Istelahaat-e-Hajj

اصطلاحاتِ حج: میقات، مکے سے پہلے کا وہ مقام جہاں سے احرام باندھا جاتا ہے۔ احرام: حج یا عمرے کی نیت کر کے خاص طرح کا سادہ لباس پہننا۔ تلبیہ: "لبیک اللہم لبیک" والی دعا پڑھنا۔ تحلیل: "لا الہ الا اللہ محمد رسول اللہ" پڑھنا۔

طواف: خانۂ کعبہ کے گرد 7 چکر لگانا۔ طواف کی کئی قسمیں ہیں، مثلاً طوافِ قدوم، طوافِ زیارت، طوافِ وداع۔ مطاف: خانۂ کعبہ کے گرد کی وہ جگہ جہاں گھوم کر طواف کیا جاتا ہے۔ عمرہ: حجِ اصغر یعنی احرام باندھ کر کعبے کا طواف کرنا، اور صفا و مروہ کے درمیان سعی کرنا۔

حجِ افراد: صرف حج کا احرام باندھنا؛ وہ شخص مفرد ہے جو اس طرح احرام باندھے۔ قران: حج اور عمرہ دونوں کا احرام ایک ساتھ باندھنا؛ ایسا کرنے والے کو "قارن" کہتے ہیں۔ تمتع: حج کے زمانے میں احرام باندھ کر عمرہ کرنا، اور پھر کچھ دنوں کے لیے احرام کھول کر حج کے لیے دوبارہ احرام باندھنا؛ ایسے شخص کو "متمتع" کہا جاتا ہے۔ رمل: طواف کے وقت اکڑ کر چلنا اور کندھوں کو ہلانا۔

ازتباع: احرام کی دو چادروں میں سے اوپر والی چادر کو دائیں بغل سے نکال کر بائیں کندھے پر ڈالنا۔ سعی: صفا اور مروہ کے درمیان 7 مرتبہ آنا جانا۔ میلین اخزرین: وہ سبز ستون جن کے درمیان سعی کرنے والے کو تیز چلنا ہوتا ہے۔ شوط: کعبے کے گرد 1 چکر یا صفا و مروہ کے درمیان 1 چکر لگانے کو شوط کہتے ہیں۔

استلام: حجرِ اسود کو چھونا، یا اس کا بوسہ لینا، یا دونوں ہتھیلی کو اس طرف کر کے چومنا۔ استلام: حجرِ اسود کو چھونا، یا اس کا بوسہ لینا، یا دونوں ہتھیلی کو اس کی طرف کر کے چومنا۔ وقوف: عرفات کے میدان میں اور مزدلفہ میں پہنچ کر کچھ دیر ٹھہرنا۔ رمی: جمرے پر کنکریاں پھینکنا؛ جمرات 3 ہیں: جمرہ اولی، جمرہ وسطی، جمرہ عقبی۔

تحلیق: قربانی کے بعد بال منڈانا۔ تقصیر: قربانی کے بعد بال ترشوانا۔ افاقی: وہ مسلمان جو حج کے لیے حدودِ میقات کے باہر سے آیا ہو۔ حطیم: خانۂ کعبہ کا وہ حصہ جو پہلے اس کا جز تھا مگر اب اس سے باہر ہے۔

حجرِ اسود: وہ پتھر جو کعبے کے جنوب مشرقی کونے میں نصب ہے۔ منیٰ: ایک مقام جو مکے سے 3 میل کے فاصلے پر ہے۔ مزدلفہ: عرفات اور منیٰ کے درمیان ایک میدان، جو منیٰ سے بجانب مشرق 2 میل کے فاصلے پر ہے۔ اہلِ حل: وہ لوگ جو میقات کی حدود کے اندر اور حدودِ حرم سے باہر رہتے ہوں۔

اہلِ حرم: مکہ اور حرم میں بسنے والے لوگ۔ ہدی: وہ جانور جو قربانی کی نیت سے حاجی اپنے ساتھ لے جاتے ہیں۔ تقلید: قربانی کے جانور کے گلے میں پٹا باندھنا۔ رفث: بےہودہ باتیں کرنا؛ ایسی باتیں ایامِ حج میں حرام ہیں۔

نحر: قربانی جو رمی کے بعد منیٰ میں کی جاتی ہے۔ وادیِ محسر: مزدلفہ کا ایک مقام جہاں ابرہا کی فوج کو خدا نے تباہ کیا تھا۔ جمرات: جمرہ اولی، جمرہ وسطی، جمرہ عقبی؛ یہ تینوں مسجدِ خیف کے پاس ہیں۔ ملتظم: حجرِ اسود اور کعبے کے دروازے کے درمیان کی جگہ، جہاں خصوصی دعا کی جاتی ہے۔

رکنِ اسود: کعبے کا چوتھا گوشہ، جہاں سے حجرِ اسود کا استلام کر کے طواف شروع کیا جاتا ہے۔ مقامِ ابراہیم: وہ پتھر جس پر کھڑے ہو کر حضرت ابراہیم نے خانۂ کعبہ کی تعمیر کی تھی۔ کفارہ: حج کی ادائیگی میں غلطی کی تلافی کے لیے قربانی دینا یا صدقہ کرنا۔ حقیقتِ حج: مولانا وحید الدین خان، صفحہ نمبر 110۔