Main Content

اقوام متحدہ (UNO) موجودہ دنیا کا سب سے بڑا عالمی ادارہ ہے۔ اقوام متحدہ کے تحت، ایک انٹر نیشنل پینل بنایا گیا۔ اس پینل میں ڈھائی ہزار سائنس داں شامل کیے گئے ۔ ان سائنس دانوں کا تعلق، دنیا کے 130 ملکوں سے تھا۔ یہ پینل موسمیاتی تبدیلی climate change)

پر رسرچ کے لیے تھا۔ اس پینل کا صدر دفتر پیرس میں تھا۔ اس پینل نے اپنی رسرچ مکمل کر کے اُس کی تفصیلی رپورٹ اقوام متحدہ کے حوالے کر دی ہے۔ یہ ایک سنسنی خیز رپورٹ ہے، جو میڈیا میں آچکی ہے۔ ہمارے سامنے اس وقت ، نئی دہلی کے انگریزی اخبار ٹائمس آف انڈیا کا شمارہ 3 فروری 2007 ہے۔ اس شمارے میں یہ رپورٹ تفصیل کے ساتھ شائع ہوئی ہے۔ اس رپورٹ کا ٹائٹل با معنی طور پر یہ ہے انتباہی نشانیاں (Warning Signs)۔ اس عنوان میں ایک لفظ کا اضافہ کر کے یوں کہا جاسکتاہے:

Warning Signs of Doomsday

Global warming is man-made

اس خبر کو لے کر قرآنی آیت کا مفہوم اس طرح بیان کیا جا سکتا ہے :

Man-made corruption has spread in the land and in the sea.

We are endangering all species on earth, we are endangering the future of the human race.

اس روایت میں دراصل علامتی طور پر اس حقیقت کو بتایا گیا ہے کہ آخری زمانے میں جب زمین پر سورج کی گرمی زیادہ پڑنے لگے گی تو قطبین پر جمی ہوئی برف اور پہاڑوں کے گلیشئر پگھلنے لگیں گے۔ اس کے نتیجے میں یہ ہوگا کہ سمندروں کے پانی کی سطح بلند ہو جائے گی ۔ اس بنا پر سمندروں کے ساحلی علاقوں میں بستیاں ڈوبنے لگیں گی۔ زمین کی سطح مرتفع کے لحاظ سے یہ پانی کہیں زیادہ بلند ہو جائے گا اور کہیں کم سطح ارض کی بلندی اور پستی کی نسبت سے زمین کے کچھ حصے کم متاثر ہوں گے، کچھ زیادہ اورکچھ بالکل ڈوب جائیں گے۔

اس روایت میں واضح طور پر اُس جدید ظاہرے کا ذکر ہے جو جدید صنعت کے نتیجے میں پیدا ہوا ہے، یعنی فضائی کثافت air pollution) ۔ اس قسم کی فضائی کثافت قدیم زمانے میں موجود نہ تھی اور نہ اس کا کوئی تصور پایا جاتا تھا۔ یہ روایت بلا شبہہ اُس جدید ظاہرے کی پیشین گوئی ہے جس کو صنعتی سرگرمیوں کی پیدا کردہ فضائی کثافت کہا جاتا ہے۔

راقم الحروف کے اندازے کے مطابق ، سائنسی سروے کی مذکورہ رپورٹ جو انتباہی نشانیاں کا درجہ رکھتی )alarming blow( کے نام سے چھپی ہے، وہ نفخة الفزع )Warning Signs( ہے۔ یہ گویا قرب قیامت کا پہلا اعلان ہے جو سائنس کی زبان میں کیا گیا ہے۔ دوسر افتخہ موت کا فتحہ ہو گا جب کہ تمام انسان مر جائیں گے ۔ اُس کے بعد تیسر افتحہ ہوگا جب کہ لوگ دوبارہ زندہ ہو کر خدا کےسامنے میدان حشر میں اکھٹا کیے جائیں گے۔

احيائے اسلام 8

احیائے اسلام

تاریخ سے معلوم ہوتا ہے کہ قرون مشہود لہا بالخیر کے بعد امت میں ایسے افراد پیدا ہوتے رہے جنھوں نے اپنے اپنے حالات میں تجدید کا کام کیا۔ مجددین کی کوئی حتمی فہرست بنا نا ممکن نہیں ۔ تاہم اس سلسلے میں مثال کے طور پر چند نام یہ ہیں۔ حسن بصری ، عمر بن عبد العزیز ، ابن تیمیہ، شاہ ولی اللہ ، اشرف علی تھانوی، وغیرہ۔

پر اسلام کی حکومت قائم کر دے۔

جزئی مجدد کا مطلب ناقص مجد دنہیں ہے اور نہ کامل مجدد کا مطلب معیاری مجدد ہے۔ یہ دونوں الفاظ نوعیت کار کو بتانے کے لیے ہیں، نہ کہ امتیازی رتبے کو بتانے کے لیے۔ اصل یہ ہے کہ پچھلے ادوار میں زندگی کا وہ روایتی نظام ٹوٹا نہیں تھا جو مذہبی اور اخلاقی اور روحانی قدروں پر بنا تھا۔ اُس میں صرف جزئی خرابیاں پیدا ہوئی تھیں۔ چنانچہ پچھلے زمانوں میں محدود تجدیدی کام مطلوب تھا جس کو جزئی مجددین نے انجام دیا۔ مگر سائنسی اور صنعتی انقلاب کے بعد دنیا بالکل بدل گئی ہے۔ صدیوں کا روایتی ڈھانچہ مکمل طور پر ٹوٹ چکا ہے۔ اس بنا پر بعد کے زمانے میں صرف محدود تجدیدی کام کافی نہیں ۔ بعد کے حالات میں ضروری ہوگا کہ ایسا شخص اُٹھے جو انقلابی معنوں میں تجدیدی کام انجام دے۔ یہ فرق درجے کے اعتبار سے نہیں ہے بلکہ ضرورت کے اعتبار سے ہے۔

دور اول کے بعد کی صدیوں میں تجدید کے جو کام ہوئے ہیں اُن کی تفصیل بیان کرنا یہاں مقصود نہیں ۔ البتہ اس معاملے کی وضاحت کے لیے کچھ مثالیں یہاں درج کی جاتی ہیں۔

میرے نزدیک اس کی ضرورت تھی کہ دار الاسلام اور دار الحرب کی اس سیاسی بدعت کے خلاف تجدیدی آواز بلند ہو۔ مگر فقہاء نے اس تقسیم کو عمومی طور پر قبول کر کے اُسے ایک شرعی سند دے دی جو یقینی طور پر درست نہ تھی ۔ میرے نزدیک دار الاسلام کے سوا جو ملک ہیں اُن کو دار الانسان یا دارالدعوہ کہا جانا چاہیے، نہ کہ دارالحرب یا دار الکفر ۔

5۔ اسی طرح کے انحراف کی ایک مثال وہ ہے جو ترکوں کی عثمانی خلافت کے زمانے میں پیدا ہوئی۔ انیسویں صدی کے آخر میں مغربی افکار کے زیر اثر عرب قومیت کی تحریک عرب ملکوں میں پھیلی ۔ اُس وقت یہ عرب ممالک ترکی کی عثمانی خلافت کے ماتحت تھے۔ عرب ملکوں میں ان کے خلاف رجحان پیدا ہوا ۔ اس رجحان کا آغاز لبنان میں ہوا اور پھر وہ مصر اور دوسرے ملکوں میں پھیل گیا۔ اس تحریک کا نشانہ یہ تھا کہ ہر عرب ملک میں قومی اسٹیٹ بنائی جائے جو وطنی مفاد کے مطابق کام کرے۔

اس تحریک کو کاؤنٹر کرنے کے لیے ترکی کے خلیفہ عبدالحمید ثانی کے زمانے میں الأمة کا تصور اُبھرا۔ اس کے مطابق ، تمام دنیا کے مسلمان ایک قوم تھے۔ مسلمانوں کی قومیت مبنی بر وطن نہ تھی بلکہ وہ ان کے مذہب سے تعلق رکھتی تھی۔ مذہبی قومیت کا یہ تصور مسلم لیڈروں میں عام طور پر مقبول ہو گیا۔ سید جمال الدین افغانی، امیر شکیب ارسلان، سید قطب، ڈاکٹر اقبال، ابوالکلام آزاد، آیت اللہ خمینی،سیدابوالاعلیٰ مودودی، محمد علی جناح ، وغیرہ سب اس کے حامی بن گئے ۔

میرے نزدیک یہ ایک گمراہ کن نظریہ تھا۔ اس نظریے کے تحت بیش تر ملکوں کے مسلمان خود اپنےملک میں غیر وفادار بن کر رہ گئے ۔ کیوں کہ اس عقیدہ کے مطابق ، اُن کی قومیت مبنی بر وطن نہ تھی بلکہ مبنی بر مذہب تھی۔ بد قسمتی سے اس پورے دور میں کوئی قابل ذکر مسلم رہنما ایسا نہیں اُٹھا جو اس بے بنیاد نظریے کی غلطی واضح کرے اور مسلمانوں کو اس سے بچائے کہ وہ دور جدید میں خود اپنے وطن میں مشکوک ہو کر رہ جائیں۔ یہ بلا شبہ ایک تجدیدی کام ہے اور ضروری ہے کہ بلا تاخیر اس کو انجام دیا جائے۔

