August 1983

یکم اگست 1983

ایک مدرسہ کے جلسہ میں شرکت کا اتفاق ہوا۔ یہاں ایک "عرب" کی تقریر تھی۔ وہ سعودی شیخ کے لباس میں اسٹیج پر آئے اور عربی زبان میں تقریر شروع کی ۔ ساتھ ساتھ ایک صاحب ان کی عربی تقریر کا اردو ترجمہ کرتے جارہے تھے، لباس کے اعتبار سے وہ پورے عرب دکھائی دے رہے تھے۔ تاہم ان کا لہجہ عربوں جیسا نظر نہیں آتا تھا۔

تقریر کے بعد وہ ڈائس پر میرے قریب آکر بیٹھ گئے۔ انھوں نے عربی میں گفتگو شروع کی اور اس دوران میری بعض اردو کتابوں کا ذکر کیا ۔ میں نے پوچھا کہ یہ کتابیں تو اردو زبان میں ہیں ، پھر آپ کیوں کر ان سے واقف ہوئے ۔ اب انھوں نے اپنا مکھوٹا (mask) اتار دیا اورصاف اردو میں بولتے ہوئے کہا کہ میں تو ایک ہندستانی ہوں عرب میں میری تعلیم ہوئی ہے۔ منتظمین مدرسہ نے بعض عرب شیوخ کو دعوت نامے بھیجے تھے اور پوسٹروں میں اعلان کر دیا تھا کہ ان کے جلسہ میں عرب کے شیوخ آئیں گے۔ مگر اتفاق سے کوئی شیخ نہ آسکا۔ اب عوام کی بھیڑ کو مطمئن کرنے کے لئے یہ طے کیا گیا کہ میں عربی لباس کے ساتھ اسٹیج پر آؤں اور عربی میں تقریر کروں۔ اور میری تقریر کا اردو میں ترجمہ کر دیا جائے ۔

یہ اس مدرسہ کا حال ہے جہاں اتفاق سے عرب شیوخ نہ آسکے. مگر جہاں واقعۃ عرب شیوخ آتے ہیں وہاں کا حال بھی مزاج کے اعتبار سے مذکورہ مدرسے کچھ مختلف نہیں۔ اصل چیز ہے عرب شیخوں کے ذریعہ عوام کی بھیڑ جمع کرنا ، اور وہ دونوں جگہ یکساں طور پرموجود ہے۔

2 اگست 1983

ڈیڑھ سو سال پہلے جب عوام نے لوہے کی پٹری پر ریلوے ٹرین کو دوڑتے ہوئے دیکھا تو اس کا نام انھوں نے لوہے کا گھوڑا ( iron horse) رکھ دیا ۔ اسی طرح پچاس پہلے جب دیہات کے لوگوں نے فضا میں ہوائی جہاز کو اڑتے ہوئے دیکھا تو کہا کہ یہ لوہے کی چڑیا (Iron bird) ہے۔

آدمی اپنی معلوم چیز پر غیر معلوم چیزکو قیاس کرتا ہے۔ فرض کیجئے کہ لوگوں کو ٹرین کا اور ہوائی جہانہ کا پہلے سے علم ہوتا مگر وہ گھوڑے اور چڑیے سے بے خبر ہوتے ۔ اب اگرا چانک انھیں ایک گھوڑا دوڑتا ہوا دکھائی دیتا تو شاید وہ اس کو ” ریل گھوڑا کہتے ، اور اگر وہ اچانک ایک چڑیا فضا میں اڑتی ہوئی دیکھے تو وہ اس کو "جہازی چڑیا" کہنا پسند کرتے۔

