May 1983

یکم مئی 1983

حضرت عمرو بن عبیدسے ایک ادبی سوال کیا گیا تھا ، مگر انھوں نے اس کا ایک دینی جواب دیا۔ اس کا مطلب یہ نہیں کہ وہ بلاغت کے ادبی مفہوم سے ناواقف تھے ۔ اس سوال میں مجیب کا زور دراصل سوال پر نہیں بلکہ سائل پر ہے۔ مطلب یہ ہے کہ تم لوگ ادبی مسائل میں الجھے ہوئے ہو، حالانکہ تمہیں جنت اور جہنم کے مسائل کی فکر کرنی چاہئے۔

2 مئی 1983

نوجوان ویویکا نند میں جو جذبہ ابھرا تھا ، وہ ایک فطری جذبہ تھا۔ وہ خدائے واحد کو پانے کاجذبہ تھا ، مگر ان کے گرو نے ان کے جذبہ کو پھیر دیا۔ ویویکا نند توحید کی تلاش میں تھے۔ گرو نے اس کے جواب میں ان کو" ہمہ اوست “ دے دیا۔ ویویکا نند کی فطرت نہ دکھائی دینے والے خدا کو پانا چا ہتی تھی ، گرونے دکھائی دینے والی چیزوں کو خدا بنا کر ان کے سامنے رکھ دیا۔ خدا کا مسافرخدا کی مخلوق میں اٹک کر رہ گیا۔

3 مئی 1983

4 مئی 1983

ایک صاحب سے میں نے تبلیغی جماعت کے مشن اورالرسالے کے مشن کے فرق کو بتاتے ہوۓ کہا کہ تبلیغ والے فضیلت اعمال کو بتاتے ہیں اور ہم حقیقت اعمال کو بتاتے ہیں۔

5 مئی 1983

چونکہ حدیث کی زبان عربی ہوتی ہے اور عرب اقوال کی زبان بھی عربی ہوتی ہے ، اس مشابہت کی وجہ سے بہت سے عرب اقوال عام لوگوں میں اس طرح مشہور ہوگئے ہیں جیسے کہ وہ حدیث رسول ہوں ۔ مثال کے طور پر حسب ذیل مقولہ :

إتق شرمن أحسنت اليه اسکےشرسےبچوجس پرتم نےاحسان کیا ہے ۔

یہ مقولہ بذات خود بہت با معنی ہے ، وہ ایک حکیما نہ مقولہ ہے ، مگر وہ ایک عربی مقولہ ہے وہ حدیث رسول نہیں ہے ۔ اسی طرح اور بہت سے اقوال ۔

6 مئی 1983

امام ابوالحسن الاشعری( 935 - 873) بصرہ میں پیدا ہوئے اور بغداد میں وفات پائی ۔ وہ مشہور معترلی الحبالی (م 915 ) کے شاگرد تھے اور اسلام کی عقلی تشریح کیا کرتے تھے ۔ اس کے بعد انھوں نے اچانک ایک روز معتزلہ کے گروہ کو چھوڑ دیا اور اعتزال کی تردید اور اسلام کی نقلی تشریح کے امام بن گئے۔

امام ابو الحسن الاشعری کا یہ واقعہ عام مسلمانوں کے نزدیک ناحق کو چھوڑنے اور حق کو اختیار کرنے کا واقعہ ہے ۔ اس بنا پر مسلمانوں کے درمیان ان کا ایک خاص احترام پایا جاتا ہے ۔ مگر اسی واقعہ کو ایک مستشرق دوسری نظر سے دیکھتا ہے ۔ اس نے الاشعری کے ڈرامائی طور پر ترک تعلق (Dramatic renunciation)کا ذکر اس طرح کیا ہے :

7 مئی 1983

لیبیا میں ڈکٹیٹرانہ نظام ہے۔ وہاں حکومت پر تنقید کرنے کی اجازت نہیں ۔ 1976 میں جب پہلی بار طرابلس گیا تو میں نے دیکھا کہ وہاں دیواروں پر اس طرح کے فقرے لکھے ہوئے ہیں :

