June 1989

یکم جون 1989

پرانا مقولہ ہے کہ : خطائے بزرگاں گرفتن خطا است. اس کا مطلب عام طور پر یہ لیا جاتا ہے کہ بزرگ لوگ اگر غلطی کریں تو اس پر تنقید کرنا غلطی ہے۔ یعنی اگر بزرگ غلطی کریں تب بھی ان پرتنقید نہ کرو۔

2 جون 1989

سید امین الحسن رضوی (سابق ایڈیٹر ریڈئنس) نے مولانا مودودی کا ایک خط مورخہ 16 دسبر 1964 ہفت روزہ اخبار نو (2جون1989) میں شائع کیا ہے۔ 1965 میں پاکستان میں صدر کے عہدہ کے لئے الکشن ہوا ۔ اس میں ایک طرف محمد ایوب خاں تھے اور دوسری طرف مس فاطمہ جناح۔ مولانا مودودی اور ان کی جماعت اسلامی نے فاطمہ جناح کی مکمل حمایت کی۔ اس پر سید امین الحسن رضوی کو اسلامی نقطۂ نظر سے تعجب ہوا ۔ کیوں کہ اسلام میں عورت کی حکمرانی کوغلط بتایا گیا ہے ۔ انھوں نے مولانامودودی کو بطور استفسار ایک خط لکھا۔ مولانا مودودی نے ان لفظوں میں جواب دیا :

" میں ان نقصانات سے واقف ہوں جو صدر ایوب صاحب کی آمریت سے پاکستان کے لوگوں کو دینی، اخلاقی اور مادی حیثیت سے پہنچتے ہیں۔ اور مجھے یہ بھی اندازہ ہے کہ اگر یہ آمریت آئندہ کے لئے مستحکم ہوگئی تومزید کیا نقصانات پہنچیں گے۔ ایسی حالت میں میرے لئے خدا کے حضور یہ ذمہ داری اپنے سرلینا ممکن نہیں کہ میرے کسی فعل کی وجہ سے یہ آمریت ملک پراز سرنومسلط ہو۔ مجھے یقین ہے کہ اگر اس انتخاب میں فاطمہ جناح کی تائید نہ کی گئی تو یہ آمریت پھر مسلط ہو جائے گی۔ اس کا مسلط ہونا میرے نزدیک ایک عورت کو سربراہ بنانے کی بہ نسبت کم از کم دس گنا زیادہ بڑا گناہ ہے "

2۔ واقعات بتاتے ہیں کہ مولانا مودودی کا اندازہ سیاسی اعتبار سے آخری حد تک غلط تھا۔ 1965 کے الکشن میں ساری مخالفانہ کوشش کے باوجود ایوب خاں دوبارہ برسراقتدار آگئے۔ ان کے بعد بھی مسلسل کوئی نہ کوئی آمر پاکستان پر مسلط ہوتا رہا۔ ایوب خاں، یحییٰ خاں ، بھٹو ، جنرل ضیاء الحق۔

مولانا مود ودی کا مذکورہ خط اسلامی نقطہ سے بھی غلط تھا اور سیاسی اندازہ کے لحاظ سے بھی غلط۔ ۔ یہ خط ان کے عالم ہونے کی حیثیت کو بھی مجروح کر رہا ہے اور ان کے مفکرہونے کی حیثیت کو بھی۔

3 جون 1989

حدیث کی کتابوں میں دوا علاج کے بارہ میں بہت سی روایتیں آئی ہیں۔ یہ روایتیں عام طور پر باعتبارسند زیادہ قوی نہیں ہیں۔ ممکن ہے کہ عرب کے اقوال ان میں شامل ہوگئے ہوں۔ تاہم ان میں بڑی حکمت کی باتیں ہیں ۔

یہ ایک حقیقت ہے کہ بیشتر بیماریوں کا سرچشمہ معدہ ہوتا ہے ۔ اگرخوراک کے بارہ میں کامل احتیاط برتی جائےاور پرخوری سے پرہیز کیا جائے تو آدمی بیشتر بیماریوں سے محفوظ رہے گا۔

