November 1983

یکم نومبر 1983

2 نومبر 1983

ایک شاعر نے ہندستانی مسلمانوں کے بارہ میں کہا ہے:

شبنم ناتواں سہی لیکن اس گلستاں میں ہے نمو مجھ سے

اس شعر کا مطلب یہ ہے کہ ہندستان کے مسلمان اگر چہ قلیل اور کمزور ہیں ، مگر وہ ملک کا ایک مفید عنصر ہیں۔ وہ ملک کی "نمو" کا باعث ہیں۔ شاعرانہ کلام میں صرف ایک تشبیہہ اس بات کو ثابت کرنے کے لئے کافی ہوگئی لیکن اگر اسی بات کو علمی طور پر ثابت کرنا ہو تو تشبیہی استدلال بالکل بے معنی ہوگا ۔ اب اس بات کوعلمی طور پر ثابت کرنے کے لئے حقیقی حوالے اور واقعی معلومات درکار ہوں گی۔ یعنی وہ چیز جس کوڈاٹا (data) کہا جاتاہے۔

3 نومبر 1983

میں نے کہا کہ میں کوئی نیا کام نہیں کر رہا ہوں ، میں وہی کر رہا ہوں جس پر تمام علماء کا آج بھی عمل ہے ـــــ بریلوی فرقہ مولانا اشرف علی تھانوی پر تنقید کرتا ہے ۔ دیو بندی لوگ امام ابن تیمیہ پرتنقید کرتے ہیں اہل حدیث حضرات امام ابوحنیفہ پر تنقید کرتے ہیں ۔ غرض ہرایک دوسروں پر تنقید کر کے اپنے نقطہ نظر کوصحیح ثابت کر رہا ہے ۔ پھر اگر اس عمومی مسلک پر میں بھی عمل کرتا ہوں تو اس میں آپ حضرات کو کیوں اعتراض ہے۔

4 نومبر 1983

5 نومبر 1983

کہا جا تا ہے کہ مغل حکمراں شاہ جہاں کی زبان پر ایک بار ایک مصرعہ آ گیا۔ اس کا مطلب یہ تھا کر تعجب کی انگلی منھ میں ہے ، آدھی اندر آدھی با ہر:

انگشت حیرت در داں نیچے دروں نیمے بروں

اب دربار کے شاعر کو حکم ہوا کہ وہ اس کا دوسرا مصرعہ مکمل کرے۔ شاعر نے ایک مصرعہ وضع کر کے اس میں شامل کیا۔ اب پورا شعر بن گیا ۔

از بیت شاہجہاں لرزد زمین و آسمان انگشت حیرت دروہاں نیمے دروں نیمے بروں

ایک بادشاہ سے زمین و آسمان کولرزانے کی خاطر شاعر کے لئے صرف اتنی بات در کار ہے کہ وہ اپنے موافق ردیف و قافیہ پا لے لیکن اگرحقیقی طور پر ایک ایسا انسان درکار ہو جس سے زمین و و آسماں کانپیں تو اس کے لئے ضرورت ہوگی کہ خدائی طاقتوں والا ایک ایسا انسان پیدا کیا جاۓ ۔

کتنا فرق ہے حقیقت میں اور شاعری میں۔

6 نومبر 1983

The best way to learn how to write is to write.

Success depends on natural talent developed by hard work.

7 نومبر 1983

مہاتما گاندھی نے ہندستان کی آزادی ( 1947) سے پہلے کہا تھا کہ میرامشن ہر آنکھ سے آنسو پوچھنا ہے:

Wiping off tears from every eye.

مگر جب گاندھی جی کی محبوب آزادی آئی تو اس نے صرف آنکھوں کے آنسوؤں میں اضافہ کیا۔ اجتماعی انقلاب کبھی لیڈر کی خواہش کے تحت نہیں آتا ، وہ ہمیشہ تاریخی حالات کے تحت آتا ہے ۔ حقیقی لیڈر وہ ہے جو اپنی خواہش کو جاننے کے ساتھ مستقبل کے ان تاریخی عوامل کو بھی جان سکے جو بالآخر اس کے انقلاب کی صورت گری کریں گے۔

8 نومبر 1983

If words were invented to conceal thought, newspapers are a great improvement on a bad invention.

