تاريخ كے فكري مغالطے

فلسفي سِرِّ حقيقت نه توانست كشود گشت رازِ دیگرآں راز كه افشامي كرد

فلسفه نے انسان كو جو چيزيں ديں، ان كو ايك لفظ ميں فكري مغالطه كهاجاسكتاهے، يعني ايسے قياسات جو حقيقتِ واقعه پر مبني نه هوں۔ افكار كي تاريخ ان مثالوں سے بھري هوئي هے۔

تمام فلسفيوں كي مشترك غلطي يه رهي هے كه هر ايك كے ذهن ميں چيزوں كا ايك معياري ماڈل (ideal model) بسا هوا تھا، جو كبھي اور كسي دور ميں حاصل نه هوسكا۔ اس كا سبب يه تھا كه فلسفيوں كا يه ماڈل دنيا كے بارے ميں خالق كے تخليقي نقشے سے مطابقت نه ركھتا تھا۔ خالق نے موجوده دنيا كو امتحان كے ليے پيدا كيا هے، نه كه انعام كے ليے۔ اسي امتحان كے ليے انسان كو آزادي دي گئي هے۔ يه امتحاني آزادي اس راه ميں ركاوٹ هے كه اس دنيا ميں كبھي كوئي معياري نظام بن سكے۔

معياري نظام صرف اس وقت بن سكتاهے جب كه تمام لوگ بغير استثنا اپني آزادي كو بالكل صحيح صورت ميں استعمال كريں، تاهم مختلف اسباب سے ايسا هونا كبھي ممكن نهيں۔ اس ليے اس دنيا ميں معياري نظام كا بننا بھي كبھي ممكن نهيں۔ تاريخ كے تمام فلسفي اس حقيقت سے بےخبر تھے۔ يهي وجه هے كه تمام فلسفي اپنے ذهني ماڈل كے مطابق، معياري نظام كا خواب ديكھتے رهے۔ مگر فطرت كے قانون كے مطابق، ان كا يه خواب كبھي پورا نه هوسكا۔ يهاں بطور نمونه چند مثاليں درج كي جاتي هيں۔