4 جون 1989

مصطفی کمال پاشا نے ترکی میں برسراقتدار آنے کے بعد ترکی کومغربی تہذیب میں ڈھالنا شروع کیا۔ اس سلسلہ میں اس نے نہایت احمقانہ اقدامات کئے۔ مثلا 1942 میں مصطفی کمال پاشا نے ایک حکم جاری کیا جس کی رو سے ترک لڑکیوں کے لئے سر پر اوڑھنی رکھنا ممنوع قرار دیا گیا تھا۔

55 سال بعد 1980 میں ترکی کے اعلی تعلیمی بورڈ نے خاموشی کے ساتھ ایک نیا اعلان جاری کیا۔ اس کے مطابق ترک لڑکیوں کے لئے سر کھولنا لازم نہ رہا۔ اب لڑکیوں کو یہ اجازت دے دی گئی کہ وہ اپنے سرپر اوڑھنی رکھ سکتی ہیں ـــــــ جدید مسلم قیادت پہلے سو برس سے اسی قسم کے احمقانہ اقدامات میں مصروف ہے۔ کمال اتا ترک نے اس حماقت کو بھونڈے انداز سے کیا۔ اور دوسرے لوگ اس قسم کی حماقت کو زیادہ سلیقہ کے ساتھ کر رہے ہیں ۔

5 جون 1989

آج تو جاپان کی صنعتی اور اقتصادی ترقی کا ہر ایک چرچا کر رہا ہے۔ مگر غالبا میں ہندستان میں پہلا شخص ہوں جس نے 1965 میں جاپان کی ترقی کے بارہ میں لکھنا شروع کیا ۔ پچھلے تقریبا 25 سال میں میں نے جاپانی ظاہرہ پراتنے زیادہ مضامین لکھے ہیں کہ ان کو جمع کیا جائے تو ایک ضخیم کتاب بن جائے۔ اگر توفیق ملی توانشا اللہ " جاپانیات" کے نام سے ایک کتاب شائع کی جائے گی۔ جاپان مجھے حکمت حدیبیہ کا ایک نیا مظہر نظر آتا ہے۔

6 جون 1989

نیو یارک سے جناب کلیم الدین صاحب کا ٹیلی فون آیا۔ وہ حیدر آباد کے رہنے والے ہیں اور معاش کے سلسلے میں امریکہ گئے ہیں۔ انھوں نے کہا کہ امریکہ میں میں مسلمانوں کے مختلف حلقوں میں گیا اور ان کے بہت سے اجتماعات میں شرکت کی ۔ہر جگہ قومی اسلام کا تذکرہ تھا۔ ایسا معلوم ہوا کہ لوگ اس دعوتی اسلام سے واقف ہی نہیں جس کا آپ الرسالہ میں مسلسل تذکرہ کر رہے ہیں۔

موجودہ زمانہ میں یہی تمام مسلمانوں کا حال ہے۔ وہ قومی مسائل میں مشغول ہیں اور اس کو دعوت کا نام دئے ہوئے ہیں۔ اس قسم کی سرگرمیاں مسلمانوں کی سرکشی کے خانہ میں تو لکھی جا سکتی ہیں مگر وہ تعمیل اسلام کے خانہ میں لکھی نہیں جاسکتیں۔

7 جون 1989

اصل یہ ہے کہ عقل کی دوقسمیں ہیں۔ عقل شرعی، اور عقل علمانی۔ دینی امور میں عقل علمانی کا استعمال بلاشبہ درست نہیں۔ مگر دینی امور میں عقل شرعی کا استعمال عین درست ہے ۔ مذکورہ بالا حدیث میں عقل شرعی کا استعمال یہ ہے کہ یہ کہا جائے کہ دین میں پیغمبر اور فرشتہ کا جو تصور دیا گیا ہے۔ اس سے مذکورہ واقعہ مطابقت نہیں رکھتا۔ اس قسم کے نقطہ نظر کو عقل پرستی کہنا ہر گز درست نہیں۔

8 جون 1989

(حدیث۔ ص۔ 103)