یہی انسان کی اصل کمزوری ہے ۔ وہ ہمیشہ اپنی معلومات کے دائرہ میں رائے قائم کرتا ہے۔ اور چوں کہ انسان کی معلومات محدود ہیں ، اکثر وہ غلطیوں کا ارتکاب کرتا ہے۔ عام حالات میں انسان کو اس کے لئے معذور قرار دیا جا سکتا ہے۔ تاہم جب معاملہ کسی کے خلاف رائے قائم کرنے کا ہو تو اس کو حد درجہ محتاط ہونا چاہئے ۔ ورنہ عین ممکن ہے کہ ایک شخص جس نے صرف ایکسپلائٹیشن (Exploitation) کے ذریعہ کامیابی کا تجربہ کیا ہو، وہ دوسرے کو کامیاب ہوتے ہوئے دیکھ کر اس کو بھی ایکسپلائٹر (exploiter) سمجھ لے ۔ حالاں کہ عین ممکن ہے کہ اس نے جائز محنت کے ذریعہ کامیابی حاصل کی ہو۔ وہ ایک جاندار چیز کو لوہا سمجھ لے ، صرف اس لئے کہ اس کے پاس لوہے کے معیار کے سوا کوئی اور معیار موجود ہی نہ تھا جس پر وہ دوسرے کو قیاس کر سکے۔

3 اگست 1983

4 اگست 1983

"مومن کون ہے اورمنافق کون" اس سوال کے جواب میں میں نے ایک صاحب سے کہا: ایک ہے زندہ شعور کی سطح پر مسلمان ہونا ، دوسرا ہے بے حسی کی سطح پر مسلمان ہونا ۔ جوشخص زنده شعور کی سطح پر مسلمان ہو وہ مومن ہے، اور جو شخص بے حسی کی سطح پر مسلمان ہو وہ منافق ہے۔

5 اگست 1983

موجودہ زمانہ میں جنگ کے مختلف پہلوؤں پر زبردست تحقیقات ہوئی ہیں ، ان تحقیقات سے آپ کی مذکورہ روش کی حربی اہمیت واضح ہوتی ہے۔ موجودہ زمانہ میں مختلف جنگوں کے تجربات کو جمع کر کے ان کا مطالعہ کیا گیا۔ ان تحقیقات سے ثابت ہوا ہے کہ دفاع کرنے والی افواج ( censung forces ) کے مقابلہ میں پیش قدمی کرنے والی افواج (Attacking forces ) کا جانی نقصان ہمیشہ زیادہ ہوتا ہے۔ یہ رسول اللہ کے طریق جنگ کی عصری تصدیق ہے۔

6 اگست 1983

تمام اہل علم مانتے ہیں کہ زمین نارنگی کی طرح گول ہے۔ مگر کسی شخص نے آج تک زمین کی گولائی کو پوری شکل میں نہیں دیکھا۔ جو لوگ راکٹ پر سوار ہو کر خلا میں گئے ، انھوں نے بھی زمین کی صرف آدھی گولائی کو دیکھا۔ زمین کی پوری گولائی کو بیک وقت وہ کبھی نہ دیکھ سکے۔ اس کی وجہ انسان کی محدودیت ہے۔ انسان اپنی محدودیت کی وجہ سے بیک وقت پورا علم حاصل نہیں کر پاتا۔

یہی معاملہ ہر چیز کے بارہ میں ہے ۔ انسان کا بیشتر علم استنباطی ہے نہ کہ حقیقی معنوں میں مشاہداتی۔ جرمنی کا مشہور سائنس داں ہینرنبرگ(Warner Heisenberg) 1901 میں پیدا ہوا ۔ 1976 میں اس کی وفات ہوئی ۔ 1932 میں اس کو فزکس کا نوبل انعام ملا۔ اس نے تحت ایٹمی مظہر( Sub Subatomic World) یا (Subatomic phenomenon) کا مطالعہ کیا۔ اس نے پایا کہ اگر ہم یہ جانیں کہ ایک الکٹران کدھر جا رہا ہے تو وہ اس وقت ہم یہ نہیں جان سکتے کہ وہ کہاں ہے ۔ اور اگر یہ جان لیں کہ وہ کہاں ہے تو ہم یہ نہیں جان سکتے کہ وہ کدھر جارہا ہے :

If we know where an electron is going, we do not know where it is, and if we know where it is, we do not know where it is going.

7 اگست 1983

موجودہ مسلمان اس اصول کو مسائل فقہ میں جانتے ہیں مگر وہ اس اصول کو مسائل حیات میں نہیں جانتے۔ مثال کے طور پر ہندستان کا ایڈ منسٹریشن مسلمانوں کے ساتھ امتیازی سلوک کرتا ہے تو وہ چیختے ہیں کہ ہمارے ساتھ برابر کا سلوک کیوں نہیں کیا جاتا مگر مذکورہ اصول کی روشنی میں ایسا ہونا بالکل فطری ہے۔

8 اگست 1983

There are many truths of which the full meaning cannot be realised until personal experience has brought it home.

