خاتمہ کلام

خاتمۂ کلام

اس کتاب کے بیشتر مضامین سلمان رشدی کا مسئلہ پیش آنے کے جلد ہی بعد لکھے گئے تھے۔ اس کے کچھ حصے ماہنامہ الرسالہ میں بھی شائع ہو ئے۔ یہ پورا مجموعہ 1989میں کتاب کی صورت میں مرتب ہو کر چھپنے کے لیے تیار ہو گیا تھا۔ تاہم بعض وجوہ سے بروقت اس کی اشاعت ممکن نہ ہو سکی۔ لمبی تا خیر کے بعد 1996کے آخر میں اس کو شائع کیا جارہا ہے۔

اب مجھے ایسا محسوس ہو تا ہے کہ یہ تاخیر حکمت سے خالی نہ تھی ۔ اسی تاخیر کی وجہ سے یہ ممکن ہوا کہ ’’ خاتمۂ کلام‘‘ کا یہ باب کتاب کے آخر میں شائع ہو سکے جو بہت بعد کو جون 1996میں لکھا گیا ہے۔ اگر 1989میں یہ کتاب چھپ جاتی تو وہ اس ضروری باب سے خالی ہوتی۔

ہمارا لکھنے اور بولنے والا طبقہ عام طور پر سلمان رشدی کو ’’ اعدائے اسلام ‘‘کی سازش سمجھتا ہے۔ اس کا خیال یہ ہے کہ یہ اسلام کے خلاف اہل مغرب کی سازش ہے جس نے سلمان رشدی کے قصہ کی صورت اختیار کی۔ میرے نزدیک یہ محض سطحی بات ہے جو سراسر بے بنیاد ہے۔ حقیقت یہ ہے کہ سلمان رشدی کی کتاب مصنف کا ایک انفرادی فعل ہے ، نہ کہ مغربی ملکوں کا کوئی اجتماعی منصوبہ۔

مزید یہ کہ موجودہ زمانہ میں کچھ مغربی حلقوں کی طرف سے اسلام کے خلاف جو پروپیگنڈا کیا گیا ہے۔ اورپرنٹ میڈیا اور الیکٹرانک میڈیا میں اسلام کی تصویر بگاڑنے کی جو کوشش کی گئی ہے، اس کا سب سے بہتر اور مؤثر جواب بھی بعض مغربی مصنفین ہی نے فراہم کیا ہے۔ ان میں سے ایک قابل تذکرہ کتاب ایک برطانی خاتون کی ہے جو پہلی بار 1991میں لندن سے چھپی ہے۔ 280صفحہ کی یہ قیمتی کتاب حسب ذیل ہے

حال ہی میں لندن سے ایک اور کتاب چھپی ہے ۔ اس کتاب نے اس افسانہ کا خاتمہ کردیا ہے کہ سوویت یونین کے ٹوٹنے کے بعد مغرب نے اسلام کو اپنے عدو کے روپ میں پیش کرنا شروع کیا ہے۔ عجیب بات ہے کہ اس افسانہ کی• شہرت مغربی دنیاسے زیادہ مسلم دنیا میں ہوئی ہے ۔ یہ کتاب ایسے لوگوں کے لیے انتہائی قابل مطالعہ کتاب ہے جو عداوت کے مفروضہ میں یقین رکھے ہو ئے ہیں

یہ دوسری کتاب عربی زبان میں بھی ترجمہ ہو کر چھپ چکی ہے۔ اور اس کا نام یہ ہےالاسلام واسطورۃ الوجھۃ۔

سلمان رشدی کے واقعہ کے ذریعہ زیادہ اہم چیز جو بے نقاب ہو ئی ہے وہ خود مسلمانوں کے علماء اور دانشوروں کی ایک مہلک کمزوری ہے، وہ ہے — ایک خبر کو سن کر فوراً اس کے اوپر بھڑک اٹھنا اور بلا تحقیق اس کے پیچھے دوڑ پڑنا۔ اس قسم کی عاجلانہ کاروائی ہمیشہ آخر کار خود اپنی رسوائی کا باعث ہو تی ہے۔ اور وہی اس معاملہ میں ہمارے ساتھ پیش آیا ہے۔

اس قسم کا رد عمل بلاشبہ ایک غیر اسلامی فعل ہے۔ قرآن وحدیث میں واضح طور پر اہل اسلام كو ایسے عاجلانہ رد عمل سے منع کر دیا گیا ہے۔

برائی کے خلاف عاجلانہ اقدام خدا کی اسکیم کے خلاف ہے۔ چنانچہ اس کا نتیجہ اکثر حالات میں ندامت ہوتا ہے۔ سلمان رشدی کے معاملہ میں تقریباً پوری ملّت اسی نادانی سے دو چار ہو ئی ہے۔ اس معاملہ کی خبر جب میڈیا کے ذریعہ لوگوں کے سامنے آئی تو تحقیق اور مشورہ کے بغیر ہر ایک لفظی جہاد کے میدان میں کود پڑا۔ مگر آخر میں ہر ایک کو ندامت کا شکار ہو کر پیچھے ہٹنا پڑا۔