9 جون 1989

دو یا زیادہ آدمیوں کے درمیان باہمی تعاون کا ظہور میں آنا کوئی سادہ سی بات نہیں ، یہ بہت بڑا واقعہ ہے۔ باہمی تعاون اس وقت ممکن ہوتا ہے جب کہ آدمی اپنی ذات کو پیچھے کرنے اور اصول کو آگے کرنے کے لئے تیار ہوں۔ جب وہ مقصد کے مقابلہ میں ہر دوسری چیز کو ثانوی حیثیت دینے پر راضی ہو۔ جب وہ اس اعلی حوصلگی کا ثبوت دے کہ وہ تعاون کے خلاف حالات ہونے کے باوجود تعاون کرے گا۔ اس کے مفادات اور اس کی ذاتی مصلحتیں مجروح ہورہی ہوں تب بھی وہ مفاد اور مصلحت سے اور یہ اٹھ کر حق کی خاطر دوسرے کا ساتھ دیتا رہے گا۔

10 جون 1989

چودھری رحمت علی ( 1951 - 1892) نظریہ پاکستا ن کے پہلے خالق تھے۔ وہ مشرقی پنجاب کے ضلع ہوشیار پور میں پیدا ہوئے اور لندن میں تعلیم پائی۔ 1920 میں انھوں نے ایک پمفلٹ شائع کیا جس کا نام تھا :

The Millat of Islam and the menace of Indianism.

اس میں انھوں نے پہلی بار پاکستان کا نظریہ پیش کیا۔ ان کا خیالی پاکستان حسب ذیل علاقوں پر مشتمل تھا اور انھیں کے چند حروف کو لے کر اس کا نام بنایا گیا تھا :

کاغذی پاکستان بنانا کتنا آسان ہے، اورحقیقی پاکستان بنانا کتنا مشکل۔

11 جون 1989

ابن الجوزی ( 508 – 597) - مشہور علماء اسلام میں سے ہیں۔ ان کی ایک کتاب صيد الخاطر کے نام سے 1280 میں چھپی ہے۔ اس کو ناجی طنطاوی نے ایڈٹ کیا ہے۔اس کتاب میں بہت سی اصلاحی باتیں درج ہیں۔

منعت شیأ فاكثرت الولوع به احب شئ إلى الانسان ما منعا

12 جون 1989

موجودہ زمانہ کے مسلمان سب سے زیادہ اتحاد کی باتیں کرتے ہیں ۔ مگرموجودہ زمانہ کے مسلمان سب سے زیادہ اختلاف کی حالت میں مبتلا ہیں۔ اس کے سبب پر غور کرتے ہوۓ میری زبان سے نکلا مسلمان اتحادیوں کے ساتھ متحد ہوکر رہنا چاہتے ہیں۔ حالاں کہ اختلافیوں کے ساتھ متحد ہوکر رہنے کا نام اتحاد ہے ۔ اتحاد کی یہی وہ اہم ترین حقیقت ہے جس سے ہمارے اصاغر بھی نا آشنا ہیں اور ہمارے اکابر بھی ناآشنا۔

اتحاد کا راز ہے، اختلاف کو برداشت کرنا۔

13 جون 1989

من أخلص لله أربعين يوما ظهرت ينابيع الحكمة على لسانه

تاہم مفہوم کے اعتبار سے اس روایت میں کوئی حقیقی نقص نہیں ۔ اس میں 40 دن کا لفظ اعتباری ہے۔ یعنی 40 دن سے مراد لمبی مدت ہے نہ کہ حسابی معنوں میں 40 دن۔ بجائے خود یہ بات صحیح ہے کہ کوئی شخص لمبی مدت تک کسی خاص عمل میں گزارے تو اس عمل کے رموز اس پر کھل جاتے ہیں۔ اس کو اس عمل کی معرفت حاصل ہو جاتی ہے۔

14 جون 1989

15 جون 1989

اسلام آباد پاکستان سے انگریزی ویکلی مسلم ورلڈ(The Muslim World) ہے۔ اس کے شمارہ 3 جون 1989 میں نوبل انعام یافتہ ڈاکٹر عبد السلام کے انٹریو کچھ اقتباسات شائع ہوئے ہیں۔ یہ انٹرویو انھوں نے اخبار نیشن (The Nation) کو دیا تھا۔

We are not a science-minded people. Although we might have done very well in the higher reaches, we are neither here nor there. Dr. Salam expressed his keenness to return to Pakistan. He said that he would give up anyting-even his prestigious position at Trieste if the Pakistan government sets up a Science Institute and asked for his services.