اخباریا نیوز بظاہر خبر نامہ ہے۔ مگر موجودہ اخبارات خبرنامہ سے زیادہ مفاد نامہ ہوتے ہیں۔ ہر اخبار اپنے مفاد کے مطابق کسی چیز کو چاہتا ہے اور کسی چیزکو نظرانداز کر دیتا ہے۔ اس بنا پر تمام اخبارات واقعی صورت حال پر پردہ ڈالنے کا آلہ بن گئے ہیں۔

9 نومبر 1983

10 نومبر 1983

سہارن پور کے ایک تاجر نے ایک سبق آموز واقعہ بتایا۔ انھوں نے کہا کہ ہمارے یہاں ایک صاحب کے بینک اکاؤنٹ میں ڈیڑھ ہزار روپے کا سود جمع ہو گیا۔ اب وہ ہر مجلس میں کہتے پھرتے تھے کہ میرے پاس کچھ سود کی رقم ہے ۔ اس کو کہاں خرچ کروں ۔ خود اپنے خرچ کے لئے تو اس کو لے نہیں سکتا۔ آپ لوگ بتائے کہ اس کو کیا کیا جائے۔ اس کے بعد ان کا کاروبار بڑھا۔ اب ان کے اکاؤنٹ میں سود کی رقم تقریبا ڈیڑھ لاکھ ہوگئی ۔ اب وہ اس معاملہ میں بالکل خاموش ہو گئے۔ اب وہ کسی سے اس کا ذکر بھی نہیں کرتے تھے۔

موجودہ مسلمانوں کا حال یہ ہے کہ وہ اعلان تقویٰ کے لئے تو بہت بے قرار رہتے ہیں مگر عمل تقویٰ سے کسی کو کوئی دلچسپی نہیں ۔

11 نومبر 1983

یہ ایک بہت غیر معمولی واقعہ ہے ۔ میرے علم کے مطابق موجودہ زمانہ میں کسی ملک میں اس درجہ کی متوازی مثال موجود نہیں ۔

12 نومبر 1983

ایک غائب شخص جب دوسرے غائب کے لئے دعا کرتا ہے تو اس کے پیچھے سچی انسانی خیر خواہی کے سوا اور کچھ نہیں ہوتا۔ اور سچی انسانی خیرخواہی بلاشبہ ایمان کا اعلی ترین مظہر ہے۔

13 نومبر 1983

The only successful substitute for brains is silence.

تامرد سخن نہ گفته باشد عیب و ہنرش نهفته باشد

14 نومبر 1983

ایک اردو شاعر نے اپنے شاعرانہ کمال کو بتاتے ہوئے کہا کہ میں ایک بات میں نئے نئے پہلو نکال کر اس کو ایک سو انداز سے بیان کر سکتا ہوں ۔

اک پھول کا مضمون ہو تو سور رنگ سے باندھوں

یہ شاعری کی نہایت صحیح تعریف ہے۔ شاعری میں اصل اہمیت" مضمون باندھنے ‘‘کی ہوتی ہے۔ شاعر کوحقیقت واقعہ سے غرض نہیں ہوتی ، اس کی ساری توجہ خیال آرائی اور الفاظ بندی پرلگی ہوئی ہوتی ہے۔ سائنس کامعاملہ اس سے یکسر مختلف ہے۔ شاعری اگر مضمون بندی کا نام ہے تو سائنس حقیقت رسی کا۔ سائنس داں کی ساری کوشش یہ ہوتی ہے کہ وہ اصل حقیقت تک پہنچے وہ چیزوں کو جیسا ہے ویسا ہی بیان کر سکے۔