اصل یہ ہے کہ بات صد فی صد لفظوں میں بیان نہیں کی جاسکتی لفظوں میں بیان کردہ بات کے ساتھ آدمی کو خود اپنی طرف سے کچھ شامل کرنا پڑتا ہے ، اسی وقت وہ اس کو پوری طرح سمجھ پاتا ہے۔ جس آدمی کے پاس اپنی طرف سے شامل کرنے کے لئے نہ ہو ، وہ کسی بات کو محض سنے ہوئے الفاظ کے ذریعہ سمجھ نہیں سکتا۔

9 اگست 1983

منکرین حق کا یہ تکبراللہ کے مقابلہ میں نہیں تھا، بلکہ داعی کے مقابلہ میں تھا۔ اپنے جن اکابر کے دین پر وہ اپنے آپ کو سجھتے تھے، وہ اکابر ان کو معاصر داعی کے مقابلہ میں زیادہ عظیم نظر آتے تھے۔ اس لئے انھوں نے داعی کو حقیر سمجھ کر اس کے پیغام کو ماننے سے انکار کر دیا۔

10 اگست 1983

آدمی کی نگاہ اگر نہ ملنے والی چیز پراٹکی ہوئی ہو تو وہ ملنے والی چیز کو دیکھنے میں بھی ناکام رہے گا۔ نہ ملنے والی چیز کے پیچھے دوڑنے میں وہ اس چیز کو بھی کھو دے گا جو اس کو یقینی طور پر مل رہی تھی یا مل سکتی تھی۔

11 اگست 1983

ہر آدمی اپنی ذات میں ایک " انسان " کا تجربہ کرتا ہے۔ یہی تجربہ خدا کے وجود پر یقین کرنے کے لئے کافی ہے۔ حقیقت یہ ہے کہ انسان خدا کا آئینہ ہے، فرق یہ ہے کہ انسان کی ہستی محدود ہے اور خدا کی بستی لامحدود۔

انسان کیا ہے۔ انسان ایک صاحب ذہن مخلوق ہے۔ ذہن ہی کا دوسرا نام انسان ہے ۔ یہ دراصل ذہن ہے جو انسان کی طاقت کا سرچشمہ ہے۔ انسان کا ذہن محدود ہے ، اس لئے اس کی طاقت بھی محدود ہے، اگرذہن لامحدود ہو جائے تو طاقت بھی لامحدود ہو جائے گی۔ ہم اپنے تجربہ کی بنا پرمجبور ہیں کہ محدود ذہن کو مانیں۔ اور محدود ذہن کو مانتے ہی دوبارہ ہم مجبور ہوجاتے ہیں کہ "لا محدود ذہن " کے وجود کوتسلیم کریں۔ جزء کو ماننے کے بعد کل کو نہ ماننے کے لئے کوئی منطقی بنیاد باقی نہیں رہتی ۔ ایک آرٹسٹ کے آرٹ کو دیکھ کر یہ خیالات ذہن میں آئے۔

12 اگست 1983

ایک شخص جو عربی سے اور حدیث کی زبان سے بخوبی آشنا نہ ہو وہ حدیث میں اعراب کا مطلب معروف زبرزیر پیش لے لے گا۔ اور اس کے مطابق حدیث کے معنی بیان کرے گا۔ حالانکہ اعراب سے یہاں زبر زیر پیش مراد نہیں۔ زبر زیر پیش کا طریقہ تو رسول اللہ صلی الہ علیہ وسلم کے زمانہ میں موجود ہی نہ تھا۔

13 اگست 1983

دنیا کی زندگی میں دو قسم کی ناخوشگواریاں آدمی کی زندگی کو بے لطف بنا دیتی ہیں۔ ایک خارجی اور دوسرے داخلی خارجی سے مراد وہ مسائل و مصائب ہیں جو دوسروں کی طرف سے سامنے آتے ہیں۔ اور داخلی سے مراد یہ ہے کہ آدمی اپنے عجز اور اپنی محدودیت کی وجہ سے بار بار دل شکستگی اور غم گینی کی کیفیت سے دوچار ہوتا ہے۔ جنت میں یہ دونوں چیزیں ختم ہو جائیں گی۔