مگر عملا کبھی ایسا نہیں ہوگا۔ کیوں کہ پاکستان کی جو حکومت بھی ڈاکٹر عبدالسلام کو اس طرح بلائے گی ،اس کو موقع پرست لیڈر شوشہ بنا لیں گے اور حکومت پر قادیان نوازی کا الزام عائد کر دیں گے۔ اس طرح وہ عوام کو بھڑکا کر اس حکومت کے لئے اگلے الکشن میں جیتنے کا امکان ختم کر دیں گے۔۔۔ یہی جھوٹی اسلامی سیاست ہے جس نے نصف صدی کے باوجود پاکستان کو بربادی کے سوا کسی اور منزل تک نہیں پہنچایا۔

16 جون 1989

يا أمة الإسلام، لماذا الاختلاف والدين واحد. الى متى الشقاق والامة واحدة الى متى التفرقة وانتم تدركون ما فيها من الضور (صفحہ 6 )

اےامت اسلام باہمی اختلاف کیوں جب کہ دین ایک ہے ۔ باہمی جھگڑے کب تک جب کہ امت ایک ہے ۔ باہمی تفریق کب تک حالاں کہ تم جانتے ہو کہ اس میں کتنا زیادہ نقصان اور بگاڑ ہے۔

مسلمانوں کے اندر اتحاد و اتفاق کے لئے اس قسم کی جذ باتی اپیلیں سوسال سے بھی زیادہ عرصہ سے کی جارہی ہیں۔ مگر عملی صورتحال اسے اس سے بھی زیادہ خراب ہے جتنا کہ سوسال یا پچاس سال پہلے تھی۔ اس کی وجہ یہ ہے کہ ہرآدمی یہ فرض کر کے بول رہا ہے کہ امت اسلام واقعہ میں موجود ہے۔ جب کہ خود امت اسلام سرے سے موجود نہیں۔ مسلمانوں کی موجودہ بھیڑ کو امت اسلام سمجھنا ایسا ہی ہے جیسے کسی قدیم شہر کے کھنڈروں کو دیکھ کر سمجھنا کہ خود وہ شہر زندہ حالت میں موجود ہے۔ آج سب سے پہلا کام یہ ہے کہ دوبارہ "امت اسلام" وجود میں لائی جائے۔ اس کے بعد ہی اگلے مرحلہ کا کوئی کام کیا جاسکتا ہے۔

17 جون 1989

ہمارے یہاں پاکستان کے تین اخبارات آتے ہیں۔ دو اردو اخبار (وفاق اور نوائے وقت) اور ایک انگریزی اخبار (فرنیٹر پوسٹ) نوائے وقت کے ہر شمارہ میں مسٹر جناح اور ڈاکٹر اقبال کا کوئی قول نقل کیا جاتا ہے۔ اس کے شمارہ 12 جون 1989 میں مسٹر محمدعلی جناح کا ایک قول نقل کیا گیا ہے جو انھوں نے 10 مارچ 1941 کومسلم یونیورسٹی علی گڑھ میں تقریر کرتے ہوئے کہا تھا :

1947 میں ملک کی تقسیم کے بعد "بھارت" کے مسلمان جن حالات سے دوچار ہوئے ، وہ مسٹرجناح کے مذکورہ قول کے عین مطابق تھے۔ مگر جب یہ متوقع حالات عملا پیش آئے تو بھارتی مسلمان ان کو برداشت کرنے کے لئے تیار نہیں ہوئے۔ وہ صبر کے بجائے فریاد اور احتجاج کرنے لگے۔ اور ایثار و قربان کا عملی ثبوت دینا کتنا آسان ہے اور ایثار و قربانی کا عملی ثبوت دینا کتنا زیادہ مشکل۔

18 جون 1989

We are non-believer because we don't understand religion.

یہی اکثر ان لوگوں کا حال ہے جو بے دین یا لامذہب کہے جاتے ہیں۔ ان لوگوں کو مذہب سے دوری حقیقتہ انکار کی بنا پر نہیں بلکہ بے خبری کی بنا پر ہے۔ ان کا اصل مسئلہ یہ ہے کہ ان کے طرز فکر اور ان کے ذہنی معیار پر انھیں مذہب نہ دیا جا سکا۔ اس لئے مذہب ان کے دماغ میں جگہ نہیں بناسکا۔ اگر مذہب کو ان کے فکری معیار پر مدلل کر کے پیش کیا جائے تو ان میں سے بہت سے لوگ انکار مذہب کو چھوڑ کر اقرار مذہب کو اپنا طریقہ بنائیں گے۔

19 جون 1989

Look at the "Last Temptation of Christ" (an American film), not banned in any Christian country but banned in India. That's laughable.

