہ ہم نے مسلمانوں سے ان کی تلوار چھین لی ۔ حالاں کہ اصل صورت حال یہ تھی کہ انھوں نے مسلمانوں سے ‘‘ تلوار’’ چھین کر زیادہ بڑی طاقت انھیں دے دی، اور وہ دعوت کے کھلے مواقع تھے۔ چنانچہ دعوت کی تسخیری طاقت ظاہر ہوئی اور صرف دو سال کے اندر مکہ فتح ہوگیا۔

اسی طرح انگریز اگرچہ علماءسے ‘‘تلوار ’’چھین رہے تھے ، مگر اس کے بدلے وہ انھیں ایٹم بم دے رہے تھے۔ وہ انھیں دعوت وتبلیغ کے کھلے مواقع دے رہے تھے جو بلاشبہ ہرتلوار سے زیادہ تسخیری طاقت رکھنے والا ہے۔ علماء کے شمشیری جہادنے تو اسلام اورمسلمانوں کو کچھ نہیں دیا۔لیکن اگر وہ اس وقت دعوت کے میدان میں متحرک ہو جاتے تو آج اس ملک کی تاریخ بالکل دوسری ہوتی۔

18 اگست 1989

19 اگست 1989

ڈاکٹر مزمل حسین صدیقی کیلی فورنیا کے ایک اسلامی منظر میں ڈائرکٹر ہیں ۔ آج ہمارے مرکز میں ان کا لکچر تھا۔ لکچر کا عنوان تھا: اسلام امریکہ میں۔

Islam is the most rehabilitating factor.

20 اگست 1989

کلیم الرحمان صاحب ایم اے ( پیدائش۱۹۵۰) پٹنہ کے اورینٹل کالج میں استاد ہیں۔ انھوں نے بتایا کہ لندن کی ایک ایڈورٹائزنگ کمپنی نے جارج برنارڈ شا سے کہا کہ آپ سگرٹ (Abdulla) کے لئے اشتہار کا مضمون لکھ دیجئے۔ برنارڈشانے کہا کہ میں تو سگریٹ نوشی کا مخالف ہوں ، میں کیسے سگریٹ کا اشتہار لکھوں۔ کمپنی نے ایک بڑی رقم کی پیش کش کی ، مگربرنارڈشا تیار نہیں ہوا۔ آخر کمپنی نے کہا کہ اچھا ، آپ کا جو خیال ہو، وہی لکھ دیجئے۔ برنارڈ شانے لکھ دیا۔ سگریٹ نہ پیو، حتی کہ عبد الٹرسگریٹ بھی نہیں:

Don't smoke, even Abdulla

کمپنی نے جارج برنارڈشا کے نام سے ہی الفاظ چھاپ دئے اور اس کو خوب پھیلا یا ۔نتیجہ یہ ہواکہ لوگوں کو عبد اللہ سگرٹ کے بارے میں تجسس ہوا۔ اس کے بعد عبد اللہ سگرٹ کی زبردست شہرت ہوئی اور وہ بہت زیادہ بکنے لگا۔

21 اگست 1989

سید لئیق احمد (پیدائش۱۹۶۰ ) ملاقات کے لئے آئے۔ وہ نظام آباد (آندھرا پردیش)کے رہنے والے ہیں۔ انھوں نے بتایا کہ ۱۹۸۶ میں شب برات کے روز ہنومان کا جلوس نکلا۔جلوس چلتا ہوا نہرو پارک کے قریب پہنچا توعشا کا وقت ہوچکا تھا۔ اس دن رات کو عشاء کی نماز کے بعد مسجد کچیان میں شب برات کا جلسہ ہونے والا تھا۔ اس کا وقت ساڑھے نو بجے مقرر تھا۔

