ناقابل فہم

مسلمانوں میں جو لوگ سلمان رشدی کے قتل کی وکالت کر رہے ہیں و ہ شتم رسول کے مسئلہ کو اس طرح بیان کرتے ہیں گویا کہ یہ کوئی عام اور مطلق حکم ہے۔ یعنی یہ کہ جب بھی کوئی شخص رسول پر سب و شتم کرے، اس كو فوراً قتل كرديا جائے۔ ازروئے مسئله اس ميں مسلم اور غير مسلم كي تخصيص نهيں۔اسی طرح اس کا تعلق کسی ایک پیغمبر سے بھی نہیں ہے بلکہ تمام پیغمبروں سے ہے۔ قرآن میں جن پیغمبروں کا ذکر ہے ان میں سے کسی ایک پیغمبر پر سب شتم کرنا فوراً آدمی کو گردن زدنی قرار دے دیتا ہے۔

جن علماء اورفقہاء کے یہاں یہ مسئلہ ہے کہ سب و شتم کرنے والا شخص واجب القتل ہے، وہ ان کے نزدیک صرف پیغمبر اسلام صلی اللہ علیہ وسلم کے لیے نہیں ہے بلکہ خدا کے تمام پیغمبروں کے لیے ہے ۔ امام ابن تیمیہ نے اپنی کتاب میں ایک مستقل باب اس عنوان کے تحت قائم کیا ہے کہ

اس باب کے تحت ابن تیمیہ نے لکھا ہے کہ تمام پیغمبروں کو سب و شتم کرنے کا وہی حکم ہے جو ہمارے پیغمبر کو سب وشتم کرنے کا حکم ہے۔ پیغمبروں میں سے جس پیغمبر کو بھی کوئی شخص سب و شتم کرے وہ کافر ہے اور اس کا خون حلال ہے۔(’’الحُكْمُ في سَبِّ سائِرِ الأَنْبِياءِ كالحُكْمِ في سَبِّ نَبِيِّنا... إِنَّ سابَّهُم كافِرٌ حَلالُ الدَّمِ‘‘ (الصارم المسلول علی شاتم الرسول، صفحہ565)۔

ایک طرف اس مسئلہ کو سامنے رکھیے۔ دوسری طرف یہ دیکھیے کہ فقہاء کے یہاں سب و شتم کا دائرہ اس قدر وسیع ہے کہ کسی نبی کی اشارہ سے بھی تحقیر کرنا شتم میںداخل ہے۔ ایک مثال اس کو واضح کرتی ہے۔ امام ابو یوسف نے ایک مرتبہ یہ حدیث بیان کی کہ رسول اللہ صلی اللہ علیہ وسلم کھانے میں کدو پسند کرتے تھے اور اس کو رغبت سے کھاتے تھے۔ اس پر جماعت میں سے ایک شخص اٹھا اور اونچی آواز سے کہنے لگا کہ مجھے کدو پسند نہیں ۔ امام ابو یوسف نے اس کے اس کلام کو شتم قرار دیا اور اس کے قتل کا حکم دے دیا۔ آخر کار اس شخص نے تو بہ کی اور (حنفی مسلک کے مطابق) اس کی معافی ہوئی۔

اسی واقعہ پر علامہ انور شاہ کشمیری نے یہ شعر کہا ہے کہ ابو یوسف نے ایک شخص کو یہ کہنے پر قتل کر دیے جانے کا حکم دے دیا کہ مجھے کدو پسند نہیں، اور وہ وقت معافی کا نہ تھا

(اکفار الملحدین فی ضروریات الدین، صفحہ 111) ۔اب اگر مسئلہ وہی ہو جو بظاہر اوپر کے بیان میں نظر آتا ہے تو علماء اسلام کو چاہیے تھاکہ ایسے تمام شاتمین کے بارے میں قتل کا فتویٰ دیں۔ اور پھر عام مسلمانوں سے یا مسلم حکومتوں سے یہ کہیں کہ وہ انھیں فوراً قتل کردیں۔ مگر حال یا ماضی کی تاریخ میں کبھی ایسا نہیں کیا گیا۔

مرزا غلام احمد قادیانی کے اسی قسم کے سب وشتم کی بنا پر اس کے بارے میں علامہ انور شاہ کشمیری نے یہ شعر کہا ہے کہ( غلام احمد قادیانی کے ہاتھوں) ایک اولوالعزم پیغمبر کو تمہارے سامنے گالی دی جا رہی ہے۔ یہ ایسا جرم ہے کہ قریب ہے کہ آسمان اور زمین پھٹ پڑیں

’’يَسُبُّ رَسُولًا مِن أُولِي العَزْمِ فِيكُمْ، تَكَادُ السَّمَاءُ وَالأَرْضُ تَنفَطِرَانِ‘‘

(اکفار الملحدین فی ضروریات الدین، صفحہ 108)۔ رسول پراس سب و شتم کے باوجود مولانا کشمیری نے اور نہ دوسرے علماء نے یہ کہا کہ مرزا غلام احمد قادیانی کو قتل کردو۔ قادیانی اپنے کھلے ہو ئے سب و شتم کے باوجود زندہ رہا۔ یہاں تک وہ اپنی طبعی موت سے مر کر خدا کے یہاں پہنچ گیا۔

مثال کے طور پر علامہ اقبال کی ایک نظم نظام الدین اولیاء کے بارے میں ہے۔ اس کاعنوان ’’ التجائے مسافر‘‘ ہے۔ اس نظم کے دومصرعے یہاں نقل کیے جا تے ہیں ۔ اس میں پیغمبر کے اوپر غیرپیغمبر کو بلند مر تبہ بتایا گیا ہے جو ہر تعریف کے مطابق شتم رسول ہے