نحن نضرب بالحديد اذا مست الثورة

لیبیا میں جو شخص ناقدانہ ذہن رکھتا ہو وہ فوراً جان لیتا ہے کہ موجودہ نظام حکومت کے تحت وہ یہاں نہیں رہ سکتا۔ چنانچہ ایسے تمام لیبی اپنے ملک کو چھوڑ کر باہر چلے گئے۔ ان میں جو تعلیم یافتہ ( ڈاکٹر ، انجینیر وغیرہ ) تھے ، انھوں نے باہر ملازمت کر لی ۔ دوسرے لوگ باہر کے ملکوں میں تجارت کرنے لگے۔

اس قسم کے لیبیوں کی تعداد ہزاروں تک پہنچتی ہے۔ ان کو لیبیا میں الكلاب الضالة (گم راہ کئے ) کہا جاتا ہے۔ بظاہر یہ بہت ناشائستہ بات معلوم ہوتی ہے۔ مگر اسی ناشائستہ فعل میں آجکل کے تمام مسلمان مبتلا ہیں۔ وہ شخصیتیں جن کو مسلمانوں نے یا ان کے کسی حلقہ نے " اکابر" کا درجہ دے رکھا ہے، اگر کوئی شخص ان کے اوپر تنقید کرے تو اس کو اسی نوعیت کے الفاظ سے نوازا جا تاہے ، اپنے ناقدین کے حق میں کوئی شخص بھی انصاف کرنے کے لئے تیار نہیں۔

8 مئی 1983

ایک عربی جریدہ میں ایک مضمون پڑھا جس کا عنوان تھا : المنكرون لعذاب القبر ونعيه وشبهتھم والرد عليهم (دقبرکےعذاب اوراسکی نعمت کے منکرین اور ان کا شبہہ اور ان کی تر دید)

میرے نزدیک یہ دونوں باتیں غیر ضروری ہیں۔ اصل یہ ہے کہ امور غیب کے بارہ میں اس قسم کی جو حد یثیں وہ سب تمثیلی زبان( (Symbolic language میں ہیں۔ ان میں اصل حقیقت واقعہ بیان نہیں کی گئی ہے بلکہ اصل حقیقت واقعہ کو حروف تمثیل کے روپ میں واضح کیا گیا ہے۔

9 مئی 1983

ایک صاحب اپنا بال ہمیشہ خود کاٹتے ہیں۔ ان کے یہاں ایک لڑکی پیدا ہوئی تو اس کا بال بھی انھوں نے خود کاٹنا شروع کیا۔ وہ کہا کرتے تھے کہ میں نہ اپنا سر کام کے سامنے جھکاؤں گا اور نہ اپنی لڑکی کا سر۔

مگر جب لڑکی چار سال کی ہوئی تو اب اس کی تعلیم کا مسئلہ تھا ۔ انھوں نے چاہا کہ اس کو انگلش اسکول میں داخل کریں ۔ معیاری انگلش اسکولوں میں داخلہ کا قاعدہ ہے کہ وہ بچوں کا ٹسٹ لیتے ہیں تو اس کی ہر چیز کو جانچتے ہیں۔ بچی کے والد نے سوچا کہ اگر میں خود بال کاٹوں تو وہ اچھے نہیں ہوں گے اور اندیشہ ہے کہ صرف بال کے بے ڈھنگے پن کی وجہ سے بچی کا داخلہ نہ ہوسکے ۔ چنانچہ انھوں نے یہ کیا کہ ٹیسٹ کے لئے بچی کو لے جانے سے پہلے اس کو شہر کے "سیلون “ میں لے گئے اور وہاں بچی کے بال کو جد ید معیار کے مطابق درست کرایا۔

آدمی کا یہ حال ہے کہ جب تک اس کا ذاتی انٹرسٹ خطرہ میں نہ پڑے وہ غیرسنجیدہ باتیں کرتا ہے ، مگر ذاتی انٹرسٹ کے زد میں آتے ہی وہ حقیقت پسند بن جاتا ہے۔ یہ بلاشبہ انسان کی سب سے بڑی کمزوری ہے۔

10 مئی 1983

In an ill-omened hour the Cross supplanted the Crescent on the towers of Granada (p. 399).