مختلف محلوں کے مسلمان اپنے گھروں سے نکل کر روانہ ہوئے کہ مسجد کچیان میں نماز پڑھیں اور اس کے بعد جلسہ میں شرکت کریں ۔ ان کا راستہ نہرو پارک سے گزرتا تھا۔ پولیس نے انہیں روکا اور کہا کہ آپ لوگ تھوڑی دیر ٹھہر جائیں ۔جلوس گزرجائے تو اس کے بعد مسجد کے لئے روانہ ہوں مگر مسلمانوں نے اسی وقت آگے جانے کے لئے اصرار کیا۔ پولیس والوں نے ڈرانے کے لئے لاٹھی گھمائی اور دیواروں پر لاٹھی ماری۔اس پر مسلمان مشتعل ہو گئے اور پتھراور چپل پولیس کی طرف پھینکے۔ اس کے بعد پولیس نے باقاعدہ لاٹھی چارج کیا۔ اور بہت سے لوگوں کو حوالات میں بند کر دیا۔ وہاں مسلمانوں کو کافی مارا گیا۔

میں نے کہا کہ یہ مسلمانوں کی سراسر نادانی تھی۔ اگر اس وقت وہ رک جاتے تو زیادہ سے زیادہ پندرہ منٹ لگتا۔ اتنی دیر میں جلوس گزر جاتا اور وہ مسجد میں جاکر جلسہ میں شریک ہو جاتے۔اس قسم کی نادانیاں ہیں جس نے مسلمانوں کو غیر ضروری مسائل میں مبتلاء کر رکھا ہے۔

22 اگست 1989

قومی آواز( ۱۴ اگست ۱۹۸۹ )میں ایم شفیق انصاری ایڈوکیٹ (مراد آباد) کامراسلہ چھپا ہے۔ وہ لکھتے ہیں۔ ‘‘یوپی میں نافذ خاتمہ زمینداری ایکٹ ۱۹۵۰ کے ذریعہ اتر پردیش میں عورتوں کو چالیس سال سے زرعی زمین میں ان کے حقوق سے لگا تار محروم کیا جارہا ہے۔ قانون کی مذکورہ دفعات ۱۷۱ اور ۱۷۲ کے مطابق اگر کوئی مردیا خاتون کچھ زرعی جائداد چھوڑ کر فوت ہو جائے ، اور اگر ان کے وارثین میں بیٹے بھی ہوں تو کل جائداد بطور تر کہ صرف بیٹوں اور یتیم پوتوں کو ملتی ہے۔ شادی شدہ یا غیرشادی شدہ بیٹیوں کو کچھ نہیں ملتا۔’’

یہ قانون ہند ومسلمان دونوں پرنافذ ہے۔ یہ شریعت کے قانون وراثت میں کھلی ہوئی مداخلت ہے ۔ مگر پچھلے ۴۰ سال کے اندر کسی بے ریش یا باریش لیڈرنے اس کے خلاف کوئی تحریک کیوں نہیں چلائی۔ شاہ بانو بیگم کے معاملہ میں سپریم کورٹ کا فیصؒہ اس کے مقابلہ میں بہت معمولی تھا۔ جب کہ مذکور قانون کا معاملہ اس سے بہت زیادہ سنگین ہے۔

اس معاملہ میں نام نہاد لیڈروں کی خاموشی کی وجہ صرف یہ ہے کہ شاہ بانو بیگم کے معاملہ میں مسلمانوں کی بھیڑ جمع کی جاسکتی تھی۔ مگر مذکورہ قانون کے معاملہ میں مسلمانوں کی بھیڑ جمع نہیں کی جا سکی۔ یہ حال ہے ان لیڈروں کا جوشاہ بانو بیگم کی تحریک سے وقت کہتے تھے کہ ہم شریعت کے معاملہ میں ادنی مداخلت برداشت نہیں کر سکتے۔ حقیقت یہ ہے کہ یہ تمام لیڈراور رہنما ملت کو بھٹکانے والے ہیں نہ کہ ملت کو راہ دکھانے والے۔