هات صلاح الدين ثانية فينا جددى حطين أو شبه حطينا اسی ذہن کی نمائندگی فلسطینیوں کے قومی ترانے میں اس طرح کی گئی ہے:

7 - اسلام کا ظہور ساتویں صدی عیسوی میں ہوا۔ اُس کے بعد تقریبا ایک ہزار سال تک اسلام اپنی پوری عظمت کے ساتھ تاریخ میں مارچ کرتا رہا۔ اٹھارویں صدی کے آغاز میں صورت حال بدل گئی۔ اب اسلام یا ملت اسلام کا زوال شروع ہو گیا ۔ یہ زوال مسلسل بڑھتا رہا اور وہ اب تک جاری ہے۔ پچھلے تقریباً تین سو سال کے درمیان تجدید اور احیاء نو کے نام پر بہت بڑی بڑی تحریکیں اُٹھیں ۔ کروڑوں مسلمانوں نے ان تحریکوں کا ساتھ دیا۔ اس جدو جہد کے دوران جان و مال کی اتنی زیادہ قربانی دی گئی جو اس سے پہلے ہزار سال کی مدت میں بھی نہیں دی گئی تھی ۔ مگر انجام کار کے اعتبار سےدیکھئے تو یہ کہنا درست ہوگا کہ یہ کوششیں سب کی سب عملاً بے نتیجہ ہو کر رہ گئیں ۔

اصل یہ ہے کہ حالیہ تین سو سالہ دور ایک نیا دور تھا جس کو سائنسی دور یا غیر روایتی دور کہا جا سکتا ہے۔ جب کہ اس سے پہلے ہزار سالہ دور روایتی دور تھا۔ پچھلے روایتی دور میں تقلیدی قسم کی تجدید کافی تھی۔ چنانچہ پچھلے دور کے مسلم رہنما اپنے اندر کوئی نئی صلاحیت پیدا کیے بغیر تجدید کا کام اُس وقت کے روایتی ڈھانچے میں انجام دے سکتے تھے۔ مگر سائنسی اور صنعتی انقلاب کے بعد دنیا ہر اعتبار سے ایک نئے دور میں داخل ہو چکی تھی۔ اب تجدید کے ساتھ اجتہاد کی ضرورت تھی ، وہ بھی کامل اجتہاد، نہ کہ جزئی اجتہاد ۔ اب ایک مجتہد مطلق درکار تھا جو قرآن اور سنت سے گہری واقفیت کے ساتھ زمانی تبدیلیوں سے بخوبی واقف ہو۔ زمانہ حاضر میں کسی ایسے صاحب بصیرت مجتہد کے فقدان کا نتیجہ یہ ہوا کہ مطلوب تجدیدی کام نہ ہو سکا ۔ کامل مجدد کا مطلب یہ نہیں ہے کہ وہ ہمہ گیر سیاسی انقلاب برپا کرے۔ کامل مجدد دراصل وہ ہے جو زمانی تبدیلی کے بعد نئے غیر روایتی حالات میں اسلام کی فکری تشکیل کر سکے۔

۔ اس معاملے کی ایک مثال یہ ہے کہ موجودہ زمانے میں جو مسلم رہنما اٹھے اور جنھوں نے بڑی بڑی تحریکیں چلائیں اُنھوں نے ہمیشہ حکومت کی تبدیلی کو اپنا نشانہ بنایا۔ یہ مقلدانہ ذہن کا نتیجہ تھا، نہ کہ مجتہدانہ ذہن کا نتیجہ ۔ قدیم زمانے میں زندگی کی تمام سرگرمیوں کا مرکز سیاسی اقتدار ہوتا تھا۔ سیاسی اقتدار کو ہر معاملے میں مرکزی عامل کی حیثیت حاصل تھی۔ اس لیے سمجھا جاتا تھا کہ سیاسی اقتدار پر قبضہ حاصل کیے بغیر تجدید کا کام مؤثر انداز میں انجام نہیں دیا جا سکتا۔

10 - اصل یہ ہے کہ اس اعتبار سے انسانی تاریخ کے دو دور ہیں۔ دور حکومت اور دور ادارہ ۔ پچھلے زمانے میں جب کہ اقتصادیات کا پورا نظام زراعت پر مبنی ہوتا تھا، تمام اسباب اور ذرائع کا تعلق حکومت سے ہوا کرتا تھا۔ حکومت کے باہر کسی کے لیے کوئی بڑا کام کرنے کے مواقع موجود نہ تھے۔ موجودہ زمانے میں یہ صورت حال بدل گئی ہے۔ اب ایک نئی چیز ظہور میں آئی ہے جس کو ادارہ (institution) کہا جاتا ہے۔ موجودہ زمانے میں حکومت کی حیثیت محدود طور پر انتظامیہ کی ہوگئی ہے۔ اس کے باہر بے شمار شعبے ہیں جن کا تعلق اداروں )administration

institutions) سے ہے اور ان کو حکومت کے بغیر آزادانہ طور پر انجام دیا جا سکتا ہے۔ نئے انقلاب نے سیکڑوں قسم کے نئے شعبے پیدا کیے ہیں جن کو ادارہ کی صورت میں بھر پور طورپر انجام دیا جا سکتا ہے۔ ان اداروں نے موجودہ زمانے میں آزاد متوازی سلطنت کی حیثیت حاصل کر لی ہے۔ مثلاً ایجوکیشن، جرنلزم، مالیاتی تنظیمیں ، سوشل سروس، پروفیشنل ادارے، میڈیا، مطبوعاتی تنظیمات، اس طرح کی سیکڑوں غیر حکومتی تنظیمات (NGOs) ہیں جن کو اقتدار کے بغیر قائم کر کے تقریبا ہر وہ کام انجام دیا جا سکتا ہے جن کے لیے قدیم زمانے میں سیاسی اقتدار ضروری سمجھا جاتا تھا۔

ماہنامہ الرسالہ کا انگریزی ایڈیشن

ماہنامہ الرسالہ کا انگریزی ایڈیشن بمبئی سے شائع ہو رہا ہے ۔ ایڈیشن کا نام دی اسپر بچول میچ : ہے۔ اس کی تفصیل یہ ہے )The Spiritual Message(

دی اسپر بچوں میسیج ، فی کاپی - 15 روپئے ، سالانہ 165 روپئے۔

خط و کتابت کا پتہ ہے :

The Spiritual Message

302, Koldongri CHS, Sahar Road

Andheri (East), Mumbai-400 099 (India)

Tel.: 2834 1654/28346079/2821 8609, Fax: 2823 6323

Email: hbshaikh@bom5.vsnl.net.in

كلچرل هيريٹج كا پريزرويشن 17

کلچرل ہیر ٹیج کا پریزرویشن

کلچرل ہیرٹیج (cultural heritage) اُس چیز کا دوسرا نام ہے جس کو عام طور پر ہسٹاریکل مانیومنٹ (historical monument) کہا جاتا ہے ۔ مقامی ریفرنس کے اعتبار سے وہ کلچرل ہیر ٹیج ہے اور یو نیورسل ریفرنس کے اعتبار سے وہ ہسٹاریکل مانو منٹ کلچرل ہیر ٹیج یا ہسٹاریکل مانیومنٹ کی اہمیت اسلامی ٹریڈیشن میں بھی وہی ہے جو دوسرے ٹریڈیشن یا ڈسپلن میں مانی جاتی ہے۔ حقیقت یہ ہے کہ کلچرل ہیر ٹیج کا پریزرویشن (preservation) انسانیت کے اُن عمومی معاملات میں سے ہے جس میں سکولر پوائنٹ آف ویو اور اسلامک پوائنٹ آف ویو کے درمیان کوئی فرق نہیں۔ اسلام کے مطابق بھی وہ بلا شبہ اس قابل ہے کہ اُس کو پریز رو کیا جائے۔ ماضی کے ریکارڈ کو اگر محفوظ نہ رکھا جائے تو مستقبل کی نسلوں کے لیے علم کا ایک معتبر ذریعہ ضائع ہو جائے گا۔ یہ ایک ایساتاریخی نقصان ہے جس کی تلافی کسی اور ذریعہ سے ممکن نہیں ۔

اسلام فطرت کا دین ہے۔ ہر وہ چیز جو فطرت اور ریزن کے مطابق قابل لحاظ ہو ، وہ یقینا اسلام میں بھی قابل لحاظ قرار پائے گی۔ کسی چیز کا فطری تقاضا ہونا بجائے خود اس بات کا ثبوت ہے کہ وہ اسلام کا تقاضا بھی ہے۔