یقیناً وہ ایک منحوس گھڑی تھی جب کہ تاریخ یورپ کا یہ واقعہ ہوا ۔ مسلمانوں نے پسماندہ اسپین کو علم وفن کا مرکز بنا دیا تھا ۔ مگر عیسائیوں کے مجنونانہ تعصب کی وجہ سے مسلمانوں کو اسپین سے نکلنا پڑا اور نہ صرف اسپین بلکہ سارے یورپ میں ترقی کی رفتار سیکڑوں سال پیچھے ہوگئی ۔

فرانس کے محاذ پرعرانوں کی ناکامی نے دنیا کی ترقی کو صدیوں کے لئے روک دیا مسلمانوں کی نا اتفاقی کا نتیجہ یہ ہوا کہ فرینک (Franks) کے بادشاہ چارلس مارٹل Charles Martel) نے تورس Tours) ) کے مقام پر 732ء میں مسلمانوں کو شکست دی۔ اس کے نتیجہ میں مسلمانوں کی یورپ کی طرف پیش قدمی رک گئی۔

اسلام کے زیر اثر سائنس ترقی کی منزلیں طے کر رہی تھی ۔ مگر عیسائیت کے زیر اثر صدیوں تک کے لئے علمی ترقی ٹھپ ہوکر رگئی۔

11 مئی 1983

ڈائری کی بہت سی باتیں جو سوال وجواب یا گفتگو کے انداز میں نہیں لکھی گئی ہیں بلکہ مضمون کے انداز میں ہیں ، وہ حقیقتہ کسی سے گفتگو کا خلاصہ ہیں جس کومضمون کی صورت میں درج کر دیا گیا ہے۔ اس کو مکالمہ کی بدلی ہوئی مشکل سمجھنا چاہئے ۔

12 مئی 1983

یہ ایک چھوٹی سی مثال ہے جس سے اندازہ ہوتا ہے کہ مسلمان بعد کے زمانہ میں کس طرح غیر ضروری بحثوں میں مبتلا ہوگئے ۔ حتی کہ جس بحث میں انھیں پڑنے سے منع کیا گیا تھا ، اس میں بحث کرکے آٹھ مختلف رائیں بنا ڈالیں۔ اسلامی طریقہ یہ ہے کہ صرف ان امور میں بحث کی جائے جو حقیقی عملی ضرورت ہو ۔ جو چیز صرف ذہنی بحث کا درجہ رکھتی ہو ، اس سے کامل پرہیز کیا جائے ۔ مگر جب قوموں پر زوال آتا ہے تو اس کے افراد ذہنی بحث اور عملی ضرورت کا فرق نہیں سمجھ پاتے۔ وہ ایسی بحثوں میں پڑ جاتے ہیں جن میں الجھھنا وقت کی بربادی کے سوا اور کچھ نہیں ۔

13 مئی 1983

کیسی کیسی بدعتیں ہیں جو بعد کے لوگوں نے دین میں نکالیں۔

14 مئی 1983

اس معاہد ہ سے معلوم ہوتا ہے کہ دوسرے مذاہب کے معاملہ میں اسلام کا مزاج کیا ہے ۔ مگر ہندستان کے مسلمانوں کو اسلام کے اس مزاج کی کوئی خبرنہیں ۔ وہ بے طاقت ہوتے ہوۓ وہ کام کرنا چاہتے ہیں جو طاقت کی حالت میں بھی دور اول کے مسلمانوں نے نہیں کیا۔

15 مئی 1983

آسمان راحق بود گرخوں ببارد بر زمین برزوال ملک مستعصم امیرالمومنین

اسی ہلاکو کا پر پوتا غازان خان تھا ۔ وہ نہ صرف ایک ظالم ترین انسان کی نسل سے تعلق رکھتا تھا بلکہ خود اس کی تربیت بدھسٹ کی حیثیت سے ہوئی تھی ۔ اپنی ابتدائی تعلیم وتربیت کے اعتبار ہے وہ بدھرم کا ایک فرد تھا۔ مگر یہ غازان خان 1295ء میں اس حال میں تخت سلطنت پر بیٹھا کہ وہ اسلام قبول کر چکا تھا۔ اس نے اپنی بقیہ زندگی اسلام کے پرجوش خادم کی حیثیت سے گزاری۔