میں مذکورہ کتاب اور دونوں کو سخت بیہوده اور لغو سمجھتا ہوں ۔ مگر پابندی کا مطالبہ کرنااور پابندی لگانا موجودہ زمانہ میں سراسر بے فائدہ ہے ۔ کیوں کہ اس کے بعد اس کی اشاعت اور بڑھ جاتی ہے۔ رشدی کی کتاب ابتدائی چند مہینوں میں صرف چند ہزار فروخت ہوئی مگر فروری 1989 تک خمینی کے فرمان قتل کے بعد اس کے خلاف جو شور وغل ہوا اس کے بعد اس کی مانگ بے حد بڑھ گئی چنانچہ فروری سے مئی 1989 تک اس کے ایک ملین نسخے فروخت ہو چکے تھے اور نصف درجن زبانوں میں اس کے ترجمے زیر اشاعت تھے۔

جنرل محمد ضیاء الحق نے پاکستان میں ہندستانی فلموں کی نمائش کو ممنوع قرار دیا۔ اس کے بعد یہ ہوا کہ ہندوستانی فلموں کے ویڈیو کیسٹ باہرملکوں میں جاکر پاکستان پہنچنے لئے اور گھرگھرمیں وی سی آر پر ہندستانی فلمیں دیکھی جانے لگیں ۔

20 جون 1989

اسلام تاریخی اعتبار سے ایک ثابت شدہ اور قائم شدہ مذہب ہے۔ مگر دین الہی کی حیثیت اس وقت محض ایک ذہنی اپج کی تھی۔ اس بنا پر راجہ مان کی سمجھ میں اسلام آیا مگر دین الہی اس کی سمجھ میں نہ آسکا۔

یہ اسلام کے حق میں ایک عظیم الشان تائید ہے۔ اگر ہم لوگوں کو اسلام کی طرف جائیں تو لوگوں کو محسوس ہوگا کہ انھیں ایک معلوم اور مسلم چیز کی طرف بلایا جارہا ہے ، جب کہ دوسرے مذاہب کا حال یہ ہے کہ وہ یا تو" دین الہی " کی طرح غیر معروف ہیں یا ہندوازم اور بد ھ ازم اور مسیحیت کی طرح غیر تاریخی۔

21 جون 1989

I have information in my records, in my possession, which shows how

anti-Islam he was.

حقیقت یہ ہے کہ اگر قیامت نہ آئے تو کسی بھی چیز کی حقیقت کھلنے والی نہیں حتی کہ یہ بھی معلوم نہیں ہوسکتا کہ کون اسلام دوست تھا اور کون اسلام دشمن۔

22 جون 1989

عربی مدارس کے بارہ میں میرا تاثر یہ ہے کہ وہاں کوئی بھی "علم" نہیں پڑھایا جاتا ، حتی کہ اسلام کا علم بھی نہیں۔ میری تعلیم عربی کے ایک مدرسہ میں ہوئی۔ یہاں جغرافیہ کے بارہ میں کوئی بھی کتاب شامل نصاب نہ تھی ۔ وہاں کی مجلسوں میں جغرافیہ کے بارہ میں کچھ بتایا جاتا تھا۔ اس کے باوجود یہ اللہ تعالی کا فضل تھا کہ میں نے دوران تعلیم ہی میں جغرافیہ کے بارہ میں بہت کچھ جان لیا ۔

اس واقفیت کا ذریعہ ٹکٹ ( پوسٹیچ اسٹمپ) تھا۔ مجھے بچپن ہی سے ٹکٹ جمع کرنے کا شوق ہوگیا۔ یہ شوق مجھے مسٹرعتیق احمد انصاری کے ذریعہ کا۔ جو اس زمانہ یں لکھنو میں الا ماٹا نیر کالج میں پڑھتے تھے۔ وہ میرے عزیز بھی تھے اور دوست ہیں۔ وہ خود ٹکٹ کے شوقین تھے ہر بار جب وہ گرمیوں کی چھٹیوں میں اعظم گڑھ آئے تو مجھے کچھ نہ کچھ ٹکٹ دیتے۔ عتیق احمد انصاری کے والد مشتاق احمد انصاری لکھنؤ میں جیل انڈسٹریز کے سپرنٹنڈنٹ تھے۔