اسلامی شریعت میں ایک اہم اور مسلّمہ اصول یہ ہے کہ : الأصل في الاشياء الإباحة چیزوں میں اصل ان کا مباح ہونا ہے ) اس شرعی اصول کی روشنی میں دیکھئے تو کلچرل ہر ٹیج کو پریز رو کرنا یقینی طور پر اسلام میں ایک جائز کام ہے۔ یہ ایک حقیقت ہے کہ قرآن اور سنت میں کہیں بھی یہ حکم نہیں دیا گیا ہے کہ کلچرل ہرٹیج کو پریز رونہ کرو۔ اور جب قرآن اور سنت میں اس قسم کی کوئی ممانعت موجود نہیں تو کلچرل ہر ٹیج کو پریز رو کرنا اپنے آپ جائز قرار پائے گا۔ اس عمل کو جائز ٹھہرانے کے لیےمزید کسی دلیل کی ضرورت نہیں ۔

تا ہم قرآن کے مطالعے سے معلوم ہوتا ہے کہ کلچرل ہیر ٹیچ کی اہمیت کے بارے میں ایسے حوالے بھی موجود ہیں جو اُس کی اہمیت کو ثابت کرنے کے لیے براہ راست ثبوت کی حیثیت رکھتے ہیں۔ یہاں اس سلسلے میں اسلامی ما خد سے چند متعلق حوالے درج کئے جاتے ہیں ۔

جیسا کہ معلوم ہے، مذکورہ فرعون کا جسم مصری رواج کے مطابق ، مرنے کے بعد مومیائی کر کے ایک اہرام میں رکھ دیا گیا تھا۔ یہ بلا شبہہ قدیم مصری کلچر کا ایک حصہ تھا۔ مصری کلچر کا یہ حصہ خود خدا کے منصوبے کے تحت محفوظ رہا، یہاں تک کہ انیسویں صدی کے آخر میں اُس کو مصر کے ایک اہرام سے نکالا گیا۔ اور کاربن ڈیٹنگ کے جدید طریقہ کو اپلائی کر کے یہ معلوم ہوا کہ یہ وہی فرعون ہے جو حضرت موسیٰ کے زمانے میں غرق ہوا تھا۔ فرعون کا یہ محفوظ جسم قاہرہ کے میوزیم میں قرآن کی مذکورہ آیت کی ایک شہادت کے طور پر آج بھی رکھا ہوا ہے۔

جیسا کہ معلوم ہے، فرعون ایک مشرک بادشاہ تھا۔ اس کے باوجود اللہ کی مرضی یہ ہوئی کہ اُس کے جسم کو محفوظ رکھا جائے ۔ اس سے معلوم ہوا کہ کلچرل ہسٹری کی نہ صرف عام چیزیں بلکہ مشرک بادشاہ کا جسم بھی محفوظ کیا جاسکتا ہے۔ اس پر قیاس کرتے ہوئے یہ کہنا درست ہوگا کہ با میان میں واقع بودھ کے دو ہزار سالہ مجسموں کو محفوظ رکھنا اسلام میں بھی اُسی طرح مطلوب ہے جس طرح دوسرے ٹریڈیشن یاڈسپلن میں مطلوب ہے یا ہو سکتا ہے۔

میں سمجھتا ہوں کہ کلچرل ہیں بیج کو محفوظ کرنے کی یہ ایک براہ راست مثال قرآن میں موجود ہے۔ اس سے کلچرل ہیر نج کی اہمیت بھی ثابت ہوتی ہے اور یہ بھی کہ ایسی چیز کونسل در نسل محفوظ رکھناشریعت الہی کے خلاف نہیں۔

اس کے مطابق ، اسلام میں یہ مطلوب ہے کہ ماضی کے تاریخی آثار کو اُس کی ابتدائی شکل میں محفوظ رکھا جائے تا کہ دیکھنے والے لوگ اُن سے سبق لے سکیں۔ تاریخی آثار کو محفوظ نہ رکھنے کی صورت میں اسلام کا یہ سیاحتی مقصد ہی فوت ہو جائے گا۔

خلیفہ ثانی کے اس عمل سے یہ ثابت ہوتا ہے کہ ہر قوم کو یہ حق حاصل ہے کہ جس چیز کو وہ اپنے کلچر کا حصہ سمجھتی ہے اُس کو وہ محفوظ رکھے، خواہ وہ مسلم حکومت کے اندر ہو یا مسلم حکومت کے باہر کسی حکومت کو یہ حق نہیں کہ وہ کسی گروہ کے کلچر کے معاملے میں دخل دے۔ کلچر کے تحفظ کا معاملہ حکومتی مداخلت سے آزاد معاملہ ہے۔

6۔ اس سلسلے میں ایک اہم بات یہ ہے کہ بین اقوامی اہمیت کی چیزوں میں اسلام کا نارم (nom) بھی وہی ہوگا جو دوسری قوموں کا متفقہ نارم ہو۔ انٹر نیشنل نارم کے معاملے میں اسلام کا یہ اصول پیغمبر اسلام کے بعض واقعات سے مستنبط ہوتا ہے۔

پیغمبر کے اس قول سے ایک اہم اصول معلوم ہوتا ہے اور وہ ہے عقیدہ اور امور دنیا کا فرق ۔ اسلام کے مطابق ، زندگی کے وہ معاملات جو اپنی نوعیت کے اعتبار سے امور دنیا سے تعلق رکھتے ہیں، ان کو عقیدہ کے تابع نہیں رکھا جائے گا، بلکہ ایسے موضوعات علمی ریسرچ کے تابع ہوں گے۔ ان میں وہی چیز درست قرار پائے گی جو علمی ریسرچ سے درست قرار پاتی ہو۔ ایگری کلچر اور ہارٹی کلچر سے لے کر انجینئرنگ اور ہسٹری کے شعبے تک سب اس میں شامل ہیں۔ میں سمجھتا ہوں کہ کلچرل ہر ٹیج یا ہسٹاریکل مانیومنٹ کے پرزرویشن کا معاملہ بھی انھیں چیزوں میں سے ہے جو علمی ریسرچ کے تابع ہیں، نہ کہ عقیدہ (faith) کے تابع ۔

خلاصہ یہ کہ اصولی ہدایات اور عملی نظائر دونوں اعتبار سے یہ ثابت ہوتا ہے کہ کلچرل ہیر ٹیج یا ہسٹا ریکل مانومنٹ کے پریزرویشن کے معاملے میں اسلام کی رائے بھی وہی ہے جو دوسرے ٹریڈیشن یا ڈسپلن کی ہے۔ بالفرض اگر کسی مسلم ملک میں کوئی مانیومنٹ ایسا ہو جس کو کسی مصلحت کی بنا پر ملک کے اندر رکھنا مناسب نہ ہو تو ایسی حالت میں اُس کو تباہ نہیں کیا جائے گا بلکہ خواہش مند قوموں اور ملکوں کو اُسے ایکسپورٹ کر دیا جائے گا تا کہ وہ اُس کو اپنے میوزیم میں محفوظ کرسکیں ۔

ہند پاک ڈائری

معمار انسانیت

مولانا وحید الدین خاں

امن عالم

مولانا وحید الدین خاں

مولانا وحید الدین خاں

مطالعہ حدیث

مطالعہ سیرت

سیرت رسول

مولانا وحیدالدرین خال

مولانا وحید الدین خاں

مولانا وحید الدین خاں

آغاز كلام 23

آغاز کلام

قرآن خدا کی کتاب ہے۔ وہ اپنی اصل عربی زبان میں پوری طرح محفوظ ہے۔ ایسی ایک کتاب کا ترجمہ کبھی اصل کتاب کا بدل نہیں بن سکتا ۔ ترجمہ قرآن کا مقصد صرف تقریب فہم ہے، مگر اس کا یہ مطلب نہیں کہ جو شخص عربی زبان نہ جانتا ہو، وہ قرآن کو سمجھ نہیں سکتا۔ قرآن، ایک غیر عربی داں کے لیے بھی ایک قابلِ فہم کتاب ہے۔ قرآن بظاہر عربی زبان میں ہے، لیکن اپنی حقیقت کے اعتبار سے وہ فطرت کی زبان میں ہے، یعنی وہ زبان جس میں خدا نے تخلیق کے وقت سارے انسانوں سے براہ راست خطاب کیا تھا۔ یہ خطاب ہر عورت اور مرد کے اندر غیر شعوری طور پر ہمیشہ موجود رہتا ہے۔ اس لیے قرآن ہر انسان کے لیے ایک قابلِ فہم کتاب ہے، کسی کے لیے شعوری طور پر اور کسی کے لیےغیر شعوری طور پر ۔

اس بات کو سامنے رکھا جائے تو یہ جاننا مشکل نہیں کہ قرآن کو سمجھنے کے لیے قرآن کا ترجمہ بھی ایک کافی ذریعے کی حیثیت رکھتا ہے۔ جس آدمی کی فطرت زندہ ہو، جس نے اپنے آپ کو بعد کی کنڈیشننگ سے بچایا ہو، وہ جب قرآن کا ترجمہ پڑھے گا تو اس کے ذہن کے وہ خانے کھل جائیں گے جہاں خدا کا خطاب اوّل پہلے سے محفوظ ہے۔ عہد الست اگر خدا کا خطاب اوّل ہے تو قرآن خدا کا خطابِ ثانی۔ دونوں ایک دوسرے کے لیے تصدیق کی حیثیت رکھتے ہیں۔ کوئی آدمی اگر عربی زبان نہ جانتا ہو، یا کم جانتا ہو اور وہ صرف ترجمۂ قرآن پڑھنے کی پوزیشن میں ہو تو اُس کو فہم قرآن کے بارے میں مایوسی کا شکار نہیں ہونا چاہیے۔ قرآن کا یہ تصور ِانسان موجودہ زمانے میں ایک سائنسی حقیقت بن چکا ہے۔ موجودہ زمانے میں جنیٹک کوڈ کی سائنس اور انتھرا پالوجی کا مطالعہ، دونوں اس قرآنی نقطۂ نظر کی کامل تائید کرتے ہیں۔

