كائنات كا مطالعه بتاتا هے كه پوري كائنات ايك مركز كے گرد گھوم رهي هے۔ ايٹم كا ايك نيوكليس (nucleus) هے، اور ايٹم كا ايك پورا ڈھانچه اس نيوكليس كے گرد گھومتا هے۔ شمسي نظام كا مركز سورج هے اوراس كے تمام سيارے اور سيارچے مسلسل اس كے گرد گھوم رهے هيں۔ اسي طرح كهكشاں كا ايك مركز هے اور كهكشاں كے اربوں ستارے اس مركز كے گرد حركت كرتے هيں۔ يهاں تك كه پوري كائنات كا ايك مركز هے، اور پوري پھيلي هوئي كائنات اپني ذيلي حركتوں كے ساتھ اس آخري مركز كے گرد حركت كررهي هے۔سائنس دانوں كا اندازه هے كه يه كائناتي مركز ايك روز اپنے گرد كي تمام چيزوں كو كھينچنا شروع كرے گا، اور پھر يه ناقابلِ قياس حد تك پھيلي هوئي عظيم كائنات اپنے مركز كي طرف سمٹنا شروع هوگي، اور بالآخر وه وقت آئے گا كه سارے كائناتي اجسام اس طرح سمٹ كر ايك مركزي گولے كي صورت اختيار كرليں گے، جيسے بكھري هوئي كيلوں كے درميان مقناطيس لايا جائے، اور سب كيليں سمٹ سمٹ كر اس سے جڑ جائيں— كَمَا بَدَأْنَا أَوَّلَ خَلْقٍ نُّعِيدُهُ (21:104)۔ یعنی، جس طرح پہلے ہم نے تخلیق کی ابتدا کی تھی، اسی طرح ہم پھر اسے لوٹائیں گے۔
اس طرح كائنات گويا دينِ توحيد كا عملي مظاهره بن گئي هے۔ وه عمل كي زبان ميں بتارهي هے كه انسان كي زندگي كو كيسا هونا چاهيے۔ انسان كي زندگي كو ايسا هونا چاهيے كه اس كي تمام سرگرميوں كا صرف ايك مركز هو، اور وه ايك خدا هو۔ آدمي كے جذبات، اس كي سوچ، اس كي سرگرمياں، اس كا سب كچھ خدا كے گرد گھومنے لگيں۔
آدمي اگر اپني زندگي كا مركزومحور اپني ذات كو بنائے تو كائنات بزبانِ حال اس كو رد كررهي هے۔ اسي طرح اگر وه اپني ذات كے باهر كسي كو اپني توجهات كا مركز ومحور بنائے تو موجوده كائنات كے ڈھانچے ميں وه قابلِ رد قرار پارها هے۔ كائنات كا موجوده ڈھانچه ايك هستي كے سوا كسي دوسرے كي مركزيت كو قبول كرنے سے انكار كرتاهے۔كائنات زبان ِحال سے كهه رهي هے — ’’ايك‘‘ كو اپنا مركز ِتوجه بناؤ، نه كه ايك كے سوا ’’كئي‘‘ كو۔
اللہ کی معرفت دین کی روح ہے۔ معرفت کے بغیر دین ایک بے جان صورت بن جاتا ہے۔