ہمارے مدرسہ کے دفتر میں لکڑی کا ایک بڑا بکس تھا۔ اس میں ایک بہت موٹا سا البم رکھا ہوا تھا۔ کسی بہت با ذوق آدمی نے بنایا تھا۔ اور پھر مدرس کو دے دیا۔ اس میں دنیا کے تمام ملکوں کے ٹکٹ تھے۔ ہماری بستی کے منشی محمود علی صاحب مدرسہ میں محرر (کلرک) تھے۔ انھوں نے میرے شوق کو جان کرٹکٹوں کا یہ البم مجھے دکھایا۔ اور اس البم کے بہت سے ٹکٹ مجھے دئے۔ چند سال میں میرے پاس اکثر ملکوں کا ٹکٹ ہوگیا۔

میرا ٹکٹوں کا اہم میرے لئے جغرافیہ کی کتاب بن گیا۔ عتیق احمد انصاری سے اور دوسرے لوگوں سے میں ان ملکوں کے حالات معلوم کرتا جس کے ٹکٹ میرے پاس موجود تھے۔ نیز کتابوں کے ذریعہ معلومات حاصل کرنے کی کوشش کرتا ۔ اس طرح ٹکٹوں کے شوق نے مجھے دوران تعلیم ہی میں ضروری جغرافی معلومات دے دی۔

23 جون 1989

برما کے دو مسلمان ملاقات کے لئے ۔ ایک کا تعلق مانڈے سے تھا ، دوسرے کا تعلق رنگون سے۔ وہ جلال آباد کے مدرسہ میں تعلیم کے لئے آئے تھے۔ اب فارغ ہو کر واپس اپنے وطن جا رہے ہیں۔

یہی صورت آج تمام دنیا میں ہے۔ مسلم مکوں کی غیرمسلم آبادی اگرعلٰیحدگی کا مطالہ کرے تو وہ مسلمانوں کے نزدیک بغاوت ہے۔ اور غیر مسلم ملکوں کے مسلمان اگر علیحدگی کا مطالبہ کریں تو وہ مسلمانوں کے نزدیک آزادی کی جد وجہد ہے۔ یہ دوہرا معیار نہ خدا کے نزدیک مقبول ہے اور نہ انسانوں کے نزدیک مقبول ۔

24 جون 1989

25 جون 1989

ایک تعلیم یافتہ مسلمان ہیں ۔ وہ نہایت ذہین اور سوجھ بوجھ والے آدمی ہیں۔ مگر آدمی خواہ کتنا ہی سمجھدار ہو ، اس کی سمجھ محدود ہوتی ہے۔ انھوں نے دبئی (عرب امارات) میں ہوٹل کھولا۔ مگر ہوٹل ناکام ہوگیا۔ پندرہ لاکھ روپیہ کا گھاٹا دے کر انہیں ہوٹل کو بند کر دینا پڑا۔

انھوں نے اپنے ہوٹل میں مغل کھانوں کا اعلی انتظام کیا تھا۔ ان کا آئیڈیا تھا کہ ہندستان اور پاکستان کے لاکھوں لوگ جو عرب امارات میں رہتے ہیں، وہ اپنی پوری فیملی کے ساتھ کھانا پسند کریں گے۔ چنانچہ انھوں نے ہوٹل کا نظام اس طرح بتایا کہ ایک شخص اپنی پوری فیملی کے ساتھ آئے اور ایک میز پر اپنی پسند کا کھانا کھائے۔

مگر ساری ذہانت کے باوجود ان سے ایک چوک ہو گئی۔ وہ یہ کہ لوگ فیملی کے ساتھ صرف چھٹی کے دن آ کر کھانا کھا سکتے ہیں۔ وہ اس طرح روزانہ نہیں آسکتے۔ چنانچہ ہفتہ کی چھٹی کے دن تو ان کے یہاں زبردست بھیڑ لگ جاتی ۔ مگر بقیہ دنوں میں بالکل سناٹا رہتا ۔ چنانچہ مجبور ہوکر انھوں نے ہوٹل بند کر دیا۔