ہر کتاب کا ایک موضوع (subject) ہوتا ہے۔ قرآن کا موضوع یہ ہے کہ خدا کے تخلیقی نقشہ(creation plan of God) سے انسان کو آگاہ کیا جائے ، یعنی انسان کو یہ بتایا جائے کہ خدا نے یہ دنیا کس لیے بنائی ہے۔ انسان کو زمین پر بسانے کا مقصد کیا ہے۔ موت سے پہلے کے دور حیات میں انسان سے کیا مطلوب ہے، اور موت کے بعد کے دور حیات میں انسان کے ساتھ کیا پیش آنے والا ہے۔ انسان ایک ابدی مخلوق ہے۔ اس کا سفر حیات موت کے بعد بھی جاری رہتا ہے۔ قرآن اس پورے سفر حیات کے لیے ایک رہنما کتاب کی حیثیت رکھتی ہے۔ انسان کو اس حقیقت سے باخبر کرنا،یہی قرآن کا مقصد ہے اور یہی قرآن کا موضوع کلام۔

خدا نے انسان کو ایک ابدی مخلوق کی حیثیت سے پیدا کیا ۔ پھر اس کے عرصہ حیات (life span) کو دو حصوں میں بانٹ دیا۔ اس کا بہت تھوڑا حصہ قبل از موت دور میں رکھا اور اس کا زیادہ بڑا حصہ بعد از موت دور میں رکھ دیا ۔ موت سے پہلے کا جو دور ہے، وہ ٹسٹ کا دور ہے اور موت کے کا جو دور ہے، وہ ٹسٹ کے مطابق، اچھا یا برا انجام پانے کا دور۔ قرآن، زندگی کی اس حقیقت کے لیے ایک تعارفی کتاب کی حیثیت رکھتا ہے۔

انسان کے بارے میں یہ کہنا صحیح ہوگا کہ وہ پیدائشی طور پر ایک متلاشی (seeker) ہے۔ ہر انسان کے دماغ میں یہ سوال چھپا ہوا ہے کہ میں کون ہوں ، میرا مقصد حیات کیا ہے، زندگی کی حقیقت کیا ہے اور موت کی حقیقت کیا ، اس دنیا میں آدمی کی کامیابی اور ناکامی کا راز کیا ہے، وغیرہ۔

ایک عام آدمی جب قرآن کو پڑھتا ہے تو اُس کو محسوس ہوتا ہے کہ قرآن بظاہر متفرق بیانات (fragmentary statements) کا مجموعہ ہے۔ یہ احساس بظاہر خلاف واقعہ نہیں ۔ مگر قرآن کا یہ انداز کسی کمی کی بنا پر نہیں ہے بلکہ وہ عین منصوبہ قرآن کے مطابق ہے۔ قرآن موجودہ حالت میں جیسا ہے، ویسا ہی اُس کو ہونا چاہیے۔ حقیقت یہ ہے کہ قرآن خدائی تنبیہ کی ایک کتاب ہے۔ وہ اسباق اور نصیحت کا ایک مجموعہ ہے۔ قرآن، عام طرزِ تصنیف کے مطابق تیار نہیں ہوا۔ زیادہ صحیح طور پر قرآن ایک بک آف وزڈم ہے۔ قرآن کا مقصود یہ ہے کہ قرآن کو پڑھنے والا اگر قرآن کا صرف ایک صفحہ پڑھے، یا اُس کا صرف ایک جملہ سنے تب بھی اُس کو اُس میں ایک میسج مل جائے۔

قرآن ایک اعتبار سے منعم کی طرف سے انعام کی یاد دہانی ہے۔ خدا نے انسان کو استثنائی اور اوصاف کے ساتھ پیدا کیا۔ پھر اس کو زمین جیسے سیارے پر بسایا، جہاں انسان کے لیے ہر قسم کا لائف سپورٹ سسٹم موجود ہے۔ قرآن کا مقصود یہ ہے کہ انسان ، فطرت کے ان انعامات سے استفادہ کرتے ہوئے منعم کو یاد رکھے۔ وہ انعامات کے خالق کو اکنالج کرے۔ انعامات کو استعمال کرتے ہو۔ منعم کو اکنالج کرنا اور اُس کے تقاضے پورے کرنا، یہی ابدی جنت کا سرٹفکٹ ہے۔ اور انعامات کو استعمال کرتے ہوئے منعم کو فراموش کر دینا، آدمی کو جہنم کا مستحق بنا دیتا ہے۔ قرآن دراصل اسی سب سے بڑی حقیقت کی یاد دہانی ہے۔

آپ قرآن کو پڑھیں تو آپ اُس میں بار بار اس قسم کے بیانات پائیں گے کہ یہ خدا کا اتارا ہوا کلام (Word of God) ہے۔ بظاہر یہ ایک سادہ سی بات ہے، لیکن جب اس کو تقابلی طور پر دیکھا جائے تو معلوم ہوگا کہ یہ انتہائی غیر معمولی بات ہے۔ دنیا میں بہت سی کتابیں ہیں جن کے بارے میں لوگوں کا عقیدہ ہے کہ وہ مقدس کتا بیں ہیں۔ لیکن قرآن کے سوا کسی بھی مقدس مذہبی کتاب میں آپ کو یہ لکھا ہوا نہیں ملے گا کہ یہ خدا کا کلام ہے۔ اس قسم کا بیان استثنائی طور پر صرف قرآن میں موجود ہے۔ قرآن میں اس قسم کا بیان ہونا، اُس کے قاری کو ایک نقطہ آغاز دیتا ہے۔ وہ اس کا مطالعہ ایک استثنائی کتاب کے طور پر کرتا ہے، نہ کہ عام انسانی کتاب کے طور پر۔

اسی طرح قرآن میں بار بار اس طرح کا انداز ِخطاب ملتا ہے اے انسان ، یہ تیرا رب ہے جو تجھ سے خطاب کر رہا ہے۔ تو اس خطاب کوسُن اور اس کا اتباع کرنا ۔ یہ اندازِ خطاب بھی انتہائی استثنائی ہے۔ کسی بھی دوسری کتاب میں اس قسم کا براہ راست خدائی خطاب موجود نہیں ۔ یہ طرز ِخطاب انسان کو غیر معمولی طور پر متاثر کرتا ہے ۔ وہ محسوس کرتا ہے کہ میرا خدا براہ راست طور پر مجھ کو خطاب کر رہا ہے۔ یہ احساس آدمی کو مجبور کرتا ہے کہ وہ قرآن کے بیان کو انتہائی سنجیدگی کے ساتھ لے۔ وہ اُس کے ساتھ عام انسانی کتاب جیسا معاملہ نہ کرے۔

قرآن کا اسلوب بیان بھی ایک منفرد اسلوب بیان ہے۔ عام انسانی کتابوں کا طریقہ یہ ہے کہ اُس میں چیزیں تصنیفی ترتیب کے ساتھ درج ہوتی ہیں ۔ اُس میں اے سے زید تک سلسلہ وار ترتیب کی صورت میں چیزوں کو بیان کیا جاتا ہے۔ مگر قرآن میں اس قسم کا اسلوب موجود نہیں ۔ عام انسان کو بظاہر قرآن ایک غیر مرتب کلام معلوم ہوتا ہے، لیکن حقیقت کے اعتبار سے دیکھا جائے تو وہ ایک انتہائی مربوط اور مرتّب کلام نظر آئے گا۔

قرآن کے اسلوبِ کلام کے بارے میں یہ کہنا صحیح ہوگا کہ اُس کا اسلوب ایک شاہانہ اسلوب ہے۔ قرآن کو پڑھتے ہوئے ایسا محسوس ہوتا ہے جیسے اُس کا مصنف ایک ایسے برتر مقام پر ہے جہاں سے وہ ساری انسانیت کو دیکھ رہا ہے۔ ساری انسانیت اُس کا کنسرن ہے۔ وہ اپنے مقامِ عظمت سے پوری انسانیت کو خطاب کر رہا ہے۔ البتہ اس خطاب کے دوران اُس کا رخ کبھی ایک گروہ کی طرف مڑجاتا ہے اور کبھی دوسرے گروہ کی طرف۔

قرآن کا ایک خاص پہلو یہ ہے کہ اُس کا قاری کسی بھی لمحہ اُس کے مصنف سے کنسلٹ کر سکتا ہے۔ قرآن کا مصنف خدا ہے۔ وہ ایک زندہ خدا ہے۔ وہ سارے انسانوں کا احاطہ کیے ہوئے ہے۔ وہ براہِ راست طور پر ہر انسان کی بات کو سنتا ہے اور اُس کا جواب دیتا ہے۔ اس لیے قرآن کے قاری کے لیے ہر لمحہ یہ ممکن ہے کہ وہ خدا سے رابطہ قائم کر سکے۔ وہ خدا سے پوچھے اور خدا سے اپنے سوال کا جواب پالے۔

