قرآن خدا كي كتاب كي حيثيت سے ساتويں صدي عيسوي كے نصف اول ميں اترا۔ اس وقت ساري دنيا ميں توهم پرستي كا كلچر رائج تھا۔ قرآن كے بعد علمي دريافتوں كا سلسله شروع هوا۔ يه دور بيسويں صدي عيسوي ميں اپني تكميل تك پهنچا۔ قرآن كي صداقت كا يه علمي ثبوت هے كه بعد كي علمي تحقيقات قرآن كي باتوں كي تصديق بنتي چلي گئيں۔ اس سلسلے ميں برٹش سائنسداں سرجيمس جينز كا ايك اقتباس يهاں نقل كيا جاتا هے
The stream of knowledge is heading towards a non-mechanical reality; the universe begins to look more like a great thought than like a great machine. (The Mysterious Universe, James Jeans, p. 137)
يه بات برٹش سائنسداںنے 1930 ميں كهي تھي۔ اس كے بعد كي تمام دريافتيں اس بات كي تصديق بنتي چلي گئيں كه حقيقت كا جو تصور قرآن ميں دياگيا هے، وهي درست تصور هے۔ اس درميان سائنسي دريافتوں كے ذريعے ملحدانه تصورات رد هوتے چلے گئے، اور موحدانه تصورات ثابت شده بنتے چلے گئے۔
مثلاً قديم ملحدين يه سمجھتے تھے كه كائنات ابدي هے، وه جيسي آج هے ،ويسي هي وه ابد سے چلي آرهي هے، اس ليے كائنات كو خالق كي كوئي ضرورت نهيں۔ مگر بعد كي سائنسي تحقيقات نے يه ثابت كيا كه كائنات كا ايك آغاز هے۔ 13 بلين سال پهلے بگ بينگ (Big Bang) كي صورت ميں كائنات كا آغاز هوا۔اسي طرح قديم ملحدين مانتے تھے كه كائنات ميں كوئي نظم نهيں،مگر موجوده زمانے ميں سائنسي تحقيقات سے يه ثابت هوا كه كائنات ميںايك ذهين ڈيزائن (intelligent design) هے۔ حقيقت يه هے كه سائنس كي تمام دريافتيں مذهبِ توحيد كي تصديق كرتي هيں، خواه براهِ راست طورپرہوں، يا بالواسطه طورپر۔
اللہ کی معرفت دین کی روح ہے۔ معرفت کے بغیر دین ایک بے جان صورت بن جاتا ہے۔