حضرت نوح کا پیغمبرانہ رول

حضرت نوح حضرت آدم کے بعد آنے والے پیغمبر ہیں، وہ حضرت آدم کی دسویں پشت میں پیدا ہوئے۔ حضرت نوح کی زندگی میں ایک انوکھا واقعہ پیش آیا، وہ عظیم طوفان یعنی گریٹ فلڈ اور کشتی عارق کا واقعہ تھا۔ یہ خصوصی واقعہ اللہ کے منصوبے کے تحت ظاہر ہوا۔ یہ واقعہ قبل از تاریخ دور یعنی پری ہسٹوریکل پیریڈ میں پیش آیا۔

بظاہر اللہ کو یہ منظور تھا کہ حضرت نوح کا واقعہ بعد تاریخ دور یعنی پوسٹ ہسٹورک پیریڈ میں دریافت ہو، اور وہ بعد کے زمانے کے لوگوں کے لیے نشانی یعنی سائن بنے، جس سے وہ اپنی زندگی میں سبق حاصل کریں۔ حضرت نوح کا واقعہ مدون تاریخ یعنی ریکارڈڈ ہسٹری میں موجود نہیں۔ حضرت نوح کے واقعے کو جاننے کے صرف دو ماخذ ہیں: قرآن اور بائبل۔ یہاں دونوں متعلق حوالے نقل کیے جاتے ہیں۔