استدلال كي بنياد

اس قسم كے مفكروں اور فلسفيوں نے تقريباً سو سال تك دنيا بھر كے ذهنوں كو يه يقين دلانے كي كوشش كي كه جو چيز مشاهدے ميں نه آئے وه حقيقت بھي نهيں۔ ان نظريات كے تحت وه فلسفه پيدا هوا جس كو سائنسي الحاد(scientific atheism)كها جاتاهے۔ ان نظريات كے مطابق، خدا اور مذهب كا عقيده علمي اعتبار سے بے بنياد ثابت هوگيا۔

علمي حلقوں ميں سائنسي الحاد پر چرچا جاري تھا كه خود سائنس نے اس نظريے كو بے بنياد ثابت كرديا۔ سائنس ميں يه تبديلي اس وقت آئي جب كه سائنس دانوں نے اس حقيقت كو دريافت كيا، جس كو كوانٹم ميكنكس (quantum mechanics)كهاجاتاهے۔ اس سائنسي نظريے كا ايك نتيجه يه تھا كه ايٹمي ذرّات كو امواج (waves) سمجھا جانے لگا۔ اس سائنسي دريافت ميں خاص طورپر حسبِ ذيل سائنس دانوں كے نام شامل هيں

Erwin Schrödinger (1887-1961)

Albert Einstein (1879-1955)

Werner Heisenberg (1901-1976)

Pascual Jordan (1902-1980)

Paul Dirac (1902-1084)

اس سائنسي دريافت نے قديم نيوٹینين ميكينكس كو علمي طور پر قابلِ رد قرار دے ديا۔ اب علم كا دريا عالم كبير (macro world) سے گزر كر عالم صغير (micro world)تك پهنچ گيا، يعني دكھائي دينے والي چيزوں كے علاوه نه دكھائي دينے والي چيزيں بھي علم كا موضوع بن گئيں۔

يه ايك دور رس فكري انقلاب تھا جو بيسويں صدي كے نصف اول ميں پيش آيا۔ اس كے نتيجے ميں جو نظرياتي تبديلياں هوئيں، ان ميں سے ايك اهم تبديلي يه تھي كه استدلال كا اصول (principle of reason) بدل گيا۔ اس فكري انقلاب سے پهلے يه سمجھا جاتاتھا كه جائز استدلال (valid argument) وهي هے، جو براهِ راست استدلال (direct argument) هو، يعني مشاهده اور تجربه پر مبني استدلال۔ مگر اب استنباطي استدلال (inferential argument)بھي يكساں طورپر جائز استدلال بن گيا۔ جب جوهري ذرّات (subatomic particles) ناقابلِ مشاهده هونے كے باوجود صرف استنباطي استدلال كي بنياد پر ايك سائنسي واقعه تسليم كرليے گئے تو لازمي طور پر اس كا مطلب يه بھي تھا كه استنباطي استدلال كي بنياد پر خدا كا استدلال بھي عين اسي طرح جائز سائنسي استدلال هے۔

علمائے الٰهيات خدا كے وجود پر ايك دليل وه ديتے تھے، جس كو ڈزائن سے استدلال (argument from design) كهاجاتاهے۔ يعني جب ڈزائن هے تو ضروري هے كه اس كا ايك ڈزائنر هو۔ اس استدلال كو پهلے ثانوي استدلال (secondary rationalism)مانا جاتا هے۔ مگر اب جديد سائنسي انقلاب كے بعد يه استدلال بھي اسي طرح ابتدائي استدلال (primary rationalism) كي فهرست ميں آچكا هے، جيسا كه دوسرے معروف سائنسي استدلالات۔