26 جون 1989

مارکسی اشتراکیت کے بارہ میں میری کتاب پہلی بار اپریل 1959 میں چپھی۔ اس کو مکتبہ جماعت اسلامی رامپور نے چھاپا تھا۔ کتاب کا نام یہ تھا :

مارکسزم جس کو تاریخ رد کر چکی ہے۔

دنیا اس مرتے ہوئے حیوان کی آخری بشنجی حالت کا مشاہدہ کر رہی ہے جس کو کمیونزم کہا جاتا ہے ۔ اور جو 2000 تک باقی رہنے والا نہیں۔

27 جون 1989

سرجان ہکس (Sir John Hicks ) موجودہ زمانہ کا مشہور ماہر اقتصادیات ہے۔ 20 مئی 1989 کو اس کا انتقال ہوگیا۔ بوقت انتقال اس کی عمر 85 سال تھی۔ علم اقتصادیات میں وہ مجتہدانہ رائے رکھتا تھا۔ مثلا اس نے لارڈ کینٹ کی جنرل تھیوری (General Theory) سے سخت اختلاف کیا ۔ اس کا کہنا تھا کہ اقتصادیات ایک ڈسپلن ہے نہ کہ سائنس:

Economics is not a science but a discipline.

28 جون 1989

انگریز جب ہندستان میں آئے تو انھوں نے یہاں سب سے بڑا اتحاد پیدا کیا ۔ انھوں نے ہمالیہ سے لے کر راس کماری تک پورے برصغیر کو ایک متحدہ ملک کی حیثیت دے دی . مگر 1947 میں جب وہ اس ملک کو چھوڑ کر گئے تو انھوں نے اس کو کئی ٹکڑوں میں تقسیم کردیا ۔ تاکہ وه ابدی طور پر اس میں لڑتے رہیں اور کبھی دوبارہ متحد نہ ہوسکیں ۔ انہیں اپنے لئے کچھ پسند تھا اور دوسروں کے لئے کچھ ۔

29 جون 1989

موجودہ زمانہ کے جو مسلم رہنما ہیں ، خواہ وہ بے ریش ہوں یا باریش ۔ ان کے بارہ میں میری رائے بے حد سخت ہے۔ ان کے بیانات کو سن کر اور ان کے حالات کو دیکھ کر مجھے ایسا محسوس ہوتا ہے کہ یہ سب کے سب محض اکسپلائٹر ہیں حتی کہ اکثر ایک آہ کے ساتھ یہ جملہ میری زبان سے نکل جاتا ہے کہ اگر یہی وہ لوگ ہیں جو جنتوں میں داخل کئے جانے والے ہیں تو جہنم کوخالی رہنا چاہئے، کیوں کہ دوسرے لوگ بہر حال ان سے کم برے ہیں۔

30 جون 1989

ہندستان میں مسلمان بھی ہیں اور عیسائی بھی۔ دونوں اقلیتی فرتے ہیں مگر دونوں کے مزاج میں بعد المشرقین کا فرق پایا جاتا ہے۔ مثال کے طور پر عیسائیوں نے تعلیم کے میدان میں قدم رکھا تو انہوں نے ابتدائی تعلیم کے ادارے قائم کئے ملک میں عیسائیوں کے اسکول تو بہت ہیں مگر عیسائیوں کی یونیورسٹی کوئی ایک بھی نہیں۔

مسلمانوں کا معاملہ اس کے بالکل برعکس ہے۔ انھوں نے اسکول کی سطح پر تعلیم کے انتظام کی طرف بہت کم توجہ دی، البتہ انھوں نے کئی یونیورسٹیاں قائم کر دیں ۔ مسلم یونیورسٹی ، عثمانیہ یونیورسٹی ، جامعہ ملیہ ، ہمدرد یونیورسٹی ، وغیرہ۔ اس فرق کا سبب یہ ہے کہ عیسائیوں کے پیش نظر ذہن بنانا تھا ، اورمسلمانوں کے پیش نظر منارہ فخر کھڑا کرنا۔