دنیا میں امتحان کی بنا پر اچھے لوگوں کے ساتھ برے لوگ بھی شامل ہیں۔ یہاں پر ایک کو پوری آزادی حاصل ہے۔ جنت کی دنیا میں تمام برے لوگ دور پھینک دیے جائیں گے ۔ جنت کا ماحول صرف اچھے لوگوں کا ماحول ہوگا۔ دوسری طرف انسان کے عجز اور محدودیت کا خاتمہ ہو چکا ہو گا ، اس لئے اس کا امکان بھی ختم ہو جاۓ گا کہ آدمی اپنی کمیوں اور کوتاہیوں کی بنا پر غم واندوہ میں مبتلا ہو ۔

14 اگست 1983

15 اگست 1983

انسان کے بارہ میں کہا جاتا ہے کہ وہ ایک توجیہہ طلب حیوان ہے :

Man is an explanation seeking animal

یہ انسان کی سب سے بڑی خوبی ہے اور یہی انسان کی سب سے بڑی کمزوری بھی۔ کسی معاملہ کے بارہ میں انسان اس وقت مطمئن ہو جاتا ہے جب کہ وہ اس کی توجیہہ پائے۔ اب اگر آدمی معاملہ کی صحیح توجیہہ پا لے تو اس کا مطمئن ہونا صحیح بنیاد پر ہوگا۔ اور اگر اتفاق سے اس کو غلط توجیہ مل جائے تو وہ اسی غلط توجیہہ پر مطمئن ہو جائے گا۔ اور غلط توجیہہ پر مطمئن ہونا اس کو جہاں پہنچائے گا وہ بربادی کے سوا اور کچھ نہیں ۔

16 اگست 1983

ہم اللہ اور اس کے رسول کے لئے پوری کوشش کریں گے۔ مگرہم، آپ جانئے کہ اس وقت آپس کی بغض وعداوت میں مبتلا ہیں۔ اور ابھی پچھلے سال ہمارے یہاں بعاث کی جنگ ہوئی ہے ۔ اگر آپ ایسی حالت میں مدینہ آتے ہیں تو ہم آپ پر جمع نہ ہوسکیں گے ۔ پس آپ ہمیں اپنے لوگوں کی طرف جانے دیجیے، شاید اللہ ہمارے باہمی معاملہ کو درست کر دے۔ اور آپ سے اگلے سال یہیں ملاقات کا وعدہ ہے۔

اس کے بعد دوسری بارنبوت کے بارہویں سال اور تیسری بار نبوت کے تیرھویں سال آپ کی ملاقات مومنین مدینہ سے ہوئی ۔ یہاں تک کہ آپ نے مکہ سے مدینہ کے لئے ہجرت فرمائی۔

مذکورہ روایت میں فان تقدم ونحن کذا لايكون لناعليك اجتماع کاجملہ بڑاعجیب ہے۔ یہ بتاتا ہے کہ اصحاب رسول کتنے زیادہ باشعور لوگ تھے۔

17 اگست 1983

18 اگست 1983

موجودہ دنیا میں ہرآدمی کو وہ تجربہ پیش آتا ہے جس کو کھوئے ہوئے مواقع (Missed opportunities) کہا جاتا ہے۔ یعنی ایک موقع آدمی کے سامنے آتا ہے۔ مستقبل کے اعتبار سے اس میں اس کے لئے زبردست فائدہ ہوتا ہے۔ مگر وہ بروقت اس کی اہمیت کو سمجھ نہیں پاتا۔ بعد کے حالات بتاتے ہیں کہ اس موقع کو استعمال نہ کرنا سخت نادانی تھی۔ اس کو استعمال کر کے میں بہت بڑا فائدہ حاصل کرسکتا تھا۔

19 اگست 1983

اس ہدایت کو حکم دعوت کے ذیل میں بیان کرنے کی ایک خاص حکمت ہے ۔ دعوت کے کام کو موثر طور پر انجام دینے کے لئے مدعو کا بے غرض ہونا ضروری ہے۔ داعی اور مدعو کے درمیان اگر طلب اور مانگ کی فضا پیدا ہوجائے تو دعوت کا کام انجام نہیں پاسکتا۔ دعوت یک طرفہ طور پرصرف دینے کا عمل ہے دعوت کے ساتھ لینے کا معاملہ شامل کرنا اس کو ہلاک کرنے کے ہم معنی ہے۔