Do great Jihad with the help of the Quran. (25:52)

And speak to them a word to reach their very soul. (4:63)

اس آیت کے مطابق ، قرآن کا مطلوب قول وہ ہے جو قولِ بلیغ ، ہو، یعنی ایسا کلام جو لوگوں کے مائنڈ کو ایڈریس کرے۔ جولوگوں کو مطمئن کرنے والا ہو۔ جس کے ذریعے لوگوں کو قرآن کی صداقت پر یقین پیدا ہو۔ جس کے ذریعے لوگوں کے اندر فکری انقلاب برپا ہو جائے ۔ یہ قرآن کا مشن ہے۔ اور اس قسم کا مشن صرف دلائل کے ذریعے انجام دیا جا سکتا ہے۔ تشدد یا کسی بھی مسلح کارروائی کے ذریعےاس نشانے کو پا نا ممکن نہیں ۔

یہ صحیح ہے کہ قرآن میں کچھ ایسی آیتیں ہیں جو قتال (war) کی اجازت دیتی ہیں۔ لیکن یہ آیتیں صرف جنگی حالات کے لیے ہیں۔ وہ صرف حملے کے وقت دفاع کے معنی میں ہیں۔ دفاع کے سوا کوئی جنگ اسلام میں جائز نہیں۔ یہ دفاع بھی صرف ایک قائم شدہ ریاست (established state)کر سکتی ہے۔ اسٹیٹ کے سوا کسی بھی فرد، یا تنظیم کو جہاد چھیڑنے کی اجازت نہیں۔ قرآن کو سمجھنے کے لیے ایک اہم بات یہ ہے کہ قرآن کوئی قانونی کتاب نہیں ہے، قرآن ایک دعوتی کتاب ہے۔ اس کا مطلب یہ ہے کہ قرآن کا اسلوب کلام قانونی نہیں ہے، بلکہ دعوتی ہے۔ قانون کی زبان تعینات کی زبان ہوتی ہے۔ قانونی تحریر میں چیزیں لفظی طور پر مطلوب ہوتی ہیں۔ جب کہ دعوتی تحریر کا معاملہ ایسا نہیں۔ دعوتی تحریر میں اس کے معانی پر زور ہوتا ہے۔ دعوتی کتاب میں الفاظ کی حیثیت صرف ذریعے کی ہو جاتی ہے۔ جب کہ قانونی کتاب میں الفاظ خود مقصود بالذات بن جاتے ہیں۔

اس کا ایک پہلو یہ ہے کہ دعوتی تحریر میں تاکید کے مقصد کو حاصل کرنے کے لیے شدت کے اسلوب کو اختیار کیا جاتا ہے۔ دعوتی تحریر میں ایسے الفاظ استعمال کیے جاتے ہیں جو بظاہر نہایت سخت معلوم ہوتے ہیں، مگر دعوتی کلام میں یہ سختی بر بناء حکمت ہوتی ہے۔ ایسے کسی کلام میں شدت کو دیکھ کر اُس کو قانونی شدت کے معنی میں لینا سر تا سر نادانی کی بات ہوگی ۔ اس حکمت کا یہ نتیجہ ہے کہ دعوتی کلام میں اکثر ایسا ہوتا ہے کہ اُس میں ایک ایسی بات کہی جاتی ہے جو قانونی اسلوب کے اعتبار سے نہایت سخت معلوم ہوتی ہے، لیکن دعوتی اسلوب کے اعتبار سے وہ صرف جھنجھوڑنے کے لیے ہوتی ہے، وہ صرف اس لیے ہوتی ہے کہ آدمی کی فطرت کو جگایا جائے۔ اس کے اندر چھپے ہوئے احساسات کو متحرک کیا جائے۔ چند مثالوں سے اس کی وضاحت ہوتی ہے۔

اچھی طرح خوں ریزی نہ کرلے۔اس آیت کے الفاظ کو اگر قانونی مفہوم میں لیا جائے اس کا مطلب یہ ہوگا کہ اسیران ِجنگ کو لاز ماً قتل کیا جانا چاہیے ۔ جیسا کہ معلوم ہے، یہ اسیرانِ جنگ بوقت ِنزول آیت پوری طرح رسول اللہ صلی اللہ علیہ وسلم کے قبضہ اختیار میں تھے۔ ایسی حالت میں اگر یہ آیت قانون کی زبان میں ہوتی تو اُس میں اس قسم کے الفاظ ہونے چاہیے تھے کہ جن ستّر آدمیوں کو تم میدانِ جنگ سے گرفتار کر کے مدینہ لائے ہو، وہ سب کے سب اپنے جرم کی بنا پر گردن زدنی ہیں ۔ اس لیے فوراً انھیں قتل کر کے ان کا خاتمہ کر دو ۔ مگر نہ قرآن میں ایسی آیت اتری اور نہ رسول اللہ صلی اللہ علیہ وسلم نے اس آیت کو قانونی آیت سمجھ کر اُس کی لفظی تعمیل کی۔

اس واقعے سے واضح طور پر معلوم ہوتا ہے کہ یہ آیت اپنے ظاہری الفاظ کے اعتبار سے مطلوب ب تھی، بلکہ وہ اپنی حقیقت کے اعتبار سے مطلوب تھی ، یہ شدّتِ کلام کا معاملہ تھا جو اس لیے تھا کہ اسیرانِ جنگ کے اندر اپنی اصلاح کا جذبہ ابھرے۔ دوسرے لفظوں میں یہ کہ قرآن کی مذکورہ آیت میں جو بات تھی ، وہ کوئی قانونی حکم نہ تھا بلکہ وہ صرف ہیمرنگ کی زبان (language of hammering) تھی۔ اس آیت کا مطلب مجرمین کی اصلاح تھا، نہ کہ مجرمین کا قتل ۔ چناں چہ ان قیدیوں میں سے بیش تر لوگ بعد کو اسلام میں داخل ہو گئے ۔ مثال کے طور پر سہیل بن عمرو، وغیرہ۔

اگر یہ بات ہوتی تو اہل مکہ کفر پر جیتے اور کفر پر مرتے ، مگر عملاً اس کے برعکس ہوا۔ اس کے بعد جو ہو اوہ یہ تھا کہ اہل مکہ میں سے کچھ لوگ جنگ بدر میں مارے گئے اور جولوگ بچے ، اُن سب نے بعد کو اسلام قبول کیا ۔ اسی عملی پہلو کو سامنے رکھ کر سورہ کا مطالعہ کیا جائے تو معلوم ہوگا کہ سورہ الکافرون کےالفاظ ہیمرنگ کی زبان میں تھے، وہ قانونی حکم کی زبان میں نہ تھے۔

قرآن کے اسلوب کے بارے میں یہ بات بے حد اہم ہے۔ قرآن کا مطالعہ کرتے ہوئے اس اصول کو سامنے رکھنا بہت ضروری ہے کہ قرآن ایک دعوتی کتاب ہے۔ قرآن کوئی قانونی کتاب نہیں۔ قرآن میں جہاں بظاہر شدت ہے، وہ دعوتی حکمت کی بنا پر مخاطب کی ذہنی ہیمر نگ کے لیے ہے۔ قرآنی اسلوب کے بارے میں اس اصولی بات کو سامنے رکھے بغیر قرآن کو صحیح طور پر سمجھا نہیں جا سکتا۔ قرآن خدا کی کتاب ہے، جو پیغمبر اسلام محمد صلی اللہ علیہ وسلم کو دی گئی۔ قرآن ایک مجموعے کی صورت میں نہیں اُترا، بلکہ تئیس سال کی مدت میں متفرق اجزاء کی صورت میں وہ اتارا گیا۔ پیغمبر اسلام مکہ میں تھے ۔ جب کہ 610 عیسوی میں قرآن کا پہلا حصہ اترا۔ اس کے بعد برابر اُس کے مختلف حصے آپ اُترتے رہے۔ قرآن کا آخری حصہ آپ پر 632 عیسوی میں اترا، جب کہ آپ مدینہ میں تھے۔ قرآن کا یہ نزول فرشتہ جبریل کے ذریعے ہوتا تھا۔ آخر میں خود فرشتہ جبریل کی تعلیم کے مطابق ، قرآن کے مختلف حصوں کو ایک مجموعے کی شکل میں مرتب کیا گیا۔

قرآن میں کل 114 سورتیں ہیں ، کچھ بڑی سورتیں ہیں اور کچھ چھوٹی سورتیں ۔ آیتوں کی تعداد تقریباً ساڑھے چھ ہزار ہے۔ تلاوت کی ضرورت کے لیے قرآن کو تھیں پاروں اور سات منزلوں کی صورت میں تقسیم کیا گیا ہے۔