1۔ہندستان کے علماء، مثلاً مولانا سید ابو الحسن علی ندوی(ناظم ندوۃ العلماء لکھنؤ)، مولانا ابواللیث اصلاحی(سابق امیر جماعت اسلامی ہند) نے قتل کے فتوے کی حمایت میں فوراً اخبار میں بیان دے دیا۔ بعد کو حالات نے بتایا کہ ان کی حمایت درست نہ تھی۔ چنانچہ دونوں نے اپنے سابقہ بیان میں تعدیل کی اور دوسرا بیان اخبار میں شائع کیا (ملاحظہ ہو، زیر نظر کتاب کا صفحہ 81)۔

Q. What is your opinion on the death penalty imposed on the British author Salman Rushdie by Iran's religious leaders?

سوال  ایران کے مذہبی رہنماؤں نے برطانی مصنف سلمان رشدی کے خلاف موت کی سزا کا فیصلہ دیا ہے۔ اس کے بارے میں آپ کی رائے کیا ہے؟

جواب کچھ لوگ جذباتی طور پر اس قسم کی تجویز یں منظور کرتے ہیں۔ میں سمجھتا ہوں کہ آج ہمیں انسانی حقوق کو فروغ دینا چاہیے۔ موت کی سزا کو صرف ان مجرموں کے لیے ہونا چاہیے جو قتل کا جرم کرتے ہیں۔ بصورت دیگر، ہر ایک کو انسانی حقوق دیا جا نا ضروری ہے۔

4۔خود ایرانی رہنماؤں کا بھی یہی حال ہوا ۔ ابتداء ًانھوں نے بڑے زور شور کے ساتھ قتل کی سزا کا اعلان کیا۔ مگر اس کے بعد ساری دنیا میں ان کے خلاف جو رد عمل ہوا اس کی بنا پر وہ اس کے لیے کو ئی بھی عملی اقدام نہ کر سکے۔ پھر یہ خبریں آنے لگیں کہ ایرانی رہنما سلمان رشدی کے قتل کے فتوے کو واپس لے رہے ہیں۔ آخر کار 12مارچ1996ء کو ابو ظبی کی ڈیٹ لائن کے ساتھ اخباروں میں اس عنوان کی خبرآگئی کہ— ایران رشدی کے خلاف قتل کی سزا کو موقوف کرتا ہے

"Iran drops death sentence on Rushdie."

"The Iranian decision must be welcomed with the hope that the twentieth-century world will turn a leaf on the medieval practices of burning books and sending their authors to the stake."

ایران کے اس فیصلہ کو خیر مقدم کیا جانا چاہیے، اس امید میں کہ بیسویں صدی کی دنیا اب قرون وسطیٰ کے ان طریقوں سے نجات پا جائے گی، جب کہ کتابوں کو جلایا جاتا تھا اور ان کے مصنفین کو زندہ نذر آتش کر دیا جاتا تھا۔

5۔یہی واقعہ وسیع تر سطح پر ملّت کے ساتھ پیش آیا ۔ سلمان رشدی کی کتاب پر آیت اللہ خمینی کا فتویٰ آنے کے بعد ساری دنیا کا مسلم پریس بیک زبان اس کی تائید پر کھڑا ہو گیا۔ تمام اخبار لکھنے اور بولنے والے لوگ مکمل طور پر خاموش ہیں ، جب کہ سلمان رشدی بدستور اپنی جگہ قائم ہے۔

ان دو کے سو ا تیسرارویہ — بلااعلان چپ ہو جانا ، موجودہ حالت میں ایک جرم ہے اور سخت اندیشہ ہے کہ اس تیسرے موقف کو اختیار کرنے کے لیے انھیں خدا کے یہاں سخت مواخذہ کا سامنا کرنا پڑے گا۔

موجودہ زمانہ کے مسلم رہنماؤں نے بار بار ایسا کیا ہے کہ ان کے سامنے ایک صورت حال آئی۔ انھوں نے ضروری تحقیق کے بغیر جلد بازی میں ایک انقلابی قدم اٹھادیا۔ بعد کو معلوم ہوا کہ ان کا اقدام غلط تھا۔ اس علم کے بعد انھوں نے صرف یہ کیا کہ خاموش ہو کر اپنے اپنے مقام پر بیٹھ گئے۔

میں سمجھتا ہوں کہ کسی رہنما کے لیے یہ موقف جائز نہیں ۔ اس طرح بزعم خود وہ اپنی تصویر بگڑنے سے بچالیتا ہے مگر عوام کو ابدی طور پر وہ ہلاکت کے گڑھے میں باقی رہنے دیتا ہے۔ عام لوگ کسی معاملہ کی گہرائی کو سمجھ نہیں سکتے۔ وہ اپنے قائد کے دماغ سے سوچتے ہیں ۔ اس لیے جس قائد نے عوام کو پہلی بار غلط راستہ پر دوڑایا تھا، اسی کی یہ ذمہ داری ہے کہ وہ غیر مشتبہ انداز میں اپنی غلطی کا اعلان کرے، تا کہ اس کے اَتباع (followers) معاملہ کی صحیح نوعیت کو سمجھ لیں اور دوبارہ ایسی غلطی میں مبتلا نہ ہوں۔

امتحان کی اس دنیا میں غلطی کرنا جرم نہیں ہے۔ اصل جرم یہ ہے کہ غلطی کرنے کے بعد آدمی اپنی غلطی کا اعتراف نہ کرے۔