Siyasat, Siyasat, Siyasat

سیاست، سیاست، سیاست۔ روس میں اشتراکی انقلاب 1917 میں آیا، اس سے پہلے وہاں زار کی شاہی حکومت قائم تھی۔ انقلاب سے پہلے وہاں جو اشتراکی تحریک چل رہی تھی، اس کا ایک لیڈر جوزف—جوزف اسٹالن تھا، جو لینن کے مرنے کے بعد روس کا کمیونسٹ حکمران بنا۔ اپنی تحریک کی کامیابی سے پہلے جوزف اسٹالن نے اشتراکی کارکنوں کے ایک جلسے میں تقریر کرتے ہوئے کہا: "انقلاب لانے کے لیے ہم کو تین چیزوں کی ضرورت ہے: اول اسلحہ، دوم اسلحہ، سوم اسلحہ، اور آخر میں پھر اسلحہ۔

" موجودہ زمانے میں ہمارے قائدین نے اس جملے کو یوں بدل دیا: "اسلام کو سربلند کرنے کے لیے ہم کو تین چیزوں کی ضرورت ہے: اول سیاست، دوم سیاست، سوم سیاست، اور آخر میں پھر سیاست۔ " مگر سیاسی طریقہ کار کے پیچھے اگر ضروری طاقت موجود نہ ہو تو وہ صرف سیاست برائے سیاست ہو کر رہ جاتی ہے، وہ کسی حقیقی نتیجے تک پہنچانے والی ثابت نہیں ہوتی۔ کتاب: "اسباقِ تاریخ" مولانا وحید الدین خان، صفحہ نمبر 389۔