موجودہ زمانہ کے اسلامی ادب اور اسلامی لٹریچر بدقسمتی سے سب سے زیادہ غلبہ شاعری کا رہا۔ حتی کہ اس دور میں مسلمانوں کے اور رہنما تھے ، وہ بھی شعر شاعری کے ماحول سے متاثر تھے۔ یہی وجہ ہے کہ موجودہ زمانہ کے مسلمان خالص حقائق کی رعایت کرتے ہوئے اپنی ملی تعمیر کی منصوبہ بندی کرسکے۔

15 نومبر 1983

Where all think alike, no one thinks very much.

تمام لوگوں کا ایک انداز سے سوچنا دو میں سے کسی ایک سبب کی بنا پر ہوتا ہے ۔ یا تو اس لئے کہ وہاں ہرشخص کم عقل ہو ، یا اس لئے کہ سوچنے پر پابندی لگا دی گئی ہو ، اور دونوں ہی صورت کسی انسانی معاشرہ کے لئے تباہ کن ہے۔

16 نومبر 1983

یہ ایک بےحد حکیمانہ بات ہے۔ جب بھی کوئی نزاع کی صورت پیش آئے تو اپنے واقعی حق پر راضی ہو جانا کامیابی کا راستہ کھولتا ہے۔ اوراگر حق سے زیادہ لینے کی کوشش کی جائے تو بالآخر محرومی کے سوا کچھ اور ہاتھ آنے والانہیں۔ عدل کا راستہ عافیت کا راستہ ہے اور ظلم کا راستہ مصیبت کا راستہ ۔ مگر عام طور پر آدمی انصاف اور عدل والے راستہ کو اختیار نہیں کرتا، اس کی وجہ یہ ہے کہ وہ اپنے بارہ میں بے لاگ رائے قائم نہیں کر پاتا۔

17 نومبر 1983

We confess little faults in order to suggest that we have no big ones.

اس بات کو دوسرے لفظوں میں اس طرح کہا جا سکتا ہے کہ جن باتوں کے اعتراف کے باوجود آدمی کی اصل شخصیت محفوظ رہتی ہے ، ان کا وہ اعتراف کر لیتا ہے ، اور جن باتوں کے اعتراف سے اس کو اندیشہ ہوتا ہے کہ اس کی اصل شخصیت مجروح ہو جائے گی ، ان کا اعتراف کرنے کے لئے وہ تیار نہیں ہوتا۔

18 نومبر 1983

قرآن عربی زبان میں ہے۔ اس لئے قرآن کو وہی شخص سمجھ سکتا ہے جو عربی زبان اچھی طرح جانتا ہو۔ عربی زبان پر بخوبی قدرت نہ ہو تو آدمی قرآن کو سمجھنے میں طرح طرح کی غلطیاں کرے گا۔

19 نومبر 1983

انسان حقیقتہ وہ ہے جس کے اندر مطلوبہ انسانی اوصاف ہوں۔ مگر دنیا میں ایسے انسان بہت کم ملتے ہیں جو پورے معنوں میں انسان ہوں۔ زیادہ تر وہ لوگ ہیں جو جزئی انسان ہیں نہ کہ کلی انسان۔

20 نومبر 1983

جی چاہتا ہے کہ آخرت میں میرا بھی یہی حال ہو اللہ تعالیٰ مجھے جنت کے ایک مکان میں داخل کرے جو میرے لئے قیاس و گمان سے بالاتر ہو ۔ میں حیرانی کے ساتھ اسے دیکھوں اور سوچوں کہ کیا یہ اسی حقیر اور کم تر انسان کے لئے ہے جو دنیا میں وحید الدین خان کے نام سے زندگی گزار رہا تھا۔

21 نومبر1983

ہے جو اپنے آپ کو ٹھنڈا رکھے :

The world belongs to the enthusiast who keeps cool.