23 اگست 1989

اس کی وجہ یہ ہے کہ جن ملکوں میں مسلم حکومتیں ہیں ، وہاں کے مذہبی امور حکومت انجام دیتی ہے، عام مسلمانوں کو اس سے کوئی مطلب نہیں ہوتا۔ اس کے برعکس اقلیتی ملکوں کے مسلمانوں کو اپنے ملکوں میں خود اپنی کوشش سے تمام ملی اور مذہبی کام کرنا پڑتا ہے۔ چنانچہ عرب ملکوں کے لوگ امریکہ گئے تو اپنے سابقہ ذہن کی بنا پر انھوں نے مذہبی اداروں کے قیام کی فکرنہیں کی۔ اس کے بر عکس ہندستان وغیرہ کے مسلمان جس طرح اپنے ملک میں یہ کام کر رہے تھے، اسی طرح وہ امریکہ میں بھی یہی کام کرنے لگے۔ اس طرح ان کا مذہبی تشخص نسبتا محفوظ رہا۔

کچھ معاملوں میں اگر اکثریتی ملکوں کے مسلمان بہتر پوزیشن میں ہیں، تو کچھ دوسرے معاملہ میں اقلیتی ملکوں کے مسلمان بہتر پوزیشن میں۔

24 اگست 1989

ہندستان ٹائمس (۲۴اگست ۱۹۸۹) میں ایک خبر ہےکہ ۔ دنیا کے سب سے زیادہ دولت مند لوگ :

Richest men of the world.

نیو یارک کی ڈیٹ لائن کے ساتھ چھپنے والی یہ خبرامریکہ کے میگزین (Forune) کے سالانہ جائزہ پر مبنی ہے۔ اس کے مطابق دنیا کے چار امیر ترین آدمی یہ ہیں :

Sultan of Brunei 25 billion dollars

King Fahd 18 billion dollars

Mars family, USA 12.5 billion dollars

Queen Elizabeth II, UK 10.9 billion dollars

اس اندازہ کے مطابق ، انفرادی دولت کے اعتبار سے اس وقت ساری دنیا میں مسلمان نمبرایک پر ہیں۔ اسی طرح انہیں اور بھی کئی امتیازی خصوصیات حاصل ہیں۔ اقوام متحدہ کے ممبروں میں سب سے زیادہ تعداد مسلم ملکوں کی ہے۔ سب سے زیادہ پڑھی جانے والی کتاب قرآن ہے۔ سب سے زیادہ تیررفتار مذہب اسلا م ہے۔دنیا کا سب سے زیادہ قیمتی خطہ مسلمانوں کو حاصل ہے۔ وغیره۔

ان تمام امتیازی خصوصیات کے با وجو د مسلمان ہی آج سب سے زیادہ بے وقار قوم بنے ہوئے ہیں۔ کیسی عجیب ہے یہ صورتحال۔

25 اگست 1989

ایک تاجر سے گفتگو ہوئی۔ میں نے کہاکہ آپ تجارت کر رہے ہیں۔ اس کے تحت آپ کو بہت سے کام کرنے پڑتے ہیں۔ مثلا دکان بنانا ، سفر کرنا ،سامان حاصل کر نا ،اشتہار دینا ،تعلقات قائم کرنا ، رجسٹر مرتب کرنا، عدالتی معاملات سے نمٹنا ، وغیرہ وغیرہ۔ مگران تمام مختلف سرگرمیوں کا مقصدصرف ایک ہے۔ اوروہ پیسہ حاصل کرتا ہے۔ آپ کی یہ تمام سرگرمیاں اگر آپ کو پیسہ دے رہی ہوں تو وہ بامعنی ہیں۔ اور اگر ان کے نتیجہ میں آپ کو پیسہ نہ ملے تو تمام سرگرمیاں بے معنی ہو کر رہ جائیں گی۔

یہی معاملہ دین کا ہے۔ دین میں بھی بظاہر بہت سے اعمال ہیں۔ کلمہ، نماز، روزہ،حج اور دوسرے اعمال۔ یہ سرگرمیاں محض شکلاًمطلوب نہیں ہیں۔ بلکہ ان کاکوئی اندرونی مقصد ہے۔ اور وہ مقصد یہ ہے کہ آدمی کے اندر تقوی کی صفت پیدا کر رہی ہوں تو وہ بامعنی ہیں۔ ورنہ سب کی سب بے معنی۔ ان سرگرمیوں کی تقوی کے بغیر کوئی قیمت نہیں۔