پیغمبر اسلام کے آخری زمانے تک قرآن کو محفوظ کرنے کا یہی طریقہ جاری رہا۔ آپ کی وفات 632 عیسوی میں ہوئی، اس کے بعد ابوبکر صدیق اسلام کے پہلے خلیفہ بنے۔ انھوں نے با قاعدہ اہتمام کے تحت، قرآن کا ایک مجلد نسخہ بنایا۔ یہ نسخہ قدیم زمانے کے کاغذ یا قرطاس پر بنایا گیا تھا۔ یہ مجلد قرآن چوکور صورت میں تھا۔ چناں چہ اس کو ربعہ (square) کہا جاتا تھا ۔ اس طرح قرآن ، خلیفہ اوّل کے زمانے میں مجلد کتاب کی صورت میں محفوظ ہو گیا ۔ تیسرے خلیفہ عثمان بن عفان کے زمانے میں اس مجلّد قرآن کے مزید نسخے تیار کیے گئے اور اس کو مختلف شہروں میں بھیج دیا گیا۔ یہ نسخے شہر کی جامع مسجدوں میں موجود رہتے تھے۔ لوگ اُن کو پڑھتے بھی تھے اور اُن سے مزید نسخے تیار کرتے تھے۔

کتابت قرآن کا یہ سلسلہ انیسویں صدی عیسوی تک جاری رہا۔ انیسویں صدی میں پرنٹنگ پریس ایجاد ہوا اور ساتھ ہی کا غذ بھی جدید صنعتی طریقے پر بڑی تعداد میں تیار کیا جانے لگا۔ اس طرح انیسویں صدی میں قرآن کو باقاعدہ طور پر پرنٹنگ پریس کے ذریعے چھاپنے کا آغاز ہو گیا۔ چھپائی کے طریقوں میں مسلسل ترقی ہوتی رہی۔ اس کے ساتھ قرآن کے مطبوعہ نسخے بھی زیادہ بہتر طور پر تیار ہونے لگے ۔ اب قرآن کے مطبوعہ نسخے اتنے زیادہ عام ہو گئے ہیں کہ وہ ہر گھر میں اور ہر مسجد میں اور ہر لائبریری میں اور ہر مارکیٹ میں اس طرح وافر مقدار میں موجود ہیں کہ ہر انسان قرآن کے چھپےہوئے خوب صورت نسخے حاصل کر سکتا ہے، خواہ وہ گرہ ارض کے کسی بھی مقام پر ہو۔

ويل للمطففين 34

ويل للمطففين

تطفیف کے معنی ہیں، ناپ اور تول میں کمی کرنا۔ اس آیت میں ناپ اور تول میں کمی سے مراد سادہ طور پر صرف تراز و یا ناپ کا پیمانہ نہیں ہے بلکہ اس میں تمثیل کی زبان میں ایک انسانی صفت کی حقیقت کو بتایا گیا ہے ، وہ یہ کہ آدمی کو ایسا نہیں کرنا چاہیے کہ وہ اپنے آپ کو ایک معیار سے جانچے اور دوسرے کو کسی اور معیار ہے۔ وہ اپنی صرف خوبیاں لے اور دوسرے کی صرف برائیاں ۔ اور اس طرح غیر منصفانہ تقابل کے ذریعہ یہ ظاہر کرے کہ وہ صرف اچھا ہے اور اس کے مقابلے میں دوسراشخص صرف برا۔

تطفیف کا یہ انداز بہت عام ہے۔ ہر سماج میں لوگ کثرت سے اسی روش پر کار بند ہوتے ہیں۔ یہی سب سے بڑی وجہ ہے جس کی بنا پر سماج کے اندر باہمی خیر خواہی اور حسن ظن کی فضا پیدا نہیں ہوتی ۔ مثلاً دو آدمیوں نے مل کر ایک کاروبار کیا۔ اُن میں سے ایک شخص نے دس لاکھ روپیہ کا سرمایہ دیا اور دوسرے شخص نے اپنی محنت اور قابلیت کو کاروبار میں وقف کر دیا۔ کچھ عرصے کے بعد کاروبار بڑھااور اس کی مالیت ایک کروڑ روپیہ کے برابر ہوگئی ۔

اب تطفیف یہ ہے کہ ابتدائی سرمایہ لگانے والا صرف اپنے سرمایہ کو جانے اور فریق ثانی نے اپنی محنت سے اس ابتدائی سرمایہ پر جو اضافہ کیا ہے اُس کو بھول جائے۔ دوسری طرف محنت کرنے والا فریق صرف اپنی محنت کو دیکھے اور دوسرے پارٹنر نے اپنے سرمایہ کے ذریعہ اس کو جو بنیاد فراہم کی اُس کو وہ فراموشی کے خانہ میں ڈال دے۔ اس قسم کی تخفیف دونوں شریکوں کے دل میں ایک دوسرے کے خلاف منفی جذبات پیدا کرے گی یہاں تک کہ دونوں لڑکر ایک دوسرے سے الگ ہو جا ئیں جائیں گے۔

اس کے برعکس اگر ایسا ہو کہ دونوں ایک دوسرے کے حصہ (contribution) کو یا درکھیں اور اُس کا کھلا اعتراف کریں تو دونوں کے دل میں ایک دوسرے کی عزت اور اہمیت ہوگی ۔ ایسی حالت میں اُن کا مشترک کا روبار مسلسل چلتا رہے گا یہاں تک کہ وہ عظیم کامیابی تک پہنچ جائے گا۔

یہی معاملہ گروہی نزاعات کا ہے۔ گروہی نزاعات میں بھی عام طور پر لوگ تطفیف کا شکار ہو جاتے ہیں۔ ہر گروہ اپنی طرف کے ظلم کو حذف کر کے دوسرے گروہ کے ظلم کو بیان کرتا ہے۔ مثلا ایک گروہ کے لوگوں نے دوسرے گروہ کے لوگوں پر پتھر برسا کر انھیں زخمی کر دیا۔ اُس کے بعد دوسرے گروہ کے لوگ مشتعل ہو گئے اور انھوں نے پتھر کے جواب میں بم کا استعمال کر کے مزید اضافہ کےساتھ فریق اول کو نقصان پہنچایا۔

اب یہ ہوتا نا ہے کہ دونوں فریق ، معاملے کی یک طرفہ رپورٹنگ کرتے ہیں۔ یعنی ایک فریق یہ کرتا ہے کہ وہ صرف دوسرے فریق کے بموں کا حال بتا کر اُس کو ظالم ثابت کرتا ہے۔ اسی طرح دوسرا فریق یہ کرتا ہے کہ وہ مخالف فریق کی طرف سے آنے والے پتھروں کا ذکر کر کے ظاہر کرتا ہے کہ وہی یک طرفہ طور پر ظالم ہے۔ یہ بلا شبہ تطفیف ہے۔ اس قسم کی تخفیف جس سماج میں رائج ہو جائے اُس کے معاملات کبھی درست نہ ہوں گے۔ اُس کے لوگوں کے درمیان ہمیشہ نفرت اور ٹکراؤ کا ماحول باقی رہے گا۔ اور نفرت اور ٹکراؤ کے ماحول میں نہ ایک گروہ ترقی کر سکتا ہے اور نہ دوسرا گروہ ۔

اس کے بجائے صحیح طریقہ یہ ہے کہ لوگ انصاف اور غیر جانب داری کا طریقہ اختیار کریں ۔ ہرایک یہ کرے کہ دوسرے کی کوتاہی بتانے کے ساتھ وہ خود اپنی کوتاہی کو بھی بتائے۔ دوسرے کے ظلم کی نشاندہی کے ساتھ وہ اپنے حصہ کے ظلم کا بھی گھلا اقرار کرے۔ یہی منصفانہ روش ہے اور اسی قسم کی منصفانہ روش سے یہ ہوتا ہے کہ کسی سماج میں اعلیٰ اخلاقی قدریں فروغ پائیں اور وقتی رکاوٹوں کے باوجود سماج کا ترقیاتی سفر مسلسل آگے کی طرف جاری رہے، یہاں تک کہ وہ اپنی آخری منزل پر پہنچ جائے ۔

يهود كي حيثيت 36

یہود کی حیثیت

Was he not a human being?