ہر آدمی کے اندر آگے بڑھنے کا حوصلہ ہوتا ہے۔ ہرآدمی زیادہ سے زیادہ ترقی کرنا چاہتا ہے مگر موجودہ دنیا میں آدمی اکیلا نہیں ہے۔ اور حالات پر اسے مکمل قابو ہے۔ اس لئے اس دنیا میں وہی شخص کامیاب ہوتا ہے جو اپنے جوش کو ہوش کے تابع رکھے ۔ جو اپنے شوق کی تکمیل میں سرگرم ہونے کے ساتھ دوسروں کے شوق کی رعایت کرین گے۔

22 نومبر 1983

Opinion is ultimately determined by the feelings, and not by intellect.

انسان کی یہی کمزوری اس کے لئے صحیح رائے تک پہنچنے میں سب سے بڑی رکاوٹ ہے ۔یہی خاص سبب ہے جس کی بنا پر اکثر اوقات لوگ انتہائی معقول بات کو بھی سمجھ نہیں پاتے ،خواہ اس کو کتنے ہی طاقت ور دلائل سے کیوں نہ ثابت کر دیا گیا ہو۔

23 نومبر 1983

24 نومبر 1983

25 نومبر 1983

ترجمہ ایک بہت مشکل کام ہے ۔ اس کی خاص وجہ یہ ہے کہ مترجم کو بیک وقت دو زبانوں کی رعایت کرنی پڑتی ہے۔ ایک وہ زبان جس سے ترجمہ کیا جا رہا ہے ، اور دوسری وہ زبان جس میں ترجمہ کرنا مقصود ہے۔ مثلا انگریزی کا ایک مقولہ ہے:

Politics is the art of possible

اس جملہ کا لفظی ترجمہ اردو میں یہ ہوگا کہ سیاست ممکن کا فن ہے۔ یہ ترجمہ انگریزی کے لحاظ سے صحیح ہے۔ مگر اردو اسلوب کے اعتبار سے اس میں وہ معنوی زور پیدا نہیں ہوتا جو انگریزی فقرہ میں موجود ہے۔ اردو میں معنوی اعتبار سے زیادہ بہتر ترجمہ یہ ہوگا :

سیاست ممکنات کا کھیل ہے۔

اس دوسرے ترجمہ میں بیک وقت دو تصرف کیا گیا ہے۔ ایک یہ کہ (possible) کا ترجمہ واحد کے بجائے جمع کیا گیا۔ دوسرے یہ کہ (art) کا لفظی ترجمہ نہ کرتے ہوئے اس کا معنوی ترجمہ کیا گیا۔ یہاں " صحیح“ ترجمہ باعتبار اسلوب کمزور ہے، اور "غلط ترجمہ" باعتبار اسلوب زیادہ جاندار ۔ اس سے اندازہ ہوتا ہے کہ ایک زبان سے دوسری زبان میں ترجمہ کرنا کتنا مشکل کام ہے۔

26 نومبر 1983

میرے نزدیک اس قسم کے فتوے بالکل لغو تھے۔ یہی وجہ ہے کہ اگرچہ اس کی پشت پر ’’مشاہیر ‘‘ اور ’’اکابر‘‘ کے نام تھے، وہ ہوا میں اڑ گئے اور ان کا کوئی نتیجہ برآمد نہیں ہوا۔

27 نومبر 1983

میں نے کہا کہ موجودہ صورت حال اصل مسئلہ نہیں۔ اصل مسئلہ یہ ہے کہ آپ اس صورت حال کو کس زاویہ نظر سے دیکھتے ہیں۔ اگر آپ اس کو امتیاز کہیں تو اس کے نتیجے میں مایوسی کا ذہن پیدا ہوتا ہے۔ اور اگر ان کو چیلنج قرار دیں تو اس کا سامنا کرنے کا ذہن ابھرے گا۔ جس چیز کو آپ ’’امتیاز‘‘ کہہ رہے ہیں، وہ زندگی کی ایک حقیقت ہے جو ہر جگہ رہے گی، خواہ وہ مسلم ملک ہو، یا غیر مسلم ملک۔ پھر جو چیز ہر حال میں باقی رہنے والی ہ اس کے خلاف شکایت اور فریاد کرنے سے کیا فائدہ۔