یہ ایک مثال ہے جس سے اندازہ ہوتا ہے کہ ظالم بھی کسی وقت دوست بن جاتے ہیں۔ اور اسی طرح تعلیم وتربیت پر دوسرے عوامل فائق ترثابت ہوتے ہیں ۔

16 مئی 1983

یہاں اپنے بندے (عبادا لنا )سے مراد نبوخذنصر( (Nebuchadnezzar II اور اس کی فوج ہے۔ اس نے پہلی بار 597 ق م میں یہودی سلطنت پر حملہ کیا۔ دوسری بار وہ 586 ق م ق میں بڑے لشکر کے ساتھ پروشلم میں داخل ہوا اور یہود کے مقدس شہر کو بالکل برباد کر دیا۔ ان حملوں میں اس نے بے شمار یہودیوں کو قتل کیا۔ بے شمار یہودیوں کو غلام بنا کر اپنے ملک (بابل) لے گیا اور یہود کے مقدس عبادت خانہ کومسمار کر دیا۔

17 مئی 1983

میں نے کہا کہ جو بات میں نے مضمون میں لکھی ہے ،اس کا جواب دینے کا ذمہ دار میں ہوں۔ آپ متعین سوال کریں تو میں اس کی وضاحت کروں گا۔ باقی جو بات میں نے نہیں لکھی ہے آپ نے بطور خود محسوس فرمائی ہے ، اس کا معاملہ اللہ کے ذمہ ہے جو عالم الغیب ہے۔ آپ قیامت کے دن اس کی بابت اللہ سے پوچھ لیجئے گا۔

18 مئی 1983

ایک حقیقی دلیل اس دنیا میں خدا کی نمائندہ ہے ۔ جو شخص دلیل کے آگے جھکے ، وہ خدا کے آگے نہیں جھکا۔ ایسا شخص آخرت میں اس حال میں حاضر ہو گا کہ وہاں وہ اپنا نام خدا کو نہ ماننے والوں کی فہرست میں لکھا ہوا پائے گا، خواہ دنیا میں وہ اپنا نام خدا کو ماننے والوں کی فہرست میں لکھاۓ ہوۓ ہو۔

19 مئی 1983

صبح کوفجرسے پہلے نیند کھلی۔ ابھی میں بستر پر تھا اور آنکھ بند کئے ہوئے تھا کہ اچانک خدا کا ایک کرشمہ یاد آیا اور میں حیرت میں ڈوب گیا۔

آنکھ کا معاملہ یہ ہے کہ اگر آپ اس کو بند کرلیں تب بھی وہ نارمل حالت میں محسوس ہوتی ہے۔ اور اگر کھلا رکھیں تب بھی نارمل حالت میں ۔ دونوں میں سے کسی حالت میں بھی کسی قسم کا بوجھ محسوس نہیں ہوتا ۔ جب کہ منھ کا معاملہ اس کے برعکس ہے ۔ منہہ کی نارمل حالت یہ ہے کہ اس کو بند رکھا جائے ۔ اگر آپ منھ کو کھولیں اور اس کو دیر تک اسی حالت میں رکھیں تو سخت زحمت محسوس ہوگی اور جی چاہے گا کہ اس کو بند کر لیا جائے ۔

ایک ہی جسم میں دواعضاء کے بارہ میں دو الگ الگ اصول ہونا بے حد حیرت ناک ہے۔ یہ خدا کی منصوبہ بندی کے کمال کو بتاتا ہے ۔ مثلا اگراللہ تعالی نے آنکھ کا اصول بھی وہی رکھا ہوتا جومنھ کا اصول ہے تو کلی طور پر ہم کو سخت دشواری پیش آتی ۔