یہاں یہ سوال ہے کہ قرآن کے بیان کے مطابق، یہودی قابل لعنت ہیں اور دوسری طرف پیغمبر اسلام صلی اللہ علیہ وسلم کے عمل کے مطابق وہ قابل احترام ۔ اب سوال یہ ہے کہ ان دو مختلف بیانات کے درمیان تطبیق کیا ہے۔ غور کرنے سے یہ بات سمجھ میں آتی ہے کہ قرآن میں جو بات کہی گئی ہے اس کا تعلق اللہ تعالیٰ سے ہے۔ یعنی یہ اللہ کے اپنے نزدیک یہود کی حیثیت کا بیان ہے اور صحیح البخاری میں پیغمبر اسلام صلی اللہ علیہ وسلم کا جو عمل بیان ہوا ہے، وہ یہود کی اس انسانی حیثیت کو بتاتاہے جو موجودہ دنیا میں انھیں انسان کی نسبت سے حاصل ہے۔

یہود یا غیر یہود کا ایک معاملہ وہ ہے جس کا تعلق براہ راست اللہ سے ہے۔ اس کا عمومی اظہار صرف آخرت میں ہوگا ۔ جہاں تک موجودہ دنیا کا تعلق ہے، ہمارا فرض ہے کہ ہم ان کے ساتھ وہی اخلاقی اور انسانی برتاؤ رکھیں جو ہر انسان کے لیے مقرر ہے، ہمیں یہ حق نہیں کہ ہم اخلاقی تعلقات میں یہود اور غیر یہود کے درمیان فرق کریں ۔

اس سلسلے میں دوسری بات جو واقعات کے ذریعہ معلوم ہوتی ہے، وہ یہ ہے کہ اللہ تعالیٰ کا غضب یہود کی تمام نسلوں کے ساتھ علی الاطلاق طور پر نہیں ہے۔ بلکہ وہ صرف ان یہودی افراد سے ہے جو اللہ کے علم کے مطابق ، قابل لعنت فعل کے مرتکب ہوئے ہوں ۔ اس کا ایک ثبوت یہ ہے کہ یہودی نسل کے بہت سے لوگوں کو اسلام قبول کرنے کی توفیق حاصل ہوئی، پیغمبر اسلام صلی اللہ علیہ وسلم کے زمانہ میں بھی اور بعد کے زمانہ میں بھی۔ یہودی مردوں اور عورتوں کے قبول اسلام کا یہ سلسلہ آج تک

جاری ہے۔

جب یہودی نسلوں میں برابر ایسے افراد نکل رہے ہوں جو توبہ کریں اور دین حق کو اپنا دین بنائیں ، ایسی حالت میں دعوت کے نقطۂ نظر سے یہ جائز نہیں ہو سکتا کہ ان سے نفرت کر کے انھیں مستقل طور پر اپنے سے دور کر دیا جائے۔

قرآن کی سورہ الفاتحہ میں المغضوب عليهم كا لفظ آیا ہے۔ عام طور پر اس کی تشریح میں کہا جاتا ہے کہ اس سے مراد یہودی ہیں مگر یہ صحیح نہیں ، اس میں ایک صفت کا ذکر ہے نہ کہ کسی خاص نسل کا۔ حقیقت یہ ہے کہ کوئی بھی شخص اپنے ذاتی فعل کی بنا پر مغضوب قرار پاسکتا ہے، یہودی بھی اور غیر یہودی بھی حتی کہ مسلمانوں میں بھی ایسے لوگ ہو سکتے ہیں جو اپنے فعل کی بنا پر اس کے مستحق قرار پائیں ، مگر کسی قوم کی تمام نسلوں کے لیے یہ لفظ نہیں بولا جا سکتا۔

کتابوں کا اشتہار

دین و شریعت :دین اسلام کا ایک فکری مطالعہ

رہنمائے حیات :مولانا وحید الدین خان ،ڈائری

۱۹۹۳-۹۴

مولانا وحید الدین خان

تقابلي طريقِ مطالعه 38

تقابلی طریق مطالعه

In comparison that we understand

یہ علمی طریق مطالعہ کا ایک اہم اصول ہے۔ وہ اسلام کے مطالعہ کے لیے بھی اتنا ہی اہم ہے جتنا دوسرے علوم کے مطالعہ کے لیے۔ یہاں قرآن اور سنت سے اس معاملے کی چند مثالیں درج کی جاتی ہیں۔

اس تقابل پر غور کیجئے تو ایک نہایت گہری حکمت معلوم ہوتی ہے ۔ وہ یہ کہ اسلامی تحریک یادینی دعوت کا طریقہ یہ ہے کہ افکار میں تبدیلی کی پر امن جدو جہد سے اپنے عمل کا آغاز کیا جائے ، نہ کہ نظام یا ظاہری ڈھانچہ کو تشدد کے ذریعہ توڑنے سے۔ اس ربانی حکمت کو نہ سمجھنے کی وجہ سے موجودہ زمانہ کے مصلحین نے نظام کو توڑنے سے اپنے عمل کا آغاز کیا جو قانونِ الہی کے خلاف ہونے کی بنا پر اصلاح کے نام پر فساد کا باعث بن گیا۔

یہی وہ ذہن ہے جس کی ترجمانی اقبال نے اپنے اس شعر میں کی ہے:

Ignore the problems, avail the opportunities.

الدعوة هي الحل الوحید ( دعوت ہی واحد حل ہے )۔

3۔ مکہ کے 13 سالہ دور میں اگر چہ سو سے زیادہ آدمی اسلام میں داخل ہو گئے تھے، مگر مشرکین کے غلبہ کی بنیاد پر وہاں رسول اور اصحاب رسول کے لیے حالات دن بدن سخت ہوتے چلے گئے ۔ یہاں تک کہ تیرھویں سال ہجرت کا فیصلہ ہوا۔ چنانچہ آپ اور آپ کے اصحاب ملکہ کو چھوڑ کر مدنیہ چلے گئے ۔ رسول اللہ صلی اللہ علیہ وسلم نے جب رات کے وقت مکہ کو چھوڑا تو صورت حال یہ تھی کہ وہاں کے مشرکین تلوار سے مسلح ہو کر آپ کے مکان کو گھیرے ہوئے تھے ۔ یہ گویا ان کی طرف سے ایک قسم کی دعوت ِقتال تھی ۔ مگر آپ مقابلہ سے اعراض کرتے ہوئے خاموشی کے ساتھ رات کے وقت مکہ سے نکلےاور 400 میل کا سفر طے کر کے مدینہ آگئے ۔

كيف القرار وقد نكس أعلامنا بطرابلس

تراجم تذكير القرآن

تذکیر القرآن کے ہندی اور انگریزی ترجموں کے بعد اب دیگر مقامی زبانوں تلگو، تامل، آسامی، گجراتی، مراٹھی، پنجابی، بنگالی، اُڑیا، کنڑ ، نیز مختلف عالمی زبانوں جرمن ، فرینچ ، اسپینش ، روسی ، جاپانی اور چینی ، وغیرہ میں اُس کا ترجمہ اور اشاعت مطلوب ہے۔ جو حضرات تذکیر القرآن کے ترجمہ اور کمپوزنگ اور اشاعت کا دعوتی کام کرنا چاہتے ہوں، وہ ادارے کو اپنا مخلصانہ تعاون دیں، اوراپنے مکمل پتے سے آگاہ فرمائیں ۔ اس سلسلے کے تمام اخراجات ادارے کے ذمے ہوں گے۔

كتاب، ترازو اور لوها 43

کتاب ، تراز و اور لوہا

خدا نے ہر زمانے میں پیغمبروں کے ذریعے اپنا کلام انسانوں کے پاس بھیجا۔ اب خدا کی آخری کتاب قرآن ہے جو کامل طور پر محفوظ کتاب ہونے کی بنا پر خدائی ہدایت کو معلوم کرنے کا واحد مستند ذریعہ ہے۔ انسان کو چاہیے کہ وہ قرآن کا مطالعہ کر کے اپنے بارے میں خدا کی ہدایت کو معلوم کرے اور اس پر عمل پیرا ہو جائے۔

اس نظری ہدایت کے بعد خدا نے دو اور چیز پیدا کی وہ تر از و اور لوہا ہے۔ یہ دونوں چیزیں گویا دو مطلوب ربانی کردار کے لیے مادّی ماڈل کی حیثیت رکھتی ہیں۔ تراز و اس بات کا ماڈل ہے کہ اخلاق اور معاملات میں آدمی اسی طرح منصفانہ برتاؤ کا طریقہ اختیار کرے جس طرح ایک ترازو برابری کی تول تولتا ہے اور نہایت منصفانہ طور پر حقوق کا تعین کر دیتا ہے۔ ایسا ہی منصفانہ طریقہ انسان کو اپنی عملی زندگی میں اختیار کرنا چاہیے۔

یہی معاملہ لوہے کا ہے۔ انسان سے جو ربانی کردار مطلوب ہے، لوہا اس کا ایک مادّی ماڈل ہے۔ لوہے میں بیک وقت دو اعلیٰ صفت پائی جاتی ہے۔ ایک یہ کہ وہ قابل اعتماد حد تک مضبوط ہے۔ دوسرا یہ کہ اس سے زندگی کے بہت سے فائدے حاصل ہوتے ہیں ۔ آدمی کو چاہیے کہ وہ خدا کی کتاب سے ہدایت معلوم کرے اور اجتماعی زندگی میں لوہے کی طرح مضبوط کردار کا حامل بن جائے ۔ وہ دنیامیں اس طرح رہے کہ دوسروں کو اُس سے ہمیشہ فائدہ پہنچتا رہے۔ اس آیت میں لوہے کی دو صفت بتائی گئی ہے۔ مضبوطی اور نفع بخشی ۔ یہ دونوں چیزیں ایک دوسرے سے الگ نہیں، بلکہ وہ ایک دوسرے سے جڑی ہوئی ہیں۔ حقیقت یہ ہے کہ مضبوطی ہی کا ایک پہلو نفع بخشی ہے۔ کوئی چیز مضبوط ہو ، اُس وقت وہ نفع بخش بن سکتی ہے ۔ مضبوطی نہیں تو نفع بخشی بھی نہیں ۔