موجودہ زمانہ کے مسلم رہنماؤں نے امتیاز اور تعصب اور ظلم کی کہانی اتنی زیادہ بار دہرائی کہ انہوں نے مسلمانوں کو بے حوصلہ کر دیا۔ اگر وہ ان حالات کو چیلنج کہہ کر پیش کرتے تو مسلمانوں میں مقابلہ کا حوصلہ پیدا ہوتا۔ یہ بلاشبہ تمام ظلموں سے زیادہ بڑا ظلم ہے کہ کسی گروہ کو غلط رہنمائی کے ذریعہ بے حوصلہ بنا دیا جائے۔

28 نومبر 1983

حدیث کی یہ تشریح صحیح نہیں۔ وضو سے گناہوں کا دھلنا دراصل احساس وضو کی بنا پر ہوتا ہے نہ کہ محض عمل وضو کی بنا پر ۔ بندہ مومن جب وضو کرتا ہے تو اس کا ایمانی شعور اس بدنی عمل کو روحانی عمل میں تبدیل کر دیتا ہے۔ وہ جب ایک عضو کو پانی سے دھوتا ہے تو اس کو ایسا محسوس ہوتا ہے کہ یہ عضو رحمت خداوندی سے دھل رہا ہے ۔ وہ بے اختیار کہہ اٹھتا ہے کہ خدایا جس طرح پانی نے میرے اعضاء کو دھویا ہے ، اسی طرح تو اپنی رحمت سے میرے گناہوں کو دھو دے۔ یہی" نیت " آدمی کو گناہوں سے پاک کرتی ہے نہ کہ کوئی " خود بخود" عمل ۔

29 نومبر 1983

علماء اہل سنت علی بن ابی طالب کو خلیفہ راشد قرار دیتے ہیں، اور معاویہ بن ابی سفیان کو مسلم ملوک میں پہلا ملک (سلطان) کہتے ہیں۔ اس کے باوجود دونوں کے درمیان ایک عجیب فرق پایا جاتا ہے۔

اس فرق کی وجہ کیا ہے۔ اس کی واحد وجہ یہ ہے کہ حضرت علی کے زمانہ اقتدار میں مسلمانوں کے اندر باہمی اختلاف پیدا ہو گیا۔ مسلمان دو گروہوں میں بٹ کر آپس میں لڑتے رہے۔ جب کہ حضرت معاویہ کے زمانہ اقتدار میں ابتدائی خلافت کے بعد اتحاد کی حالت قائم ہو گئی۔ اور پھر حضرت معاویہ کے آخر وقت تک باقی رہی۔ اس سے اندازہ کیا جا سکتا ہے کہ اختلاف کتنی بڑی برائی ہے اور اتحاد کتنی بڑی خوبی۔

30 نومبر 1983

واذا لحبیب اتی بذنب واحد جاءت محاسنہ بالف شفیع

ہر انسان میں خوبیاں اور خرابیاں دونوں موجود ہوتی ہیں۔ آدمی کو کسی سے محبت ہو تو اس کی خرابیوں پر اس کی خوبیاں غالب رہتی ہیں۔ اس کے برعکس، اگر کسی سے نفرت ہو جائے تو اس کی خوبیوں پر اس کی خرابیاں غالب آ جاتی ہیں۔ بہت کم لوگ ہیں جو اپنی محبت اور اپنی نفرت سے اوپر اٹھ کر کسی شخص کے بارے میں رائے قائم کر سکتے ہوں۔

24 نومبر 1983

شیخ سعدی نے گلستان میں ایک کہانی کے تحت یہ شعر لکھا ہے :

نہ بیٹی کہ چوں گر پا بر شور برآرد بچگان پیشم پلنگ