26 اگست 1989

رابندر ناتھ ٹیگور کا ایک ناول ہے جس کا اصل بنگالی نام جو گا جوگ ہے۔ یہ ناول ساہتیہ اکیڈمی نئی دہلی سے اردو میں چھاپا گیا ہے۔ یہ اردو ترجمہ ۵ ۳۷ صفحات پرمشتمل ہے اور اس کا نام سنجوگ ہے۔

پھر تو یہ جانتی ہے کہ بچے تعلیم دینے کا شوق ہے تجھ سے بہتر شاگر د مجھے کون ملے گا۔اور ایک کام کیا جائے گا۔ بہت دنوں سے مجھے فارسی زبان سیکھنے کا شوق ہے۔ اکیلے پڑھتے اچھانہیں لگتا۔ تجھے ساتھ لے کر پڑھوں گا۔ تو ضرور مجھ سے آگے بڑھ جائے گی لیکن میں ذرا بھی رشک نہ کروں گا۔

رابندر ناتھ ٹیگور ۱۸۶۱ میں کلکتہ میں پیدا ہوئے اور و ہیں ۱۹۴۱ میں اس کی وفات ہوئی۔ ان کے ناول انیسویں صدی کے آخر اور بیسویں صدی کے آغاز کے ہندستان کو بتاتے ہیں۔ مذکورہ اقتباس سے اندازہ ہوتا ہے کہ وہ زمانہ آج کے زمانہ سے کس قدرمختلف تھا۔ مگر اس سے بھی زیادہ تعجب کی بات یہ ہے کہ مسلم رہنماؤں نے اس زمانہ کو بالکل استعمال نہیں کیا، وہ تقریباً بلاستعمال ختم ہوگیا۔

27 اگست 1989

یہ استدلال نہیں ہے ، بلکہ لطیفہ ہے۔ اس سے تفریح کا فائدہ ہوسکتا ہے، مگر اس قسم کے شاعرانہ تکتوں سے کوئی بات ثابت نہیں ہوتی ۔

28 اگست 1989

پاکستان کے اخباروں میں‘‘ وفاق ’’ایک اسلامی اخبارسمجھا جاتا ہے۔ اس کے شمارہ ۲۴ اگست ۱۹۸۹ کے اداریہ کا عنوان ہے : ”بھارت میں مسلم اقلیت کی زبوں حالی’’ پورا مضمون سطحی معلومات کی بنیاد پر مرتب کیا گیا ہے۔ مثلاً اس میں درج ہے کہ ‘‘بھارت کے رزرو بینک کی ایک رپورٹ کے مطابق مسلمانوں کو بمشکل چھ اعشاریہ اور دو فیصد قرضے فراہم کئے جاتے ہیں۔’’

یہ ایک لغو بات ہے۔ اصل یہ ہے کہ ہندستان کے مسلمان عام طور پر بنک کا قرضہ لینے سے احتراز کرتے ہیں۔ کیونکہ اس میں انہیں سود دینا پڑتا ہے۔ ان کا براحتر از علما اسلام کے فتوؤں کی وجہ سے ہے نہ کہ ان رزرو بینک کی پالیسی کی وجہ سے۔

مسلمانوں کے اخبارات ساری دنیا میں صرف ایک کام کر رہے۔ وہ سطحی اور بے بنیاد باتیں چھاپ کر مسلمانوں کے اندر دوسروں کے خلاف نفرت بھر رہے ہیں۔ ان اخبارات کا نہ نکلنا ان کے نکلنے سے اچھا تھا۔

29 اگست 1989

بیسویں صدی کے نصف اول میں سوشلزم کی دھوم تھی ۔ روس اور چین جیسے ملکوں میں مکمل مارکسی نظام نافذ کیا گیا۔ اور دوسرے ملکوں (مثلاً ہندستان) میں سوشلزم کے نام سے اس کے نظریات کو اختیار کرنے کی کوشش کی گئی۔