آیت کا آخری حصہ بتاتا ہے کہ یہ سارا معاملہ حالتِ غیب میں پیش آتا ہے ۔ کیوں کہ انسان کو اس دنیا میں آزمائش کے لیے رکھا گیا ہے۔ آزمائش کا مطلب یہ ہے کہ کسی مجبوری کے بغیر خود اپنے اختیار سے درست رویہ اختیار کرنا ۔ یہ بات حالتِ غیب ہی میں ہو سکتی ہے۔ اگر خدا اور اس کی طاقت آنکھوں کے سامنے ظاہر ہو جائے تو وہ حالت ہی ختم ہو جائے گی جس میں کسی کا امتحان لیا جائے اور اس کے بارے میں آخرت کے انجام کا فیصلہ کیا جائے۔

لکھنؤمیں مولانا وحید الدین خاں کی عصری اسلوب میں فکر انگیز اسلامی کتابیں اور ماہنامہ الرسالہ

حسب ذیل پتے پر دستیاب ہیں :

Mohammad Hassan Nadwi

Star Mobiles & Electronics, Shop No. 6, Sabzi Mandi,

Sattya Market, Sector: 17, Lucknow. (U.P.) 226016

Mobile: 09305356090, Email: mhcps@yahoo.com

غیر حقیقی ذہن

ایک سفید فام امریکی نو مسلم ہیں اُن کا قدیم نام اسٹیو اسکلر (Steev Sklar) تھا۔ اُنھوں نے اپنا اسلامی نام محمد مصطفیٰ رکھا۔ انھوں نے اسلام قبول کرنے کے بعد دس سال سے زیادہ مدت مسلم ملکوں میں گزاری۔ انھوں نے عربی زبان اتنی سیکھ لی ہے کہ اب وہ بے تکلف عربی بولتے ہیں۔ دہلی میں ان سے ملاقات ہوئی۔ انھوں نے کہا کہ میں نے موجودہ زمانے کے مسلمانوں کا گہرائی کے ساتھ مطالعہ کیا ہے۔ میرے مطالعہ کے مطابق ، موجودہ زمانے کے مسلمانوں کا کیس وہی ہے جس کو انگریزی میں پیرانوئیا (paranoia) کہا جاتا ہے، یعنی اپنی بڑائی کا وہم ۔ محمد مصطفیٰ صاحب کئی بار دہلی آئے اور ہر بار مجھ سے تفصیلی ملاقات ہوئی۔ وہ جب بھی میرے پاس آتے ، وہ روزے سے ہوتے۔ ان کا کہنا تھا کہ تنہا آپ کو چھوڑ کر موجودہ زمانے کا ہر مسلمان میرے نزدیک ایک پیرانو ئک کردار (paranoic character) بن گیا ہے۔

ثُریّا سے زمیں پر آسماں نے ہم کو دے مارا!

اگر تو مجھے آخرت کی نعمتوں سے محروم نہ کرے تو دنیا کی نعمتوں سے محرومی کی مجھے پروا نہیں۔

حقیقت یہ ہے کہ دنیا کی پوری زندگی ایک مسلسل امتحان ہے۔ یہاں صاحب اقتدار ہونا بھی امتحان ہے اور بے اقتدار ہونا بھی امتحان ۔ یہاں ملنا بھی امتحان ہے اور چھن جانا بھی امتحان ۔ یہاں با عظمت ہونا بھی امتحان ہے اور بے عظمت ہونا بھی امتحان ۔ اصل قابل لحاظ چیز یہ ہے کہ آدمی کو جس آزمائش میں بھی ڈالا جائے اُس میں وہ پورا اُترے۔

سہارن پور ( یوپی ) میں مولانا وحید الدین خاں کی عصری اسلوب میں فکر انگیز اسلامی کتابیں اور ماہنامہ الرسالہ حسب ذیل پتے پر دستیاب ہیں ۔ یہاں سے دعوتی مقصد کے لیے کتابیں مفت بھی حاصل کی جاسکتی ہیں۔ پستہ درج ذیل ہے :

Dr. Mohd. Aslam

3/1108, Dehradun Chowk, Saharanpur-247001, U.P.

Mob. 9997153735, Email: dr_aslm@rediffmail.com

اسکیم برائے ادارہ اور مساجد

مساجد اور مدارس اور اداروں کے لیے مولانا وحید الدین خاں کی دس کتابوں کا ایک منتخب سیٹ تیار کیا گیا ہے۔ خواہش مند حضرات آرڈر روانہ کر کے ۴۰ فی صد کی خصوصی رعایتی قیمت پر اس کو حاصل کر سکتے ہیں۔ ڈاک خرچ ادارے کے ذمے ہوگا۔ نیز یہ آرڈر صرف D.D یا .MO کے ذریعے روانہ کیا جائے گا۔ جو حضرات کتابوں کا یہ منتخب سیٹ مساجد اور مدارس اور اداروں کو اپنی طرف سے ہدیہ کرنا چاہتے ہوں، وہ بھی اس اسکیم میں حصہ لے سکتے ہیں۔ ہر آرڈر کے ساتھ ماہ نامہ الرسالہ (اُردو) ایک سال کے لیے مفت جاری کیا جائے گا۔ کالج اور یونیورسٹی کے طلبا اور اساتذہ بھی اس اسکیم سے فائدہ اٹھا سکتے ہیں :

سیٹ برائے مساجد

1 تذكير القرآن ( اردو )

2 الله اكبر

3 مطالعه قرآن

سیٹ برائے ادارہ اور مدارس

1 تذكير القرآن ( اردو )

4 قال الله وقال الرسول

5 مطالعہ حدیث

2 اللہ اکبر

3 مطالعہ سیرت

4 الاسلام

5 فکر اسلامی

6 مطالعہ سیرت

6 دین و شریعت

7 سیرت رسول

7 تجدید دین

8 پیغمبر انقلاب

8 مذہب اور جدید چیلنج

و عظمت اسلام

10 انسان کی منزل

رعایتی قیمت صرف : 570 .Rs

و انسان کی منزل

10 راز حیات

رعایتی قیمت صرف 510 .Rs

Al-Risala Monthly

1, Nizamuddin West Market, New Delhi-110013

Tel. 24355454, 24355729, email: info@goodwordbooks.com

ایجنسی الرساله

الرسالہ بیک وقت اردو اور انگریزی میں شائع ہوتا ہے۔ الرسالہ (اردو) کا مقصد مسلمانوں کی اصلاح اور ذہنی تعمیر ہے۔ الرسالہ (انگریزی) کا خاص مقصد یہ ہے کہ اسلام کی بے آمیز دعوت کو عام انسانوں تک پہنچایا جائے ۔ الرسالہ کے تعمیری اور دعوتی مشن کا تقاضا ہے کہ آپ نہ صرف اس کو خود پڑھیں بلکہ اس کی ایجنسی نے کر اس کو زیادہ سے زیادہ تعداد میں دوسروں تک پہنچائیں ۔ ایجنسی گویا الرسالہ کے متوقع قارئین تک اس کو مسلسل پہنچانے کا ایک بہترین درمیانی وسیلہ ہے۔ الرسالہ (اردو) کی ایجنسی لینا ملت کی ذہنی تعمیر میں حصہ لینا ہے جو آج ملت کی سب سے بڑی ضرورت ہے۔ اسی طرح الرسالہ (انگریزی) کی ایجنسی لینا اسلام کی عمومی دعوت کی مہم میں اپنے آپ کو شریک کرنا ہے جو کار نبوت ہے اور ملت کے اوپر سب سے بڑا فریضہ ہے۔

ایجنسی کی صورتیں

ا الرسالہ (اردو، انگریزی) کی ایجنسی کم از کم پانچ پر چوں پر دی جاتی ہے۔ کمیشن ۲۵ فی صد ہے۔ ۱۰۰ پر چوں سے زیادہ تعداد پر کمیشن ۳۳ فی صد ہے۔ پیلینگ اور روانگی کے تمام اخراجات ادارہ الرسالہ کے ذمہ ہوتے ہیں۔زیادہ تعدا د والی ایجنسیوں کو ہر ماہ پرچے بذریعہ وی پی روانہ کئے جاتے ہیں۔کم تعداد والی ایجنسی کے لیے ادائیگی کی دو صورتیں ہیں۔ ایک یہ کہ پرچے ہر ماہ سادہ ڈاک سے بھیجےجائیں ، اور صاحب ایجنسی ہر ماہ یا دو تین ماہ بعد اس کی رقم بذریعہ منی آرڈر روانہ کردے۔ دوسری صورت یہ ہے کہ چند ماہ ( مثلاً تین مہینے تک پرچے سادہ ڈاک سے بھیجے جائیں اور اس کے بعد والے مہینےمیں تمام پرچوں کی مجموعی رقم کی وی پی روانہ کی جائے۔

زر تعاون الرساله ہندستان کے لیے

ایک سال

دو سال

تین سال

پانچ سال

بیرونی ممالک کے چا ( ہوائی ڈاک )

$10/£5

Rs. 100

$20/£10

Rs. 200

$30/£15

Rs. 300

$45/£20

Rs. 480