خدا کی ان گنت صفتیں ہیں۔ انھیں میں سے ایک صفت یہ ہے کہ منصوبہ تخلیق کے تمام امکانی پہلوؤں کو وہ پیشگی طور پر سوچ سکا۔ انسان ایک مشین یا ایک مکان بناتا ہے توعملی تجربہ کے بعد اس پر کھلتا ہے کہ فلاں پہلو کی رعایت وہ نہ کر سکا ۔ مگر خدا نے کسی بھی تجربہ کے بغیرپیشگی طور پر تمام ممکن پہلووں کو اس طرح جان لیا کہ ایک بار تخلیق کر دینے کے بعد پھراسے کبھی ترمیم اور نظرثانی کی ضرورت پیش نہیں آتی۔

20 مئی 1983

گھوڑا جب سڑک پر دوڑتا ہے تو پختہ زمین پر اس کی ٹاپوں کے ٹکراؤ سے چنگاریاں نکلتی ہیں ۔ یہ ایک چھوٹی سی مثال ہے جو بتاتی ہے کہ دوچیزوں کے ٹکرانے سے نئی نئی چیزوں کا ظہور ہو تا ہے ۔ اگر ٹکراو ختم ہو جائے تو نئی چیزوں کا ظہور بھی نہ ہوسکے۔ ۱

21 مئی 1983

حضرت عمرفاروق کا یہ قول علم و دانش کی اعلی ترین مثال ہے۔ علم کی یہ قسم کسی درسگاہ سے حاصل نہیں ہوتی ۔ یہ وہ علم ہے جو تقوی کے ذریعہ کسی کے اندر پیدا ہوتا ہے۔

22 مئی 1983

It is a great misfortune neither to have enough wit to talk well

nor enough judgement to be silent.

Jean De La Brupere

23 مئی 1983

میں نے کہا کہ الحرب خدعة دراصل الدفاع خدعة کےمعنی میں ہے۔ یہ جنگ بمعنی جارحیت کا اصول نہیں ہے بلکہ جنگ بمعنی بچاؤ کا اصول ہے ۔ الکشن میں تو آدمی خود سے کودتا ہے، وہ چاہے تو نہ کودے ۔ مگر بچاؤ یا دفاع اس لڑائی کا نام ہے جب یک طرفہ طور پر کوئی دوسرا شخص اس کے اوپر حملہ آور ہو اور اس کو ایسے حالات میں مبتلا کر دے کہ وہ اپنے بچاؤ کی خاطر لڑنے پر مجبور ہو جائے۔ ایسی یکطرفہ جارحیت کے مقابلے میں (خواہ وہ مسلح ہو یا غیر مسلح) اس سے اپنے آپ کو بچانے کے لئے تدبیری طور پر" خدعہ " کا فعل کرنا جائز ہے ۔

مثال کے طور پر رسول اللہ صلی اللہ علیہ وسلم کو ہجرت کے وقت مکہ سے مدینہ جانا تھا۔ مگر آپ نے مکہ سے نکل کر چند دن غار ثور میں قیام فرمایا جو کہ مدینہ کے الٹے رخ پر ہے۔ اسی طرح آپ کا طریقہ تھا کہ جب کسی مہم میں مشرق کی طرف روانہ ہونے والے ہوتے تو لوگوں سے مغرب کے راستہ کی تفصیلات پوچھتے تاکہ لوگ اس مغالطہ میں رہیں کہ آپ مغرب کی طرف سفر کرنے والے ہیں۔ اسی تد بیرکو شریعت میں توریہ کہا جا تا ہے۔

24 مئی 1983

The one serious convictions that a man should have is that nothing is to be taken too seriously.