اس معاملہ میں داعی کو اتنا زیادہ محتاط ہونا چاہئے کہ وہ مدعو کے ساتھ احسان کر کے بھی اس سے کسی بدلہ اور معاوضہ کا طالب نہ ہو ، اور احسان کے بغیر مدعو کے مقابلہ میں حقوق طلبی کی مہم چلانے کا تو کوئی سوال ہی نہیں۔

20 اگست 1983

As a general rule, the most successful man in life is the mar who has the best information.

یہ بات نہایت درست ہے۔ زندگی کے عام معاملات میں بھی معلومات کی بےحد اہمیت ہے۔ اسی طرح دشمن کے مقابلہ میں کامیابی کے لئے اس سے واقفیت انتہائی ضروری ہے۔ معلومات میں اضافہ ہی کے لئے اسلام میں مشورہ کا طریقہ رکھا گیا ہے۔ حقیقت یہ ہے کہ اس دنیا میں کسی شخص کے پاس جتنی زیادہ معلومات ہوگی ، اس کو اتنی ہی زیادہ کامیابی حاصل ہوگی۔

21 اگست 1983

اجتماعی زندگی میں کسی مقصد کو حاصل کرنے کے لئے جو عمل کیا جاتا ہے ، اس کی بہت سی قسمیں ہیں۔

مثلا:

سیاسی عمل (Political activism)

متشددانہ عمل (Violent activism)

غیر متشددانہ عمل (non-violent activism)

مگر اسلام کا عمل ان سب سے الگ ہے۔ اسلامی عمل کو ایک لفظ میں ۔۔۔ دعوتی عمل (da'wah activism) کہا جاسکتا ہے۔ اسلام میں اصلا دعوت کے راستہ سے عمل شروع کیا جاتا ہے پھروہ تدریج کے ساتھ بڑھتے ہوئے بقیہ شعبوں تک پہنچتا ہے۔

22 اگست 1983

Nothing comes of nothing

مٹی لوہے کا کام نہیں کرسکتی۔ ایک مردہ لاش سے وہ چیزیں ظاہرنہیں ہوسکتیں جو زندہ انسان کی خصوصیت ہیں۔ اسی طرح جوقوم تنزل کا شکار ہو چکی ہو ، تاریخی عمل کے نتیجہ میں جس کی صلاحیتیں فنا ہو چکی ہوں، ایسی قوم سے ان اعمال اور ان سرگرمیوں کی امید نہیں کی جاسکتی جوصرف ایک تازہ دم گروہ سے متوقع ہوتی ہیں۔

23 اگست 1983

اس سوال کا جواب اس وقت مل جاتا ہے جب کہ پوری حدیث کو دیکھا جائے۔ پوری حدیث اس طرح ہے:

24 اگست 1983

I am not interested in money. I just want to be wonderful.

یہی اکثر لیڈروں کا حال ہے ۔ان کے لئے پیسہ کی اہمیت نہیں، ان کے نزدیک اہمیت کی بات یہ ہے کہ انھیں عزت اور مقبولیت حاصل ہو ۔ وہ لوگوں کی نظر میں غیر معمولی دکھائی دینے لگیں۔ پیسہ کے معاملہ میں قائد کا استغناء کوئی اہمیت نہیں رکھتا۔ قائد کے استغناء کو جانچنے کا میدان یہ ہے کہ وہ عزت اور ناموری حاصل کرنے والے مواقع پراستغناء کا ثبوت دے۔

25 اگست 1983

Bees make the sweatest honey from the flowers of the thyme a small and bitter herb.