بعد کے مسلمانوں میں بہت کچھ بگاڑ آگیا۔مگر اسلام کا نظریہ کبھی فیل نہیں ہوا۔ جب کہ مارکسزم اور سوشلزم کا معاملہ یہ ہے کہ خود ان کے نظریات فکری اعتبار سے غلط قرار پاگئے ہیں۔

30 اگست 1989

گفتگو کے دوران انھوں نے بتایا کہ جمال عبد الناصر نماز روزہ کے پابند تھے۔ ان کے گھر کے سبھی لوگ نماز روزہ کے عامل تھے۔ ان کی بیوی پورے ستر میں رہتی تھیں۔ البتہ اخوانیوں پر انھوں نے شدید مظالم کئے۔ مگراب مصر میں اخوانی بالکل آزاد ہیں۔ چوں کہ اب وہ حکومت سے ٹکراؤ نہیں کرتے۔ اس لئے حکومت نے انہیں آزادی دے دی ہے۔ اخوان کے افراد اب مصر میں بڑے بڑے کارو بار کر رہے ہیں اور اچھی حالت میں ہیں۔

یہی وہ ذہنی انحراف ہے جو کسی آدمی کو سچائی تک پہنچنے نہیں دیتا۔ مصر کے مذکورہ واقعہ میں اصل سبق یہ ہے کہ حکمرانوں کا ظلم صرف ان لوگوں کے لئے ہے جو ان کا اقتدار چھیننےکے لئے اٹھیں ۔اگر آپ حکمراں کے لئے اس قسم کا سیاسی مسئلہ نہ بنیں تو وہ آپ سے تعرض بھی نہیں کرے گا۔مگر مذکورہ بزرگ نے یہ سبق نہیں لیا۔ انھوں نے اپنے ذہن کی گاڑی دوسری طرف موڑ دی اور یہ کہہ دیا کہ مصر کے حکمراں Cultural habit کی وجہ سے نماز روزہ ادا کرتے تھے۔

31 اگست 1989

اخبار العالم الاسلامی( مکہ) کے شمارہ ۲۱ اگست ۱۹۸۹ میں صفحہ ۱۵ پرایک خبرچھپی ہے جس کا عنوان یہ ہے برطانیہ کی اقلیتیں برطانی اقتدار کو اختیار کریں:

Minorities urged to embrace UK values.

One cannot be British on one's own exclusive terms or on a selective basis, nor is there room for dual loyalties where those loyalties openly contradict one another.

قومی آواز (۳۰ اگست ۱۹۸۹) میں صفحہ اول پر ایک خبر ہے جس میں بتایا گیا ہے کہ برطانیہ کی حکمران پارٹی کے ایک ممبر پارلیمنٹ مسٹر ناونینڈی نےبرطانی مسلمانوں کے خلاف بہت سخت بیان دیا ہے۔ انھوں نے کہا کہ سلمان رشدی کی ناول شیطانی آیات پر جو مسلمان برہم ہیں، دو جہاں سے آئے ہیں وہیں انہیں لوٹ جانا چاہئے۔

برطانیہ میں آباد مسلمان نہایت عزت کے ساتھ وہاں رہ رہے تھے۔ سلمان رشدی کی کتاب پر جھوٹا ہنگامہ کر کے انھوں نے اپنے آپ کو انگریزوں کی نظر میں بے عزت کر لیا۔ مجھے امید نہیں کہ اب دوبارہ وہ وہاں سابقہ عزت اور وقار حاصل کرسکیں گے۔

سلمان رشدی کی کتاب ستمبر ۱۹۸۸ میں لندن سے شائع ہوئی۔ فروری میں آیت اللہ خمینی نے اس کے قتل کا فتوی جاری کیا۔ ۱۵فروری ۱۹۸۹ کورشدی رو پوش ہوگیا۔ اس وقت سے وہ حکومت برطانیہ کی حفاظت میں ہے اور حکومت اس کی خصوصی حفاظت پر روزانہ تقریباً ایک ہزار پونڈ خرچ کر رہی ہے۔ ۳ جون ۱۹۸۹ کو آیت اللہ خمینی کا انتقال ہوگیا ۔