(Nicholas Murray Butler)

اس میں شک نہیں کہ کچھ چیزیں حق ہیں ، اور اصولا وہ ہمیشہ حق رہیں گی اور کچھ چیزیں باطل ہیں ، اور وہ ہمیشہ باطل رہیں گی۔ مگر موجودہ مقابلہ کی دنیا میں اکثر ایسا ہوتا ہے کہ اصولی تقاضے اور عملی تقاضے میں ٹکراؤ ہو جاتا ہے۔ ایسے مواقع پر عملی ضرورت کی بنا پر آدمی کو اپنے اندر لچک پیدا کرنی پڑتی ہے۔ اگر وہ لچک پیدا نہ کرے تو اس کا دوسرا انجام صرف یہ ہو گا کہ وہ تباہ و برباد ہوکر رہ جائے گا۔

جو آدمی عملی پہلوؤں کی رعایت نہ کر سکے اس کی مثال ایسی بائیسکل کی ہے جس کا ہنڈل پوری طرح کس دیا گیا ہو، اور وہ دائیں بائیں نہ گھومے ۔ ایسی بائیسکل کے لئے یہی مقدر ہے کہ وہ کسی کھڈ میں جاگرے ۔

25 مئی 1983

انسان کی سب سے بڑی کمزوری یہ ہے کہ وہ کمزور ہے، خدا کی سب بڑی طاقت میں ہے کہ وہ طاقت ور ہے ۔ انسان کا کمزور ہونا اس کی تمام دوسری حیثیتوں کو باطل کر دیتاہے۔ اور خدا کا طاقت ور ہونا اس کو یہ مطلق حیثیت دے دیتا ہے کہ وہ ہر حال میں انسان کو مغلوب اور مقہور کر سکے۔

یہی وہ مقام ہے جہاں انسان کی عبدیت اپنی آخری شکل میں نمایاں ہو جاتی ہے ۔ کسی شخص کا سفر معرفت اس وقت تک مکمل نہیں ہوتا جب تک وہ اس حقیقت کو نہ جان لے کہ وہ عجز کی انتہا پر ہے اور خدا قدرت کی آخری انتہا پر ۔ اسی ادراک کے بعد آدمی کو ایمان کا ذائقہ ملتا ہے ، اور اسی ادراک کے بعد آدمی کے اندر وہ تمام صفات پیدا ہوتی ہیں جن کو ایمانی صفات کہا جاتا ہے۔

26 مئی 1983

چنانچہ طب نبوی کے موضوع پر بہت سے لوگوں نے کتابیں تصنیف کی ہیں۔ مثلا ابونعیم عبداللہ اصفہانی ، ابن قیم جوزی ، شمس الدین محمد بن احمد ، وغیرہ وغیرہ ۔ عربی کے علاوہ دوسری زبانوں میں بھی اس موضوع پر کتابیں لکھی گئی ہیں ۔ مثلا ڈاکٹر سائرل الگوڈ نے انگریزی میں ایک کتاب شائع کی ہے جس کا نام ہے :

Medicine of the Prophet

27 مئی 1983

غزوہ موتہ ( 8ھ ) میں اسلامی لشکر کے تین سردار ایک کے بعد ایک شہید ہوگئے _جعفر بن ابی طالب ، زید بن حارثہ ، عبداللہ بن ابی رواحہ ۔ اس کے علاوہ بہت سے صحابہ شہید ہوئے ۔ آخر میں خالد بن ولید کو اسلامی لشکر کا سردار بنایا گیا۔ انھوں نے دیکھا کہ فریق ثانی کا لشکر بہت زیادہ بڑا ہے، اس کے مقابلہ میں اسلامی لشکر بہت زیادہ کم ہے ۔ ایسی حالت میں لڑائی جا ری رکھنے کا مطلب یہ ہے کہ بقیہ مسلمان بھی ہلاک ہو جائیں۔ اگر چہ یہ لوگ نہایت بہادر تھے۔ اورتمام لوگ لڑنے کے لئے پوری طرح تیار تھے۔ مگر خالد بن ولید نے نہایت ہوشیاری کے ساتھ اسلامی لشکر کو پیچھے ہٹالیا اور مدینہ واپس آگئے۔

28 مئی 1983

Few people are capable of expressing with equanimity opinions which differ from the prejudices of their social environment.

