Jazbati na bano

جذباتی نہ بنو۔ 1982 عیسوی کے آخر میں دہلی میں ایشیائی کھیلوں کے مقابلے ہوئے، جن کو عام طور پر "ایشیارڈ" کہا جاتا ہے۔ ان کھیلوں میں مجموعی طور پر انڈیا نے 13 سونے کے میڈل حاصل کیے، اور پاکستان نے صرف 3۔ مگر خود انڈیا اور پاکستان کے درمیان یکم دسمبر 1983 عیسوی کو جو مقابلہ ہوا، اس میں پاکستان کے مقابلے میں ہندوستانی ٹیم بری طرح ہار گئی۔

یہ دونوں کے درمیان ہاکی فائنل کا مقابلہ ہوا، اور انڈیا 1987 کے تناسب سے پاکستانی ٹیم سے ہار گیا۔ ایشیارڈ کے تمام کھیلوں کے مقابلے میں یکم دسمبر کا یہ کھیل سب سے زیادہ ہندوستانیوں کی توجہ کا مرکز تھا۔ اس دن غیر معمولی زور و شور تھا۔ اس دن غیر معمولی زور و شور رہا۔

چنانچہ جب نتیجہ سامنے آیا تو ہمارے لکھنے اور بولنے والوں نے خوب خوب تبصرے کیے۔ ان تبصروں میں ایک تبصرہ خاص طور پر بہت سب خاموش تھا: "ایوننگ نیوز 2 دسمبر 1982 عیسوی نے کل کے دن کیا غلطی ہوئی؟ " "What went wrong yesterday? " کے عنوان سے ایک رپورٹ چھاپی تھی۔

اس میں رپورٹر نے بہت سے ہندوستانیوں کے تبصرے درج کیے تھے۔ ایک سینئر جرنلسٹ کے حوالے سے یہ جملہ نقل کیا گیا تھا: "Whenever Indians play against Pakistan they are all nervous, and this affects their game. " جب بھی ہندوستان والے پاکستانیوں سے کھیلتے ہیں تو وہ بالکل جذباتی ہو جاتے ہیں، اور یہ چیز ان کے کھیل کو متاثر کرتی ہے۔ کامیابی ہمیشہ اس کا نام ہوتی ہے کہ آدمی اپنی عقل کو بخوبی طور پر کام میں لائے۔

مگر جب آدمی کسی معاملے میں جذباتی ہو جائے تو اس کے جذبات اس کی عقل پر چھا جاتے ہیں۔ وہ اس قابل نہیں رہتا کہ اپنی عقل کو صحیح طور پر استعمال کر سکے۔ اور مقابلے کی اس دنیا میں عقل کو صحیح طور پر استعمال نہ کرنے ہی کا دوسرا نام ناکامی ہے۔ اگر آج کسی سے آپ کو تکلیف پہنچے تو سوچ سمجھ کر کل اس کا جواب دیجئے۔

کسی کی ایک کارروائی سے آپ کے اندر غصہ پیدا ہو تو پہلے اپنے غصے کو ٹھنڈا کیجئے، اور اس کے بعد اس کے مقابلے کے لیے اٹھیے۔ کوئی شخص آپ کو حقیر معلوم ہو تو اپنے ذہن میں اس کو برابر کی سطح پر لائیے، اور پھر اس کے خلاف کارروائی کیجئے۔ یہی اس دنیا میں کامیابی کا واحد راز ہے۔ کتاب "اسباق تاریخ" مولانا وحید الدین خان، صفحہ نمبر 359۔