26 اگست 1983

صوفیا کے حالات پڑھئے تو کسی بھی صوفی یا بزرگ کے یہاں یہ نہیں ملتا کہ وہ جا جا کرلوگوں کے یہاں تبلیغ کرتے ہوں یا غیرمسلموں سے یہ کہتے ہوں کہ تم اسلام قبول کر لو ، ورنہ تم خدا کے یہاں پکڑے جاؤگے۔ البتہ وہ اس قسم کے مخالف تبلیغ کام میں مشغول نہیں تھے جس میں دوسرے لوگ مشغول تھے۔ مثلا مسلم بادشاہوں کا ہندووں سے لڑنا، مناظر علماء کا ہندووں سے مناظرہ بازی کرنا ۔ عام مسلمانوں کا ہندووں سے مادی مفادات کے لئے جھگڑا کرنا۔ صوفیا اس کی تمام نزاعی باتوں سے دور رہتے تھے ، یہی وجہ ہے کہ ہندوؤں کو ان سے وہ ضد نہ تھی جو دوسرے مسلمانوں سے انھیں تھی۔ چنانچہ وہ ان کے پاس آتے جاتے اور ان سے نصیحت لینے کی کوشش کرتے ۔

اہم بات یہ ہے کہ اسلام ایک محفوظ اور تسلیم شدہ مذہب ہے۔ اس لئے وہ اپنے آپ پھیلتا ہے ، وہ اپنے آپ لوگوں کے دلوں میں جگہ بنا لیتا ہے۔ چنانچہ جب کوئی شخص بطور خود اسلام کی طرف مائل ہوتا اور اسلام میں داخل ہونا چا ہتا تو وہ اپنے قریب کے کسی بزرگ کے یہاں آ کر ان کے ہاتھ پر کلمہ پڑھ لیتا۔

27 اگست 1983

اسلامی فقہ کا ایک اصول یہ ہے کہ الاعمال بمقاصدها . یعنی اعمال اپنے مقاصد کے تحت ہیں۔ شریعت میں کوئی عمل مقرر کیا جائے تو اس کا مطلب یہ نہیں کہ وہ عمل برائے عمل ہے، بلکہ وہ عمل برائے مقصد ہے۔ اعمال مقاصد کے تحت ہیں کہ مقاصد اعمال کے تحت ۔ شرعی اعمال کی حکمت سمجھنے کے لئے ان کے مقاصد پر غور کرنا چاہئے۔

28 اگست 1983

انگریزی کی ایک مثل ہے کہ وہ بھی خدمت کرتے ہیں جو صرف کھڑے ہوں اور انتظارکریں :

They also serve who only stand and wait.

اجتماعی معاملات میں دخل دینا ایک بے حد نازک کام ہے، اجتماعی معاملہ میں کودنے سے پہلے آدمی کو ہزار بار سوچنا چاہئے۔ اور جوشخص اتنا زیادہ سوچنے اور سمجھنے کا اہل نہ ہو اس کا خاموش بیٹھے رہنا اس سے اچھا ہے کہ وہ کم تر سوچ کے ساتھ میدان میں کود پڑے اور پھر فساد میں اضافہ کا سبب بنے ۔

29 اگست 1983

30 اگست 1983

Science without religions is lame. Religions without science is blind.

میرا خیال ہے کہ یہ بات زیادہ صحیح طور پر اس طرح کہی جاسکتی ہے کہ انسان سائنس کے بغیر لنگڑا ہے ، اور انسان مذہب کے بغیرا ندھا ہے۔ مذہب انسان کو وہ نقطہ نظر دیتا ہے جس کی روشنی میں وہ چیزوں کو دیکھ سکے ۔ اسی طرح سائنس انسان کو وہ اسباب دیتی ہے جس سے وہ موجودہ دنیا میں اپنی زندگی کی تشکیل کرسکے۔

31 اگست 1983

ہندستان کی آزادی کا قانون جب برطانی پارلیمنٹ میں پاس ہوا ، اس وقت کلیمنٹ ایٹلی برطانیہ کے وزیر اعظم تھے۔ ان سے پہلے برطانیہ کے وزیر اعظم ونسٹن چرچل تھے۔ انھوں نے اپنے زمانہ اقتدار میں یہ کہہ کر ہندستان کو آزادی دینے سے انکار کر دیا تھا کہ میں شاہ برطانیہ کا پہلا وزیر اس لئے نہیں بنا ہوں کہ برطانی سلطنت کے خاتمہ کی تقریب کی صدارت کروں :

I did not become the King's first minister to

preside over the liquidation of the British empire.

James Callaghan, Time And Chance

برآنچه دانا کند کند ناداں لیک بعد از خرابی بسیار