بیشتر لوگوں کا حال یہ ہے کہ وہ اپنے قریبی حالات اور اپنے ماحول کی روایات کے دائرہ میں سوچتے ہیں۔ ماحول کی سوچ ہی ان کی اپنی سوچ بھی بن جاتی ہے ۔ یہی وجہ ہے کہ کوئی ایسی بات کہنا ان کے لئے مشکل ہو جا تا ہے جو ان کے ماحول کی سوچ سے الگ ہو ۔ مگر اس دنیا میں سچائی کو پانے والا صرف وہ شخص ہے جو اپنی قریبی حالات سے اوپر اٹھ کر سوچ سکے۔

29 مئی 1983

اس زمانہ کی بات ہے جب کہ بادبان کے ذریعہ کشتیاں چلا کرتی تھیں ۔ ایک بار کچھ لوگ کشتی پر سوار ہو کر جارہے تھے۔ ہواکسی قدر مخالف تھی جس کی وجہ سے کشتی کو آگے بڑھانے میں سخت مشکل پیش آرہی تھی۔ ایک مسافر نے شکایت کی ۔ دوسرے شخص نے کہا :

تجرى الرياح بما لا تشتهي السفن

30 مئی 1983

پانچو گون زیلز (Pancho Gonzales) ٹینس کا مشہور کھلاڑی ہے۔ وہ 9مئی 1928 کو لاس اینجلس میں پیدا ہوا۔ اس نے اپنے کھیل میں بہت سے انعامات جیتے اور بڑی بڑی کامیابیاں حاصل کیں۔ مگر وہ کہتا ہے کہ میں سب سے زیادہ جس واقعہ سے محظوظ ہوا ، وہ کامیابی کا واقعہ نہ تھا۔ یہ وہ واقعہ تھاجب کہ آرتھر آشے نے اس کو ھرایا :

اسی کا نام اسپورٹس مین اسپرٹ ہے. سچا سپورٹس مین ہار جیت کو نہیں دیکھتا بلکہ کھیل کو دیکھتا ہے۔ ایک شخص اگر اچھے کھیل کا مظاہرہ کرے تو وہ اس سے اتنا زیادہ محظوظ ہوتا ہے کہ وہ بھول جاتا ہے کہ اس شخص نے خود مجھ کو شکست دے دی ہے۔ وہ اپنی ذات کے بجائے فن کو دیکھنے لگتا ہے۔ اس کے حریف نے اگر اس کو کسی اعلی فن کاری کے تحت اسے ہرایا ہے تو وہ اس فن کاری میں اتنا محو ہو جاتا ہے کہ اپنی ذات اس کو یاد نہیں رہتی ۔

31 مئی 1983

ایک مشکل ہے جو اکثر زبانوں میں کسی نہ کسی شکل میں پایا جاتا ہے ۔۔۔ جو لوگ شیشے کے مکان میں رہتے ہوں ، انھیں دوسروں کے اوپر پتھر نہیں پھینکنا چاہئے :

People who live in glass houses shouldn't throw stones.

اس کا مطلب یہ ہے کہ جو لوگ کسی وجہ سے کمزور پوزیشن میں ہوں انھیں اپنے طاقت ور سے جنگ نہیں چھیڑنا چاہئے۔ کیوں کہ ایسی جنگ کا نیتجہ خود ان کے اپنے خلاف برآمد ہوگا۔ مگرموجودہ زمانہ کے مسلمان تقریبا بلا استثناء یہی کر رہے ہیں۔ وہ ایک طاقت ور کے خلاف نہایت احمقانہ طور پر جنگ چھیڑ دیں گے اور اس کے بعد جب اس کا قدرتی خمیازہ بھگتنا ہو گا تو فریق ثانی کو ظالم قرار دے کر اس کے خلاف شکایت اور احتجاج کی لفظی مہم شروع کر دیں گے۔

کوئی شخص یا گروہ جب دوسرے کے مقابلہ میں کمزور پوزیشن میں ہو توعمل کا آغاز ٹکراو سے نہیں کیا جائے بلکہ داخلی تیاری اور اندرونی استحکام سے کیا جاتا ہے۔ مگر عجیب بات ہے کہ موجودہ زمانہ کے مسلمان اس سادہ سی بات کو اب تک سمجھ نہ سکے