Shak se bachiye

شک سے بچیے۔ جو لوگ آخرت کو یا امورِ غیب کو نہیں مانتے، وہ کس نفسیات کے تحت ایسا کرتے ہیں؟ اس کو قرآن کی سورہ نمبر 27 میں بیان کیا گیا ہے۔ فرمایا کہ اس کی وجہ یہ ہے کہ آخرت کے بارے میں ان کا علم الجھ گیا ہے، بلکہ وہ اس کے بارے میں شک میں مبتلا ہیں، بلکہ وہ اس سے اندھے بنے ہوئے ہیں۔

بل الدارك علمهم في الآخرة بل هم في شكٍ منها بل هم منها عموماً. النمل 66۔ اس آیت میں "الدارکہ" کا لفظ بے حد اہم ہے۔ "الدارکہ" کی اصل "تدارکہ" ہے، پھر ادغام کے اصول کے مطابق "ت" کا حرف دال میں مدغم ہو گیا۔

لسان العرب، جلد 10، صفحہ 419۔ "الدارکہ" یا "تدارکہ" کے ابتدائی معنی ہیں: باہم مل جانا۔ خُرآن میں ہے کہ حَتَّىٰ إِذَا ادْعَرَكُوا فِيهَا جَمِيعًا یعنی یہاں تک کہ جب وہ سب لوگ اس میں اکٹھا ہو جائیں گے۔ مختلف چیزیں جب اکٹھا ہوتی ہیں تو اس کا ایک نتیجہ اختلاط کی صورت میں نکلتا ہے، یعنی چیزیں باہم مل کر گڈمڈ ہو جاتی ہیں۔

اس طرح "الدارکہ" میں اختلاط اور گڈمڈ ہونے کا مفہوم پیدا ہو گیا۔ مذکورہ آیت میں اس لفظ کا یہی "نتیجہ" والا مفہوم مراد ہے۔ یعنی آخرت کے بارے میں مختلف رائےوں کی وجہ سے ان کے اندر ذہنی الجھن کی کیفیت پیدا ہوئی، جو بالآخر شک اور اندھے پن تک پہنچ گئی۔ موجودہ دنیا دارالامتحان ہے۔

اس مصلحت کی بنا پر یہاں التباس الانعام 9 کا قانون جاری ہے۔ یہاں حقیقتوں کو برہنہ صورت میں نہیں لایا جاتا، بلکہ ملتبس صورت میں لایا جاتا ہے۔ کوئی حقیقت، خواہ کتنے ہی زیادہ دلائل کے ساتھ، ثابت کر دی جائے، ایک عنصر اس میں اجتباع و التباس کا باقی رہتا ہے۔ یہی چیز شک کا باعث بنتی ہے۔

آدمی اس شک والے پہلو کو لے کر طرح طرح کے شبہات میں مبتلا ہو جاتا ہے، یہاں تک کہ ایسا ہو جاتا ہے گویا وہ اندھا ہے اور اسے کچھ دکھائی نہیں دیتا۔ یہ شک کا پہلو امتحان کا تقاضا ہے، اس لیے وہ لازماً موجود رہے گا۔ آدمی کو چاہیے کہ وہ اپنی عقل سے کام لے کر شک کے پردے کو پھاڑے۔ اگر اس نے ایسا نہیں کیا تو وہ اس دنیا میں کبھی یقین کے مقام کو حاصل نہیں کر سکتا۔

شک سے بچیے۔ شک تمام گمراہیوں کا سب سے بڑا دروازہ ہے۔ اسلامک تعارف، مولانا وحید الدین خان، صفحہ نمبر 209۔