Amn ke faaidey.

امن کے فائدے: دنیا کے تمام اچھے کام پرامن کوشش کے ذریعے ہوئے ہیں؛ تشدد کی طاقت سے کبھی کوئی اچھا کام نہیں ہوا۔ کوئی پل، کوئی سڑک کبھی بھی تشدد کی طاقت سے نہیں بنے۔ سائنس کی دریافتیں اور ٹیکنالوجی کی ترقیاں کبھی تشدد کی طاقت سے ظہور میں نہیں آئیں۔ تعلیم گاہیں اور تحقیق کے ادارے کبھی تشدد کی طاقت سے نہیں بنے۔

لوہے کا مشین میں ڈھلنا یا سٹی پلاننگ جیسے کام امن کے ذریعے انجام پائے، نہ کہ تشدد کے ذریعے۔ سماجی فلاح سے لے کر انفراسٹرکچر تک ہر کام ہمیشہ پرامن تدبیروں کے ذریعے تکمیل پذیر ہوئے ہیں۔ تشدد ایک تخریبی عمل ہے، اور ایک تخریبی عمل کے ذریعے کبھی کوئی تعمیری واقعہ ظاہر نہیں ہو سکتا۔ یہ فطرت کا قانون ہے، اور فطرت کے قانون میں تبدیلی ممکن نہیں۔

کتاب "مسائل اجتہاد"، مولانا وحید الدین خان، صفحہ نمبر 255۔